Հովհարով աղջիկը (նկար, Ռենուար)

Հովհարով աղջիկը (ֆր.՝ La Femme à l'éventail) նկարել է ֆրանսիացի նկարիչ Պիեռ Օգյուստ Ռենուարը (Pierre-Auguste Renoir, 1841—1919) 1881 թվականին^[3] (այլ տվյալներով 1880 թվականին)։ Պատկանում է Սանկտ-Պետերբուրգի Էրմիտաժին, ցուցադրվում է 66-րդ սրահում՝ «Ռենուարի սրահ»։ Նկարի չափսերն են 65×50 սմ^[4]։

Հովհարով աղջիկը ֆր.՝ La Femme à l'éventail
տեսակ	գեղանկար
նկարիչ	Օգյուստ Ռենուար
տարի	1881
բարձրություն	65
լայնություն	50
ստեղծման վայր	Ֆրանսիա[1]
ժանր	դիմապատկեր
նյութ	կտավ
գտնվում է	Պետական Էրմիտաժ[1]
հավաքածու	Պետական Էրմիտաժ
սեփականատեր	Իվան Մորոզով
հիմնական թեմա	Alphonsine Fournaise?
պատկերված են Alphonsine Fournaise?[2], կին, նստած, հովհար, շականակագույն մազեր, ճակատի հերափունջ, հերաբաժան, ունք, սև, Շրթներկ, Ատամ, բազկաթոռ, backrest?, ժպիտ, երկար մազեր, ապարանջան և զգեստ
Ծանոթագրություններ
Femme à l'éventail by Pierre-Auguste Renoir Վիքիպահեստում

Պատմություն և նկարագրություն

Ենթադրվում է, որ որպես նկարի բնորդ ծառայել է Փարիզից փոքր-ինչ արևմուտք գտնվող Սենա գետի ափին տեղակայված Ֆուռնեզ ռեստորանի տիրոջ աղջիկը՝ Ալֆոնսինա Ֆուռնեզը (Alphonsine Fournaise)։ Շատույում, որտեղ գտնվում է ռեստորանը, Ռենուարը նկարել է իր հայտնի «Թիավարների նախաճաշը» կտավը, որտեղ Ալֆոնսինան կերպարներից մեկի բնորդն է եղել^[5]։ 1881 թվականի հունվարին հայտնի մարշալ Պոլ Դյուրան-Ռուելը Ռենուարից ձեռք բերեց մի քանի կտավներ, այդ թվում «Հովհարով աղջիկը», որի համար մարշալը վճարեց 500 ֆրանկ։ 1882 թվականի մարտին «Հովհարով աղջիկը» Ռենուարի մյուս կտավների հետ միասին ցուցադրվեց Փարիզում անցկացվող իմպրեսիոնիստների 7-րդ ցուցահանդեսին։ Նկարը Դյուրան-Ռուելի մոտ մնաց մինչև 1908 թվականը, իսկ հետո նկարը վաճառեց ռուս գործարար և կոլեկցիոներ Իվան Մոռոզովին 30 000 ֆրանկով։ 1919 թվականին Իվան Մոռոզովի հավաքածուն տրվեց արևմտյան գեղանկարչության 2-րդ թանգարանին։ 1923 թվականին թանգարանը միավորվեց արևմտյան գեղանկարչության 1-ին թանգարանի հետ, և արդյունքում ստեղծվեց նոր արևմտյան արվեստի պետական թանգարանը, որտեղ «Հովհարով աղջիկը» մնաց մինչև 1930 թվականը, որից հետո նկարը տեղափոխվեց Էրմիտաժ և մինչ օրս այնտեղ է^[6]։

Տես նաև

• Պիեռ Օգյուստ Ռենուարի նկարների ցանկ 1862-1881

Ծանոթագրություններ

1. https://www.hermitagemuseum.org/wps/portal/hermitage/digital-collection/01.+Paintings/28705/
2. http://www.historiadelarte.us/impresionismo/renoir-el-almuerzo-de-los-remeros.html
3. Девушка с веером, 1881 г., Ренуар, Пьер Огюст (HTML). Государственный Эрмитаж — www.hermitagemuseum.org (ռուս.)
4. Colin B. Bailey, Linda Nochlin, Anne Distel. Renoir's Portraits: Impressions of an Age. — New Haven and London/ Ottawa: Yale University Press/ National Gallery of Canada, 1997. — С. 175—177. — 384 с. — ISBN 9-780-888-84668-6 (անգլ.)
5. Luncheon of the Boating Party — Pierre-August Renoir (HTML). The Phillips Collection, www.phillipscollection.org. (անգլ.)
6. Девушка с веером (N 212522) (HTML). http://school-collection.edu.ru.+Проверено 7 октября 2014(ռուս.)