Հալեպի մարզ

Հալեպի մարզ (արաբ․՝ محافظة حلب‎‎), մարզի կարգավիճակ ունեցող վարչական միավոր Սիրիայի Արաբական Հանրապետության հյուսիս-արևմուտքում։ Ունի 18 498 կմ² տարածք և 4 868 000 բնակչություն (2011 թվականի տվյալներով)^[1]։

Հալեպի մարզ արաբ․՝ محافظة حلب‎‎
Երկիր	Սիրիա
Կարգավիճակ	մարզ
Մտնում է	Սիրիա
Ներառում է	10 գավառ
Վարչկենտրոն	Հալեպ
Հիմնական լեզու	արաբերեն
Բնակչություն (2011)	4 868 000 (1 տեղ)
Խտություն	263,16
Ազգային կազմ	արաբներ, քրդեր, հայեր[1], թուրքմեններ, չերքեզներ
Կրոնական կազմ	Սուննի իսլամ Քրիստոնեություն
Տարածք	18 498  (5 տեղ)
Ժամային գոտի	+2
ISO 3166-2 կոդ	SY-HL
Ծանոթագրություններ: Մինչև Սիրիական ճգնաժամը Հալեպ քաղաքում բնակվում էր ավելի քան 50 000 հայ
Հալեպի մարզի կայք
Հալեպի մարզ Վիքիպահեստում

Աշխարհագրություն

Մարզը գտնվում է Հալեպի բարձրավանդակի վրա, իսկ հյուսիսային և արևելյան սահմանները համընկնում են բարձրավանդակի սահմաններին։ Հարավ-արևելքից սահմանակցում է Սիրիական անապատին, հարավում՝ Համայի, իսկ հարավ-արևմուտքում՝ Իդլիբ հարթավայրերին։ Արևելքից սահմանակից է Ալ-Ռակկայի, հարավից Համայի, արևմուտքից Իդլիբի մարզերին, հյուսիսում և հյուսիս-արևմուտքում Թուրքիայի Հանրապետությանը։ Մարզի տարածքով հյուսիսից արևելք հոսում է Եփրատ գետը, որի վրա կառուցված է ալ-Ասադ ջրամբարը։

Կլիմա

Մարզի կլիման կիսաանապատային է։ Մարզը Միջերկրական ծովի հատվածում գրեթե ամբողջ երկարությամբ պատված է ժայռերով, ինչը խանգարում է միջերկրծովյան խոնավ օդային զանգվածների ներթափանցմանը մարզի տարածք։ Մարզի միջին ջերմաստիճանը 18-20 ºС է, տարեկան միջին տեղումների քանակը տատանվում է 450 մմ-ից (արևմուտքում) մինչև 150 մմ-ի (հարավ-արևելքում) սահմաններում։ Ավանդաբար մարզի հյուսիսային շրջանները հանդիսանում են Սիրիայի ամենաբերրին և ամենամարդաշատը։

Լեզու

Մարզի հիմնական խոսակցական լեզուն արաբերենն ու քրդերենն է։ Սիրիյաում ապրող արաբ բանախոսները հիմնականում օգտագործում են Հյուսիսային Սիրիայի արաբական բարբառը, որը համարվում է անցումային բարբառը Լևանտի և Ջազիրայի բարբառների միջև։ Բեդվինական բարաբռն մեծ ազդեցություն է ունեցել տեղի լեզվի և մշակույթի մեջ։

Բեդվիների ազդեցությունը անշեղորեն շատ մեծ է երկրի արևմուտքից մինչև արևելք, այն հասնում իր գագաթնակետին երկրի արևելյան մասերում, հիմանականուն՝ Ալ-Ռակկայի բնակչության մոտ։ Իսկ քուրդ բանախոսներն օգտագործել են արևմտյան քուրմանջի քրդերենի տարբեր բարբառնեը։ բնակչություն խոսում է նաև այլ լեզուներով, ինչպիսիք են օրինակ՝ թուրքմեններենը, ասորերենը, հայերենը և չերքեեզերնը։

Վարչական բաժանում

	Հայերեն անվանում	Արաբերեն անվանում	Վարչական կենտրոն	Բնակչություն (2004)	Տարածք կմ²	Ներքին բաժանում	Քարտեզ
	Ազազի գավառ	منطقة أعزاز	Ազազ	251 769	1259,96	6 շրջան
	Այն ալ-Արաբի գավառ	منطقة عين العرب	Այն ալ-Արաբ	192 513	3068,04	4 շրջան
	Ալ-Աթարիբի գավառ	منطقة الأتارب	Ալ-Աթարիբ	76 962	3068,04	3 շրջան
	Աֆրինի գավառ	منطقة عفرين	Աֆրին	172 095	1840,85	7 շրջան
	Ալ-Բաբի գավառ	منطقة الباب	Ալ-Բաբ	201 589	1480,95	4 շրջան
	Դեյր Հաֆիրի գավառ	منطقة دير حافر	Դեյր Հաֆիր	91 124	534,44	3 շրջան
	Մանբիջի գավառ	منطقة منبج	Մանբիջ	408 143	5183,99	5 շրջան
	Ջարաբուլուսի գավառ	منطقة جرابلس	Ջարաբուլուս	58 889	607,48	2 շրջան
	Ալ-Սաֆիրայի գավառ	منطقة السفيرة	Ալ-Սաֆիրա	178 293	2,850.56	5 շրջան
	Սիմեոն լեռան գավառ	منطقة جبل سمعان	Հալեպ	2 412 072	2757.27	7 շրջան

Ծանոթագրություններ

1. «City Population: Syria». Վերցված է 2011 թ․ օգոստոսի 19-ին.