Կումիս

Կումիս, թթու կաթնային խմիչք։ Հնուց հայտնի է քոչվոր ժողովուրդներին։ Պատրաստվում է զամբիկի հում (հազվադեպ կովի և ուղտի) պաստերիզացված կաթի խմորմամբ՝ կաթնաթթվային մանրէներով (գլխավորապես ցուպիկներով) և կաթնային խմորասնկերով (26-28 °C ջերմաստիճանում)։ Մինչև 60°T մակարդված կաթը 60 րոպե խառնում են կաղնու կամ լորենու կոնաձև տակառներում (չաներում) և լցնում նեղվիզ, հերմետիկ խցանափակվող շշերի մեջ, բնական գազացման նպատակով պահում 30-40 րոպե՝ 20-22 °C-ում, ապա 12-14 ժամ սառեցնում՝ 4-6 °C-ում։ Պատրաստի կումիսը փրփրուն ըմպելիք է՝ սպիրտի հոտով և համով։ Պարունակում է 2-2, 5% սպիտակուց, 1-2% ճարպ, 3, 5-4, 8% շաքար, վիտամիններ (C, A, D, E, PP և B խմբի), ֆոսֆոր և կալցիում։ Ըստ կաթնաթթվի և սպիրտի պարունակության լինում է թույլ, միջին և ուժեղ։ Բնական կումիսը (զամբիկի կաթից) կիրառվում է կումիսաբուժության մեջ։ Կումիսագործությունը զարգացած է Ասիայի, Մերձավոր և Միջին Արևելքի, Լատինական Ամերիկայի երկրներում։

Կումիս
Տեսակ	fermented beverage?
Ենթատեսակ	կաթնամթերք, յոգուրտ և կաթի կամ սերուցքի այլ տեսակներ՝ մակարդված կամ թթվեցված և Q26883701?
Բաղադրամասեր	mare milk?
Ծագման երկիր	Սկիֆիա և  Մոնղոլիա[1]
Ստեղծման տարի	13-րդ դար
Kymyz Վիքիպահեստում

Ծանոթագրություններ

1. Representative List of the Intangible Cultural Heritage of Humanity, Liste représentative du patrimoine culturel immatériel de l’humanité, Lista Representativa del Patrimonio Cultural Inmaterial de la Humanidad

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 11)։

Վիքիպահեստն ունի նյութեր, որոնք վերաբերում են «Կումիս» հոդվածին։