Կեշա

Կեշա Ռոուզ Սեբերտ (անգլ.՝ Kesha Rose Sebert, մարտի 1, 1987(1987-03-01)^[3][4], Լոս Անջելես, Կալիֆոռնիա, ԱՄՆ^[5]), ամերիկացի երգչուհի, երգերի հեղինակ և ռեփեր։ 2005 թվականին ստորագրել է պայմանագիր պրոդյուսեր Dr. Luke-ի Kemosabe Records ձայնագրման լեյբլի հետ և դարձել է դրա անդամ^[6]։ Նա մեծ ճանաչում ձեռք բերեց 2009 թվականին, երբ իր մասնակցությունն ունեցավ ռեփեր Ֆլո Ռայդայի «Right Round» սինգլում, որը Միացյալ Նահանգների Billboard Hot 100 հիթ շքերթում զբաղեցրեց առաջին հորիզոնականը^[7]։ 2010 թվականի հունվարին թողարկվեց երգչուհու առաջին՝ «Animal» կոչվող ստուդիական ալբոմը, որը գլխավորել է Billboard 200 հիթ շքերթը և վաճառվել է միլիոնավոր օրինակներով^[8]։ Այդ ալբոմի «Tik Tok» սինգլը գլխավորեց միջազգային հիթ շքերթներ, այդ թվում՝ Billboard Hot 100-ը^[9]։ 2010 թվականին թողարկվեց նաև «We R Who We R» սինգլը, որը նույնպես գլխավորեց Billboard Hot 100-ը՝ դառնալով նրա երրորդ երգը, որն այդ հիթ շքերթում զբաղեցրել է առաջին հորիզոնականը^[10]։

Կեշա
Կեշան 2014 թվականի հուլիսին
Հիմնական տվյալներ
Բնօրինակ անուն	Kesha
Ի ծնե անուն	Կեշա Ռոուզ Սեբերտ
Նաև հայտնի է որպես	Ke$ha[1]
Ծնվել է	մարտի 1, 1987 (38 տարեկան) Լոս Անջելես, Կալիֆորնիա
Երկիր	ԱՄՆ
Ժանրեր	Սինտփոփ, էլեկտրոփոփ, փոփ ռեփ, ռոք, պարային
Մասնագիտություն	Երգչուհի, երգերի հեղինակ, ռեփեր
Երգչաձայն	մեցցո-սոպրանո
Գործիքներ	վոկալ, կիթառ, ստեղնաշարային գործիքներ, սինթեզատոր, դաշնամուր և հարվածային գործիք
Գործունեություն	2005-ներկա
Լեյբլ	RCA Records, Kemosabe Records
Կրթություն	Franklin High School?, Brentwood High School? և Բերնարդ քոլեջ
Պարգևներ	Գենեզիսի մրցանակ և Թայմ 100 [2]
Կայք	keshasparty.com
Ստորագրություն
Kesha Վիքիպահեստում

2012 թվականի նոյեմբերին վաճառքի դուրս եկավ Կեշայի երկրորդ ստուդիական ալբոմը, որը կրում է «Warrior» անվանումը^[11]։ 2013 թվականին երգչուհին իր մասնակցությունն ունեցավ ռեփեր Պիտբուլի «Timber» սինգլում, որը Billboard Hot 100-ում և միջազգային մի շարք հիթ շքերթներում զբաղեցրել է առաջին հորիզոնականը^[12]։

Անձնական կյանք

Կեշան բիսեքսուալ է^[13]։ Նա երաժշտական կատարումներով է հանդես եկել թե՛ հետերոսեքսուալ և թե՛ հոմոսեքսուալ զույգերի հարսանեկան արարողությունների ժամանակ^[14]։

Սկավառակագրություն

Հիմնական հոդված՝ Կեշայի սկավառակագրություն

Ստուդիական ալբոմներ

• «Animal» (2010)
• «Warrior» (2012)
• «Rainbow» (2017)

Մինի ալբոմներ

• «Cannibal» (2010)
• «Deconstructed» (2013)

Հավաքածու ալբոմներ

• «I Am the Dance Commander + I Command You to Dance: The Remix Album» (2011)