Կենսաբժշկական ճարտարագիտություն

Կենսաբժշկական ճարտարագիտությունը (ԿԲՃ) կամ բժշկական ճարտարագիտությունը` ճարտարագիտական սկզբունքների և դիզայնի կոնցեպտների կիրառումն է բժշկության և կենսաբանության ոլորտում, առողջապահական նպատակներով (օրինակ՝ ախտորոշում կամ բուժում)։ Այս ոլորտը նպատակ ունի փակել ճարտարագիտության և բժշկության միջև եղած անջրպետը՝ համատեղելով ճարտարագիտության խնդիրների լուծման հմտությունները, բժշկական և կենսաբանական գիտությունների հետ՝ առողջապահությունն առաջ տանելու նպատակով, ներառյալ ախտորոշումը, մոնիտորինգը և թերապիան^[1][2]։ Կենսաբժշկական ճարտարագետի լիազորությունների շրջանակում կարող է նաև ընդգրկված լինել բժշկական սարքավորումների ընթացիկ կառավարումը և սպասարկումը հիվանդանոցներում ՝ պահպանելով արդյունաբերության համապատասխան չափանիշները։ Սա իր մեջ ներառում է բժշկական սարքավորումների գնումները, առօրյա փորձարկումը և սպասարկումը, որը հիվանդանոցներում կատարում է մասնագետ այլ կերպ հայտնի որպես կենսաբժշկական սարքավորումների տեխնիկ (Biomedical Equipment Technician (BMET)) կամ որպես կլինիկական ճարտարագետ։

Միզապարկի ուլտրաձայնային պատկեր (սև թիթեռի տեսքով) հիպերպլաստիկ շագանակագեղձ : Կիրառական և բժշկական գիտությունների միասնական աշխատանքի օրինակ:

Կենսաբժշկական ճարտարագիտությունը վերջերս հանդես է գալիս որպես առանձին ուսում ի տարբերություն ճարտարագիտության շատ այլ ոլորտների։ Նման էվոլյուցիան տարածված է երբ նոր ոլորտը անցում է կատարում արդեն իսկ կայացած ոլորտների միջդիսցիպլինար մասնագիտացում լինելուց, դեպի ինքնին ոլորտ կամ մասնագիտացում։ Կենսաբժշկական ճարտարագիտության ոլորտում աշխատանքի մեծ մասը բաղկացած է հետազոտությունից և մշակումից, իր մեջ ներառելով լայն ենթաոլորտներ (տես ստորև)։ Կենսաբժշկական ճարտարագիտության ստեղծած հայտնի հավելվածներից են կենսահամատեղելի պրոթեզները, տարբեր ախտորոշիչ և թերապևտիկ բժշկական սարքերը, սկսած կլինիկական սարքավորումներից մինչև միկրո-իմպլանտներ, ընդհանուր ախտորոշիչ սարքավորումները, ինչպիսիք են ՄՌՇ֊ը և ԷՍԳ֊ը, ռեգեներատիվ հյուսվածքների աճը և դեղանյութերը։

Ծանոթագրություններ

1. John Denis Enderle; Joseph D. Bronzino (2012). Introduction to Biomedical Engineering. Academic Press. էջեր 16–. ISBN 978-0-12-374979-6.
2. Fakhrullin, Rawil; Lvov, Yuri, eds. (2014). Cell Surface Engineering. Cambridge: Royal Society of Chemistry. ISBN 978-1-78262-847-7. Արխիվացված է օրիգինալից 2021 թ․ հունվարի 25-ին. Վերցված է 2020 թ․ մարտի 5-ին.