Remove ads
Կարապետ Բ Ուլնեցի (ծ. թ. անհայտ, գ. Ուլն (Զեյթուն գավառ) – 9.10.1729, Վաղարշապատ, թաղվել է Սբ. Հռիփսիմե տաճարի արևմտյան կողմում), Ամենայն հայոց կաթողիկոս 1726 թվականից։ Հաջորդել է Աստվածատուր Ա Համադանցուն։
| Կարապետ Բ Ուլնեցի | |
|---|---|
| Ծնվել է | անհայտ[1] |
| Ծննդավայր | Զեյթուն, Օսմանյան կայսրություն[1] |
| Մահացել է | հոկտեմբերի 9, 1729[1] |
| Մահվան վայր | Վաղարշապատ[1] |
| Գերեզման | Սուրբ Հռիփսիմե եկեղեցի[1] |
| Մասնագիտություն | քահանա |
| Զբաղեցրած պաշտոններ | Ամենայն Հայոց Կաթողիկոս |
Սովորել և եպիսկոպոս է ձեռնադրվել Սսի կաթողիկոսարանում։
Եղել է Գաղաթիո հայոց թեմակալ։ 1725 թվականի աշնանը, երբ դժբախտ պատահարից վախճանվում է Աստվածատուր Ա Համադանցին, Հայաստանում ընթանում էին պատերազմներ․ թուրքերը գրավել էին Այրարատը, իսկ Սյունիքում և Արցախում շարունակվում էին ազատագրական կռիվները։ Սբ. Էջմիածնի միաբանները ցրված էին և Վաղարշապատում հնարավոր չէր անցկացնել կաթողիկոսի ընտրություն։ Այդ պատճառով էլ Կ. Պոլսի Հայոց պատրիարք Հովհաննես Կոլոտ Բաղիշեցու նախաձեռնությամբ և Կ. Պոլսի, Սսի և Երուսաղեմի հայոց աշխարհիկ ու հոգևոր գործիչների համաձայնությամբ ընտրությունը տեղի է ունեցել Կ. Պոլսում։ Կարապետ Բ Ուլնեցին օծվում է 1726 թվականի փետրվարի 27-ին՝ Կ. Պոլսի Սբ. Աստվածածին Մայր եկեղեցում։ 1727 թվականի հունիսին Կ. Պոլսից մեկնում է Վաղարշապատ՝ ճանապարհին այցելելով հայոց հոգևոր թեմերի մի շարք կենտրոններ (Բրուսա, Անկյուրա, Եվդոկիա և այլն)։ Էջմիածին է հասնում 1728 թվականի սկզբին։ Համախմբում է ցրված միաբաններին, կարգավորում վանքապատկան կալվածագրերը և նպաստում հոգևոր-մշակութային կյանքի վերակենդանացմանը։ Կարապետ Բ Ուլնեցու պատվերով Հակոբ Հովնաթանյանը նկարում է 12 առաքյալների պատկերները Մայր տաճարի խորանի կամարին։
Կաթողիկոսական գահին Կարապետ Բ Ուլնեցուն հաջորդել է Աբրահամ Բ Խոշաբեցին։
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads