Լոուրենսիում

Լոուրենսիում, պարբերական համակարգի III խմբի քիմիական տարր է, որի նշանն է Lr: Ակտենիդ է, ատոմային թիվը՝ 103։

Լոուրենսիում

Ստացվել է արհեստականորեն և կայուն իզոտոպներ չունի։ № 103 տարրը սինթեզելու առաջին փորձերն արել են ամերիկացի գիտնականները Ա. Գիորսոյի ղեկավարությամբ (1961), որոնք էլ տարրն անվանել են Լոուրենսիում, ի պատիվ ամերիկացի ֆիզիկոս Է. Լոարենսի։ Սակայն նրանց փորձերի արդյունքները հետագայում չհաստատվեցին, դրա համար էլ Լոուրենսիում անվանումը վիճելի է (պարբերական համակարգում վերցված է փակագծերի մեջ)։ 1965-ին սովետական գիտնականներն ստացան ${\displaystyle {}_{}^{256}{\textrm {Lr}}}$ իզոտոպը՝ ամերիցիում ${\displaystyle {}_{}^{243}{\textrm {Am}}}$ իզոտոպն 180–ի արագացված իոններով ճառագայթելիս (Դուբնա)։ Հաստատված է, որ ${\displaystyle {}_{}^{256}{\textrm {Lr}}}$-իi միջուկներն արձակում են ${\displaystyle \alpha }$ մասնիկներ և նրա ${\displaystyle T_{\frac {1}{2}}=35}$ վրկ։ 1969-ին Դուբնայում առաջին անգամ ստացվեց նաև ${\displaystyle {}_{}^{255}{\textrm {Lr}}}$ իզոտոպը։ Ամերիկացի գիտնականները 1971-ին ստացան ${\displaystyle 257-260}$ զանգվածի թվերով իզոտոպներ, որոնցից ամենակայունը ${\displaystyle {}_{}^{260}{\textrm {Lr}}}$ է (${\displaystyle T_{\frac {1}{2}}=3}$ ր)։ Լոուրենսիումի բոլոր իզոտոպներն ստացվել են չափազանց քիչ քանակներով և վատ են ուսումնասիրված։ Ենթադրվում է, որ քիմիական հատկություններով պետք է նման լինի ծանր ակտինիդներին, իսկ օքսիդացման բնորոշ թիվը՝ ${\displaystyle +3}$:

Տես նաև

• Պարբերական աղյուսակ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 668)։