Լի Անկրիչ

Լի Անկրիչ (անգլ.՝ Lee Edward Unkrich, օգոստոսի 8, 1967(1967-08-08)^[1], Քլիվլենդ, Օհայո, ԱՄՆ), ամերիկացի կինոռեժիսոր և մոնտաժող, «Օսկար» (2010) և «Ոսկե գլոբուս» կինոմրցանակների դափնեկիր։ «Փիքսար» ընկերության մշտական աշխատակից, որտեղ աշխատում է սկսած 1994 թվականից։

Լի Անկրիչ
Ծննդյան թիվ՝	օգոստոսի 8, 1967(1967-08-08)[1] (57 տարեկան)
Ծննդավայր՝	Քլիվլենդ, Օհայո, ԱՄՆ
Քաղաքացիություն՝	ԱՄՆ
Մասնագիտություն՝	կինոռեժիսոր, մոնտաժող, մուլտիպլիկատոր, կրկնօրինակող և սցենարիստ
Պարգևներ՝	Էննի մրցանակ և Time Machine Award?
IMDb։	ID 0881279

Կարիերա

«Փիքսար» ընկերության կողմից նկարահանվող կոմերցիոն հայտնի ծրագրերի համառեժիսոր է։ Նկարահանել է այնպիսի անիմացիոն-համակարգչային ֆիլմեր, ինչպիսիք են՝ «Խաղալիքների պատմություն 2», «Հրեշների կորպորացիա» և «Որոնելով Նեմոյին»^[2]։ 2010 թվականին կայանում է Լի Անկրիչի դեբյուտը որպես ռեժիսոր. նա նկարահանեց «Խաղալիքների պատմություն։ Մեծ փախուստ» մուլտֆիլմը։ Այն հեղինակին բերեց «Օսկար լավագույն անիմացիոն լիամետրաժ ֆիլմի համար» մրցանակ։ Եվս մեկ «Օսկար» Անկրիչը ստացավ նույն անվանակարգում 2018 թվականի մարտի 4-ին «Կոկոյի գաղտնիքը»^[3] մուլտֆիլմի համար։

Անձնական կյանք

Անկրիչն ամուսնացած է Լաուրա Սենչրիի հետ։ Ունեն երեք երեխա՝ Հաննան, Ալիսան և Մաքսը^[4]։

Նրա մայրը հրեա է, իսկ հայրը ընդունել է հուդայականություն^[5][6][7]։

Ֆիլմագրություն

• 1991 - Մետաքսե ցանցեր / Silk Stalkings (հեռուստասերիալ) - մոնտաժող և համառեժիսոր
• 1995 - Խաղալիքների պատմություն / Toy Story - մոնտաժող
• 1998 - Ֆլիկի արկածները / A Bug’s Life - մոնտաժող
• 1999 - Խաղալիքների պատմություն 2 / Toy Story 2 - մոնտաժող և համառեժիսոր
• 2001 - Հրեշների կորպորացիա / Monsters, Inc. - մոնտաժող և համառեժիսոր
• 2003 - Որոնելով Նեմոյին / Finding Nemo - մոնտաժող և համառեժիսոր
• 2006 - Ավտոմեքենաներ / Cars - մոնտաժող
• 2007 - Ռատատույ / Ratatouille - մոնտաժող
• 2010 - Խաղալիքների պատմություն։ Մեծ փախուստ / Toy Story 3 - ռեժիսոր, սցենարի համահեղինակ
• 2013 - Հրեշների համալսարանը / Monsters University - պրոդյուսեր
• 2015 - Բարի դինոզավրը / The Good Dinosaur - պրոդյուսեր
• 2017 - Կոկոյի գաղտնիքը^[8] / Coco - ռեժիսոր
• 2019 - Խաղալիքների պատմություն 4 / Toy Story 4 - սցենարի հեղինակ

Ծանոթագրություններ

1. SNAC — 2010.
2. Ли Анкрич на сайте Box Office Mojo
3. «Тайна Коко» получила «Оскар» как лучший полнометражный мультфильм
4. O'Connor, Clint (2010 թ․ հունիսի 12). «'Toy Story 3': Director Lee Unkrich, from Chagrin Falls, doesn't want to break Pixar's golden streak». Cleveland.com. Վերցված է 2013 թ․ հունվարի 26-ին.
5. Miller, Gerri (2018 թ․ փետրվարի 27). «Lee Unkrich: 'Coco' Creator is the Frontrunner for Best Animated Feature».
6. Bloom, Nate (2011 թ․ հունվարի 21). «Jewish Stars 1/21». Cleveland Jewish News. Վերցված է 2018 թ․ մարտի 6-ին.
7. «Interfaith Celebrities: Movies, Music, and More». InterfaithFamily. Արխիվացված է օրիգինալից 2018 թ․ հոկտեմբերի 24-ին. Վերցված է 2018 թ․ հուլիսի 16-ին.
8. «'Coco' Ready for Thanksgiving Weekend Fireworks at the Box Office». 2017 թ․ նոյեմբերի 21.

Արտաքին հղումներ

• Լի Անկրիչ Internet Movie Database կայքում

Վիքիպահեստն ունի նյութեր, որոնք վերաբերում են «Լի Անկրիչ» հոդվածին։