Լիտվայի թատերական և երաժշտական ակադեմիա
From Wikipedia, the free encyclopedia
From Wikipedia, the free encyclopedia
Լիտվայի թատերական և երաժշտական ակադեմիա (լիտ.՝ Lietuvos muzikos ir teatro akademija), բարձրագույն երաժշտական և թատերական ուսումնական հաստատություն, կոնսերվատորիա Լիտվայում։
Տեսակ | կոնսերվատորիա, երաժշտական և թատերական ակադեմիա |
---|---|
Հիմնադրված է | 1919 |
Ընդհանուր անձնակազմ | 274 մարդ |
Անդամակցություն | Lithuanian Research Library Consortium?[1] |
Երկիր | Լիտվա |
Տեղագրություն | Վիլնյուս |
Պարգևներ | |
Կայք | lmta.lt |
Lithuanian Academy of Music and Theatre Վիքիպահեստում |
Լիտվայի առաջին կոնսերվատորիան հիմնադրվել է Կաունասում 1933 թվականին՝ 1919 թվականին կոմպոզիտոր Յուոզաս Նաույալիսի կողմից ստեղծված երաժշտական դպրոցի կազմավորման արդյունքում։ Կաունասի կոնսերվատորիան ավելի քան մեկ տասնամյակ ղեկավարել են Յուոզաս Նաույալիսը և Վիկտորաս Վանայտիսը։ 1943 թվականին ռազմական գործողությունների հետ կապված կոնսերվատորիան փակվել է։ 1944 թվականին կոնսերվատորիան վերագործարկվել է, իսկ 1945 թվականին Վիլնյուսում հիմնադրվել է Վիլնյուսի կոնսերվատորիան։ 1949 թվականին այս երկու հաստատությունները միավորվել են որպես Լիտվայի պետական կոնսերվատորիա, որը գործել է Վիլնյուսում։ 1952 թվականին կոնսերվատորիայում բացվել է դերասանական բաժին։ 1989 թվականին բաժինը բացվել է Կաունասում։ 1992 թվականին կոնսերվատորիան վերանվանվել է Լիտվայի երաժշտական ակադեմիա, 2004 թվականին՝ Լիտվայի թատերական և երաժշտական ակադեմիա։ 2005 թվականի հունվարի 1-ի տվյալներով ակադեմիան ունեցել է 1167 ուսանող և 274 ուսուցիչ[2]։
Ակադեմիայում կարող են ուսանել հետևյալ մասնագիտությունները՝
Լիտվայի թատերական և երաժշտական ակադեմիան Եվրոպայում երկկողմ համաձայնագրեր ունի 72 գործընկեր հաստատությունների հետ Սոկրատես ծրագրի շրջանակներում։ Երկկողմ կամ բազմակողմ համաձայնագրեր են կնքվել նաև Բելառուսի պետական երաժշտական ակադեմիայի, Մոսկվայի Չայկովսկու անվան կոնսերվատորիայի և նրա սլավոնական ավանդական երաժշտական դպրոցի, Սանկտ Պետերբուրգի Ռիմսկի-Կորսակովի անվան պետական կոնսերվատորիայի և Կանզասի համալսարանի հետ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.