Իվանկա Թրամփ

Իվանկա Մարի Թրամփ (անգլ.՝ Ivanka Marie Trump, հոկտեմբերի 30, 1981(1981-10-30)^[5][6][7], Նյու Յորք շրջան, Նյու Յորք, Նյու Յորք, ԱՄՆ), ամերիկացի ձեռնարկատիրուհի, ֆոտոմոդել, գրող։

Իվանկա Թրամփ անգլ.՝ Ivanka Trump
Դրոշ  ԱՄՆ նախագահի խորհրդական
2017 թվականի մարտի 29
Կուսակցություն՝	ԱՄՆ Հանրապետական կուսակցություն
Կրթություն՝	Չոութ Ռոզմարի Հոլ, Ուորթոնի դպրոց[1], Չեյփինի դպրոց, Ջորջթաունի համալսարան և Փենսիլվանիայի համալսարան
Գիտական աստիճան՝	Տնտեսագիտության բակալավր[1] (2004) և Բակալավր
Մասնագիտություն՝	գործարար, մոդել, ոչ գեղարվեստական գրող, քաղաքական գործիչ, հեռուստահաղորդավարուհի, նորաձևության դիզայներ և գրող
Դավանանք	Modern Orthodox Judaism?[2][3], հուդայականություն[4] և Chabad Lubavitch?[4]
Ծննդյան օր	հոկտեմբերի 30, 1981(1981-10-30)[5][6][7] (43 տարեկան)
Ծննդավայր	Նյու Յորք շրջան, Նյու Յորք, Նյու Յորք, ԱՄՆ
Դինաստիա	Թրամփների ընտանիք և Kushner family?
Քաղաքացիություն	ԱՄՆ
Ի ծնե անուն	անգլ.՝ Ivana Marie Trump
Հայր	Դոնալդ Թրամփ
Մայր	Իվանա Թրամփ
Ամուսին	Ջարեդ Քուշներ
Զավակներ	Արաբելա Ռոուզ Քուշներ, Ջոզեֆ Ֆրեդերիկ Քուշներ և Թեոդոր Ջեյմս Քուշներ
Կայք՝	ivankatrump.com
Պարգևներ	Joseph Wharton Award for Young Leadership? [1]

ԱՄՆ 45-րդ նախագահ Դոնալդ Թրամփի դուստրն է։

Կենսագրություն

Վաղ տարիներ

Իվանկա Մարի Թրամփը ծնվել է 1981 թվականի հոկտեմբերի 30-ին Միացյալ Նահանգների Նյու Յորք քաղաքում` բիզնեսմեն Դոնալդ Թրամփի և չեխ մոդել Իվանա Թրամփի ընտանիքում։ Նրա ծնողներն ամուսնացած են եղել 1977-1992 թվականներին։ Իվանկան ունի երկու հարազատ եղբայր, ավագը Դոնալդ Ջոն Թրամփ կրտսերն է (ծնված 1977 թվականին), կրտսերը` Էրիկ Ֆրեդերիկ Թրամփը (ծնված 1984 թվականին), ինչպես նաև արյունակից քույր և եղբայր` Թիֆանի Թրամփը (ծնված 1993 թվականին, հոր և Մառլա Մեյփլզի ամուսնությունից) և Բերոն Ուիլյամս Թրամփը (ծնված 2006 թվականին, հոր և Մելանյա Թրամփի ամուսնությունից)։

Կրթություն

Իվանկան ավարտել է «Chapin» դպրոցը և «Choate Rosemary Hall» քոլեջը։ Նա նաև երկու տարի ուսանել է Ջորջթաունի համալսարանում, բայց հաջորդ տարիներին տեղափոխվել է Փենսիլվանիայի համալսարան, որը գերազանցությամբ ավարտել է 2004 թվականին և տնտեսագիտության ոլորտում ստացել բակալավրի աստիճան^[8][9][10]։

Գործունեություն

Իվանկան իր գործունեությունն սկսել է որպես ֆոտոմոդել։ Առաջին անգամ «Seventeen» ամսագրի շապիկին հայտնվել է 1997 թվականին։ Դրանից հետո լուսանկարվել է մի շարք ամսագրերի համար։ 2000-ական թվականների սկզբին Իվանկան սկսել է ավելի քիչ ժամանակ տրամադրել մոդելային գործին՝ նախընտրելով բիզնեսն ու գրականությունը։

Փենսիլվանիայի համալսարանի տնտեսական դպրոցն ավարտելուց հետո ընդունվել է անշարժ գույքով զբաղվող «Forrest City» ընկերության մենեջերների բարձրագույն էշելոն։ Այդտեղից նա տեղափոխվել է «Dynamic Diamond Corp» ընկերության մարքեթինգի բաժին, որը մասնագիտացած է ադամանդների վաճառք իրականացնելու գործում։ Ավելի ուշ հիմնադրել է «Ivanka Trump Collection» ոսկերչական զարդերի արտադրությամբ զբաղվող սեփական ընկերությունը։ «Trump Organization» ընկերության փոխնախագահն է^[11]։

2006 թվականին մասնակցել է հանրահայտ «Թեկնածու» ռեալիթի շոուին, որտեղ նրա հայրը միաժամանակ հանդես է եկել հաղորդավարի և պրոդյուսերի դերում, և մնացել վեց թողարկումներում։ Հանրաճանաչության ալիքի վրա Իվանկային սկսել են հրավիրել տարբեր հեռուստահաղորդումների, և դրանցից մի քանիսում նա իրեն հաջողությամբ փորձել է առաջատարի դերում։ 2009 թվականին լույս է տեսել Իվանկայի հեղինակած «The Trump Card: Playing to Win in Work and Life» գիրքը (այն մի քանի ամիս բիզնես գրականության բեսթսելլերների ցանկում էր)^[12]։

2007 թվականին «Maxim» ամսագրի «Maxim Hot 100» վարկանիշում Իվանկան զբաղեցրել է 83-րդ հորիզոնականը, իսկ «Top 99 Women of 2007» վարկանիշում` 99-րդ հորիզոնականը։

2017 թվականի մարտի 29-ից ԱՄՆ նախագահ Դոնալդ Թրամփի` չվճարվող հիմքով օգնականն է^[13]։

2018 թվականին Իվանկան հայտարարել Է «Ivanka Trump» հագուստի իր բրենդի փակման մասին, որպեսզի ամբողջությամբ կենտրոնանա աշխատանքի վրա՝ որպես նախագահի` անվճար հիմունքներով խորհրդական^[14]։

2019 թվականի դեկտեմբերի վերջին Իվանկա Թրամփը CBS-ին տված հարցազրույցում հայտնել է, որ «դիտարկում է վարչակազմից հեռանալու հնարավորությունը 2020 թվականի ընտրություններից հետո»^[15]՝ հայտարարելով, որ «կցանկանար ավելի շատ ժամանակ հատկացնել երեխաների դաստիարակությանը»^[16]։

Անձնական հարստություն

Իվանկա Թրամփի ամուսինը՝ Ջարեդ Քուշները, որը նախագահ Թրամփի ավագ օգնականն է, հրապարակել է իր ընտանիքի եկամուտների մասին հայտարարություն։ Եկամուտների մասին նման տեղեկություն պետք է հրապարակեն Սպիտակ տան կարևոր աշխատակիցները։ Ընդ որում, նրանք իրենք են ցույց տալիս իրենց եկամուտների մոտավոր արժեքը։ Ամուսինների եկամուտների արժեքը գնահատվում է 240-740 միլիոն դոլար։ Իվանկա Թրամփի հագուստի և օծանելիքի արտադրության բիզնեսի արժեքը 50 միլիոն դոլար է։ Նրա մասնաբաժինը «Trump International Hotel»-ում գնահատվում է 5-25 միլիոն դոլար^[17]։

Անձնական կյանք

2009 թվականի հոկտեմբերի 25-ից ամուսնացած է միլիոնատեր Ջարեդ Քուշների հետ (ծնված 1981 թվականին)^[18], որի հետ նախքան հարսանիքը հանդիպել է մեկ տարի։ Նա Նյու Յորքի հրեական համայնքի առաջնորդներից մեկի` մուլտիմիլիարդատեր Չարլզ Քուշների որդին է։ Ջարեդ Քուշները գերազանցությամբ ավարտել է համալսարանը, 25 տարեկանում գնել է «New York Observer» թերթը, իրեն դրսևորել որպես տաղանդավոր խմբագիր և 30 տարեկանում արդեն եղել է մեդիա-մագնատ։ Զույգն ունի երեք երեխա` դուստր Արաբելա Ռոուզ Քուշները (ծնված 2011 թվականի հուլիսի 17-ին)^[19] և երկու որդիները` Ջոզեֆ Ֆրեդերիկ Քուշները (ծնված 2013 թվականի հոկտեմբերի 14-ին)^[20] ու Թեոդոր Ջեյմս Քուշները (ծնված 2016 թվականի մարտի 27-ին)^[21]։

Նախքան ամուսնանալը Թրամփն ընդունել է հրեական դավանանքը^[22]։ Նա անցել է օրթոդոքսալ գիյուր, ընդունել է Յաել հրեական անունը և այդ ժամանակվանից ի վեր վարում է հրեական ապրելակերպ, ակտիվորեն գումար է նվիրաբերում սինագոգների և հրեական դպրոցների համար^[11]։

Ծանոթագրություններ

1. https://www.whartonny.com/article.html?aid=1819
2. https://www.theatlantic.com/politics/archive/2016/09/what-should-american-jews-make-of-ivanka-trump/498476/
3. https://www.nytimes.com/2016/12/03/fashion/ivanka-trump-first-daughter.html
4. https://web.archive.org/web/20190703120435/https://www.lechaim.ru/events/ivanka-tramp-i-dzhared-kushner-vybrali-habad/
5. Internet Movie Database — 1990.
6. ČSFD (չեխերեն) — 2001.
7. GeneaStar
8. La Ferla, Ruth. Introducing the Ivanka, The New York Times, December 27, 2007. Accessed February 19, 2010.
9. Gurley, George. «Trump Power». Marie Claire. Արխիվացված է օրիգինալից 2008 թ․ դեկտեմբերի 25-ին. Վերցված է 2020 թ․ փետրվարի 3-ին.
10. DePaulo, Lisa. Ivanka Trump’s Plan For Total World Domination Արխիվացված 2009-12-22 Wayback Machine, GQ Magazine, April 2007; accessed February 19, 2010.
11. «Еврейская дочь американского дядюшки». Արխիվացված է օրիգինալից 2016 թ․ հոկտեմբերի 18-ին. Վերցված է 2016 թ․ հոկտեմբերի 17-ին.
12. The Trump Card: Playing to Win in Work and Life, Amazon.com, accessed April 11, 2011.
13. Ivanka Trump To Be An Official White House Employee Covered By Ethics Rules «National Public Radio», 29.03.2017.
14. Korrespondent.net. «Иванка Трамп закрывает свой бренд одежды» (ռուսերեն). Վերցված է 2018 թ․ հուլիսի 25-ին.
15. CBS News December 29, 2019, 7:42 Am. «Transcript: Ivanka Trump on "Face the Nation," December 29, 2019» (անգլերեն). www.cbsnews.com. Վերցված է 2020 թ․ հունվարի 2-ին.{{cite web}}: CS1 սպաս․ բազմաթիվ անուններ: authors list (link) CS1 սպաս․ թվային անուններ: authors list (link)
16. «Иванка Трамп допустила, что может оставить пост после выборов 2020 года». ТАСС. Վերցված է 2020 թ․ հունվարի 2-ին.
17. Состояние семьи Иванки Трамп оценили в сумму до $740 млн
18. «Ivanka Trump Marries Jared Kusher in Lavish Ceremony». People.com. 2009 թ․ հոկտեմբերի 25. Արխիվացված օրիգինալից 2012 թ․ օգոստոսի 11-ին. Վերցված է 2011 թ․ փետրվարի 21-ին.
19. «Ivanka Trump tweets birth announcement of 1st child, a daughter born in NYC» Արխիվացված 2016-03-10 Wayback Machine. Washington Post. July 17, 2011. Retrieved July 17, 2011.
20. У Иванки Трамп и Джареда Кушнера родился сын.
21. У миллиардера Трампа родился восьмой внук.
22. Messer, Lesley. Ivanka Trump Converts to Judaism for Fiancé, People, July 17, 2009. Accessed February 19, 2010.

Վիքիպահեստն ունի նյութեր, որոնք վերաբերում են «Իվանկա Թրամփ» հոդվածին։