From Wikipedia, the free encyclopedia
«Ինչպես հաջողության հասնել բիզնեսում առանց հատուկ ջանքերի» (անգլ.՝ How to Succeed in Business Without Really Trying), կատակերգության տարրերով մյուզիքլ, որ ստեղծվել է Ֆրենկ Լեսսերի, Աբի Բարոուզի, Ջեք Վայնսթոքի և Վիլլի Գիլբերտի կողմից Շեֆարդ Միդի՝ 1952 թվականի հրատարակված համանուն գրքի հիման վրա։
«Ինչպես հաջողության հասնել բիզնեսում առանց հատուկ ջանքերի» | |
---|---|
Տեսակ | դրամատիկ-երաժշտական ստեղծագործություն և musical production? |
Երաժշտություն | Ֆրենկ Լեսսեր |
Բառեր | Ֆրենկ Լեսսեր |
Լիբրետո | Abe Burrows?, Jack Weinstock? և Willie Gilbert? |
Հիմնված է | How to Succeed in Business Without Really Trying? |
Կերպարներ | J. Pierrepont Finch?, Rosemary Pilkington?, J.B. Biggley?, Bud Frump? և Hedy LaRue? |
Լեզու | անգլերեն |
Պրեմիերա | հոկտեմբերի 14, 1961 |
Պրեմիերան տեղի է ունեցել 1961 թվականի հոկտեմբերին Բրոդվեյում, և ընդհանուր առմամբ տրվել է 1417 ներկայացում[1]։ Մյուզիքլն արժանացել է յոթ «Թոնի» մրցանակի, ինչպես նաև Պուլիցերյան մրցանակի թատրոնի համար ստեղծված դրամատիկական ստեղծագործության համար։ 1967 թվականին թողարկվել է մյուզիքլի կինոադապտացիան (որ նկարահանվել է ռեժիսոր Դևիդ Սվիֆթի (անգլ.՝ David Swift) կողմից The Mirisch Corporation անկախ կինոընկերությունում և վարձույթի է հանվել United Artists կինոընկերության կողմից), որին մասնակցել են բազմաթիվ դերասաններ 1961 թվականի օրիգինալ բեմադրությունից։ 1995 թվականին մյուզիքլը նորից է բեմադրվել 46 փողոցի նույն թատրոնում (ներկայում՝ Richard Rodgers Theatre), և տրվել է 548 ներկայացում, իսկ գլխավոր դերերը կատարել են Մեթյու Բրոդերիկն ու Մեգան Մալալին[2]։ Մյուզիքլի երկրորդ վերածնունդը ռեժիսոր Ռոբ Էշֆորդի գլխավորությամբ տեղի է ունեցել 2011 թվականին[3]։ Գլխավոր դերերը կատարել են Դենիել Ռեդքլիֆն ու Ջոն Լարոկետը, իսկ պրեմիերան կայացել է 2011 թվականի մարտի 27-ին Al Hirschfeld Theatre-ում[4]։ 2012 թվականի հունվարին երեք շաբաթով Ռեդքլիֆին փոխարինել է Դարեն Քրիսը[5], իսկ փետրվարի 24-ից մինչև մայիսի 20-ը՝ Նիք Ջոնասը[6]։ 2012 թվականի մայիսի 20-ին բեմադրությունը փակվել է 473 ներկայացումից հետո[7]։
Ջեյ Փայրփոնթ Ֆինչը պատվախնդիր երիտասարդ է Նյու Յորքից, որն աշխատում է որպես պատուհաններ լվացող։ Բիզնեսում հաջողությունների հասնելու վերաբերյալ խորհուրդներով գրքի ընթերցումից հետո նա որոշում է աշխատանքի ընդունվել World Wide Wicket խոշոր ընկերության փոստային բաժանմունքում։ Նա ծանոթանում է քարտուղարուհի Ռոզմարի Փիլքինգտոնի հետ, որը երազում է քաղաքից դուրս հովվերգական կյանքի մասին, ինչպես նաև ընկերության ղեկավարի ու նրա սնոբիստ զարմիկի հետ, որը խոչընդոտում է Ֆինչի պլանների իրականացումը։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.