Ժերեմի Դոկու
From Wikipedia, the free encyclopedia
From Wikipedia, the free encyclopedia
Ժերեմի Բաֆուր Դոկու (հոլ.՝ Jérémy Baffour Doku,մայիսի 27, 2002[1][2], Անտվերպեն, Ֆլանդրիա, Բելգիա), բելգիացի ֆուտբոլիստ, «Մանչեսթեր Սիթի» ակումբի և Բելգիայի հավաքականի վինգեր: 2022 թվականի աշխարհի առաջնության և 2024 թվականի Եվրոպայի առաջնության մասնակից։ Պրոֆեսիոնալ կարիերան սկսել է 2018/19 մրցաշրջանում «Անդերլեխտում» ակումբում, որտեղ մի քանի մրցաշրջանում 5 գոլ է խփել առաջնության 34 խաղում: 2020 թվականին տեղափոխվել է Լիգա 1-ի «Ռեն» ակումբ, որտեղ անցկացրել է 75 հանդիպում և դարձել 10 գոլի հեղինակ, իսկ 2023 թվականի օգոստոսին 65 միլիոն եվրոյի դիմաց պայմանագիր է կնքել «Մանչեսթեր Սիթիի» հետ: 2020 թվականին հրավիրվել է Բելգիայի հավաքական, որտեղ հանդես է եկել Երիտասարդական բոլոր մակարդակներում՝ սկսած պատանեկան (մինչև 15 տարեկան) և ներկայացրել է իր երկիրը Եվրո-2020-ում և 2022 թվականի աշխարհի առաջնությունում։
Դոկուն «Անդերլեխտ» ակումբի սան է։ 2018 թվականի նոյեմբերի 25-ին «Սենտ-Տրյուդենի» դեմ խաղում 16 տարեկանում նորամուտն է նշել Բելգիայի ֆուտբոլի առաջնությունում[3]։ 2019 թվականի դեկտեմբերի 1-ին «Օստենդեի» դեմ խաղում խփել է առաջին գոլը «Անդերլեխտի» կազմում[4]։ 2020 թվականի հոկտեմբերի 5-ին ֆրանսիական «Ռենը» հայտարարել է տրանսֆերի մասին՝ կնքելով հնգամյա պայմանագիր[5]։ Հոկտեմբերի 16-ին «Դիժոնի» դեմ խաղում նորամուտն է նշել Լիգա 1-ում[6]։ 2021 թվականի մարտի 20-ին «Մեցի» դեմ խաղում խփել է առաջին գոլը «Ռենի» կազմում[7]։ 2023 թվականի օգոստոսի 24-ին 60 միլիոն եվրոյի դիմաց տեղափոխվել է անգլիական «Մանչեսթեր Սիթի»[8]։ Սեպտեմբերի 2-ին «Ֆուլհեմի» դեմ խաղում նորամուտն է նշել Անգլիայի Պրեմիեր լիգայում[9]։ Սեպտեմբերի 16-ին «Վեստ Հեմի» դեմ խաղում խփել է առաջին գոլը «Մանչեսթեր Սիթիի» կազմում[10]։ Հոկտեմբերի 4-ին գերմանական «ՌԲ Լայպցիգի» դեմ չեմպիոնների լիգայի խաղում դարձել է գոլի հեղինակ[11]։ Տարվա վերջում ֆուտբոլիստն օգնել է թիմին հաղթել աշխարհի ակումբային առաջնությունում[12]։
2018 թվականին Բելգիայի պատանեկան հավաքականի կազմում Դոկուն Անգլիայում մասնակցել է Եվրոպայի պատանեկան առաջնությանը: Մրցաշարում խաղացել է Իռլանդիայի[13], Դանիայի[14] և Իտալիայի թիմերի դեմ խաղերին[15]։ Դանիացիների դեմ խաղում դարձել է գոլի հեղինակ։ 2019 թվականին Իռլանդիայում մասնակցել է Եվրոպայի պատանեկան առաջնությանը։ Մրցաշարում խաղացել է Իռլանդիայի[16], Չեխիայի[17], Հունաստանի[18], Նիդերլանդների[19] և Հունգարիայի թիմերի դեմ խաղերին[20]։ 2020 թվականի սեպտեմբերի 5-ին Դանիայի հավաքականի դեմ ազգերի լիգայի խաղում նորամուտն է նշել Բելգիայի հավաքականի կազմում՝ երկրորդ խաղակեսում փոխարինելով Յուրի Տիլեմանսին[21]։ Սեպտեմբերի 8-ին Իսլանդիայի հավաքականի դեմ խաղում իր առաջին գոլն է խփել ազգային թիմի կազմում[22]։ 2021 թվականին մասնակցել է Եվրոպայի 2020 թվականի առաջնությանը։ Մրցաշարում հանդես է եկել Ֆինլանդիայի[23] և Իտալիայի թիմերի դեմ խաղերում։ 2022 թվականի նոյեմբերի 10-ին ընդգրկվել է Բելգիայի հավաքականի պաշտոնական հայտացուցակում՝ Քաթարում կայանալիք 2022 թվականի աշխարհի առաջնության խաղերին մասնակցելու համար[24]։ Մրցաշարում խաղացել է Խորվաթիայի հավաքականի դեմ խաղերին[25]։
«Մանչեսթեր Սիթի»[26]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.