Թաֆթս համալսարան

Թաֆթս համալսարան (անգլ.՝ Tufts University), ԱՄՆ Մասաչուսեթս նահանգի Սոմերիվիլ և Մեդֆորդ քաղաքներում գտնվող մասնավոր գիտահետազոտական համալսարան։ Բաղկացած է Մասաչուսեթսում գտնվող չորս համալսարանական կառույցներից և Ֆրանասիական ալպերում տասը դպրոցներից^[11], ներառյալ երկու բակալավր ծրագրեր և ութ ավարտական բաժիններ^[12]։ Հայտնի է ինտերնացիոնալիզմ և արտերկրի ուսումնառության ծրագրերով^[13]։ Թաֆթսի դպրոցների շարքում է ԱՄՆ ամենահին միջազգային իրավունքի դպրոցը՝ Ֆլեչեր իրավագիտության և դիվանագիտության դպրոցը։

Արագ փաստեր Թաֆթս համալսարանանգլ.՝ Tufts University, Տեսակ ...

Թաֆթս համալսարան անգլ.՝ Tufts University


Տեսակ	համալսարան և մասնավոր ոչ առևտրային կրթական հաստատություն
Միջազգային անվանում	Tufts University
Նախկին անվանումներ	Թաֆթս քոլեջ (1852-1954)
Հիմնադրված է	1852
Անվանված է	Charles Tufts?
Տիպ	մասնավոր
Նախագահ	Անտոնի Մոնակո
Ուսանողներ	10,685
Ընդհանուր անձնակազմ	1233 մարդ
Անդամակցություն	Թվային գրադարանի ֆեդերացիա^[1], ArXiv^[2], ORCID^[3], Ամերիկյան համալսարանների ասոցացիա^[4]^[5], Ամերիկյան քոլեջների և համալսարանների ասոցիացիա^[6], Կրթության ամերիկյան խորհուրդ^[7], National Humanities Alliance?^[8], Ցանցային տեղեկատվության կոալիցիա^[9] և Գիտական հրատարակչական և ակադեմիական ռեսուրսների կոալիցիա^[10]
Երկիր	ԱՄՆ
Տեղագրություն	Մասաչուսեթս
Կայք	tufts.edu(անգլ.)

Թաֆթս համալսարան (ԱՄՆ) Թաֆթս համալսարան, ԱՄՆ
Tufts University Վիքիպահեստում

Փակել

Պատմություն

Հիմնադրվել է 1852 թվականին՝ որպես Թաֆթսի տարածաշրջանային քոլեջ^[14]։ Անվանվել է ի պատիվ ամերիկացի գործարար և բարերար Չարլզ Թաֆթսի, ով իր հողատարածքները նվիրաբերել էր Ուոլնաթ-հիլ բարձունքում ուսումնական հաստատություն կառուցելու համար։ Ներկայիս անվանումը համալսարանը կրում է 1954 թվականից^[15]։

Համալսարանը մասնաճյուղ ունի Տալուարում, գտնվում է 11-րդ դարում կառուցված նախկին մենաստանում։ 1958 թվականին այն ձեռք են բերել Դոնալդ ՄաքՋանեթը կնոջ՝ Շառլոտի հետ։ Մինչև 1978 թվականն այն օգտագործվել է որպես ամառային ճամբար, այնուհետև տարածքը փոխանցվել է համալսարանին։ Ամռանն այստեղ կատարել են հետազոտություններ, ինչպես նաև կազմակերպվել են միջազգային համաժողովներ և գագաթնաժողովներ^[16]։

Ակադեմիական կազմակերպություն

Թաֆթս համալսարանը բաղկացած է 10 դպրոցներից^[11]։

Բակալավրիատ և մագիստրատուրայի կրթություն

Արվեստի և գիտությունների դպրոց (1898 or 1903)
Ինժեներական դպրոց (1898)
Քաղաքացիության և հանրային ծառայության Ջոնաթան Մ. Թիշի քոլեջ (2000)

Բակալավրիատ կրթություն

Հատուկ հետազոտությունների քոլեջ (1939), տրամադրում է գեղարվեստի բակալավրի աստիճան Գեղարվեստի դպրոցի թանգարանի հետ համատեղ

Մագիստրատուրայի կրթություն

Ֆլեչեր իրավագիտության և դիվանագիտության դպրոց (1933), միջազգային իրավունքի և արտաքին հարաբերությունների ամերիկյան ամենահին դպրոցը
Ատամնաբուժական դպրոց (1899)
Բժշկագիտական դպրոց (1893), որի հիմնական փոխկապակցված հիվանդանոցներ են Թաֆթս և Բեյստեյթ բժշկական կենտրոնները
Սաքլեր բիոբժշկագիտության մագիստրատուրայի դպրոց (1981)
Ջերալդ Ջ. և Դորոթի Ռ. Ֆրեդմանի սննդագիտության քաղաքականության դպրոց (1981), միակ սննդագիտության դպրոցը Հյուսիսային Ամերիկայում
Անասնաբուժության Կումինգս դպրոց (1978), միակ անասնաբուժական դպրոցը Նոր Անգլիայում

Հայտնի շրջանավարտներ

Ակասի Յասուսի - ճապոնացի դիվանագետ, ՄԱԿ-ի ադմինիստրատոր
Կապուտո Դանթե - արգենտինացի պետական գործիչ և դիվանագետ
Խումայուն Չոուդխուրի - Բանգլադեշի արտաքին գործերի և տեղեկատվության նախարար (1985-1988)
Րաֆֆի Հովհաննիսյան - ՀՀ արտաքին գործերի նախարար (1991-1992)
Կոստաս Կարամանլիս - Հունաստանի վարչապետ (2004-2009)
Խուան Ֆերնանդո Լոպես Ագիլար - իսպանացի քաղաքական գործիչ
Սինտիյա Մակիննի - ամերիկացի քաղաքական գործիչ
Վարդան Օսկանյան - ՀՀ արտաքին գործերի նախարար (1998-2008)
Ուիլյամ Բլեյն Ռիչարդսոն - ամերիկացի քաղաքական գործիչ, Նյու Յորք նահանգի նահանգապետ (2003-2011)
Խուան Մանուել Սանտոս Կալդերոն - Կոլումբիայի նախագահը 2010 թվականի օգոստոսի 7-ից
Կլաուս Շարիոթ - գերմանացի քաղաքական գործիչ
Միշել Կվան - ամերիկացի գեղասահորդ
Մեթյու Բրայզա- Ամերիկայի դեսպանը Ադրբեջանում (2011-2012)