From Wikipedia, the free encyclopedia
Էնդրյու Քլեմենտ, Էնդի Սերքիս[4][5] (անգլ.՝ Andrew Clement Serkis, ապրիլի 20, 1964[1][2][3], Ռուիսլիփ, Միացյալ Թագավորություն), հայկական արմատներով անգլիացի դերասան, ռեժիսոր և գրող։ Առավել հայտնի է իր հետևյալ դերերով՝ Գոլլում՝ «Մատանիների տիրակալը» (2001-2003) և «Հոբիթ։ Անսպասելի ճանապարհորդություն» (2012), Քինգ Քոնգ՝ «Քինգ Քոնգ», Կեսար՝ «Կապիկների մոլորակի ապստամբությունը» (2011) և «Կապիկների մոլորակը․ հեղաշրջում» (2014), կապիտան Հեդոք՝ Սթիվեն Սփիլբերգի «Տինտինի արկածները․ «Միաեղջյուրի» գաղտնիքը» ֆիլմերում։ Առաջիկա ծրագրերում է նկարահանվել Սնոուքի («Աստղային պատերազմներ. Էպիզոդ VII. Ուժի արթնացում», 2015) և Բալուի («Ջունգլիների գիրքը․ սկիզբ», 2017) դերերում։
Էնդի Սերքիս Andy Serkis | |
---|---|
![]() | |
Ծնվել է | ապրիլի 20, 1964[1][2][3] (60 տարեկան) |
Ծննդավայր | Ռուիսլիփ, Միացյալ Թագավորություն |
Քաղաքացիություն | ![]() |
Մայրենի լեզու | բրիտանական անգլերեն |
Կրթություն | Լանկաստերի համալսարան, Սուրբ Բենեդիկտոսի դպրոց և The County College, Lancaster? |
Մասնագիտություն | հեռուստատեսային դերասան, կինոդերասան, կինոռեժիսոր, գրող, դերասան, հնչյունավորող, թատրոնի դերասան, պրոդյուսեր, ռեժիսոր և պրոդյուսեր |
Ամուսին | Լորեյն Էշբորն |
Անդամություն | The County College, Lancaster? |
Երեխաներ | Լուիս Էշբորն Սերքիս, Ռուբի Էշբորն Սերքիս և Սոննի Էշբորն Սերքիս |
Կայք | serkis.com |
![]() |
Սերքիսն ստացել է «Կայսրություն», ԱՄՆ-ի կինոքննադատների ազգային խորհրդի մրցանակ, 2 Սատուրն և ԱՄՆ կինոդերասանների գիլդիայի մրցանակ։
Սերքիսը անվանակարգվել է նաև Ոսկե գլոբուս մրցանակին՝ մարմնավորելով սերիական մարդասպան Յան Բրեդիին բրիտանական Longford ֆիլմում (2006), Ֆիլմերի բրիտանական ակադեմիայի մրցանակի՝ փանք-ռոք երաժիշտ Յան Դյուրիի դերակատարման համար («Sex & Drugs & Rock & Roll», 2010)։
Սերքիսը ծնվել և մեծացել է Միդլսեքսի Ռուիսլիփ Մենոր թաղամասում։ Մայրը՝ Լիլին, անգլիացի էր և դասավանդում էր սահմանափակ կարողությունների տեր երեխաների։ Հայրը՝ Քլեմենտ Սերքիսը, հայկական ծագմամբ իրաքցի գինեկոլոգ էր[6][7]։ Նախնիների ազգանունը Սարգիսյան էր[8]։ Հայրը հաճախ էր աշխատում Միջին Արևելքից դուրս մինչդեռ Սերքիսը և նրա եղբայրները մեծանում էին Բրիտանիայում։ Արձակուրդներն անց էին կացնում Միջին Արևելքում՝ Տյուրոսում, Սայդայում, Դամասկոսում և Բաղդադում[9]։
Կրթություն է ստացել Իլինգի Սուրբ Բենեդիկտի դպրոցում, այնուհետև Լանքաստերի համալսարանում ուսանել է կերպարվեստ։ Որպես երկրորդ մասնագիտություն ընտրեց թատրոնը, այնպես որ կարողանա ձևավորել պաստառներ[10]։ Սերքիսը Լանքաստերի County College-ի անդամ էր և Bailrigg FM ուսանողական ռադիոյի մասնակիցներից մեկը։ Նա միացավ Նյուֆիլդ ստուդիային և սկսեց զբաղվել պիեսների ձևավորմամբ, պրոդյուսերությամբ։
Համաձայնվելով խաղալ մի քանի պիեսներում՝ Սերքիսը գլխավոր դերով հանդես եկավ Բարի Կիֆի «Գոչա» պիեսում։ Արդյունքում նա փոխեց իր ուղղվածությունը և կենտրոնացավ դերասանի մասնագիտության վրա, ուսումնասիրեց Ստանիսլավսկի և Բրեխտ[11]։ Լանքաստերում ուսանելու վերջին տարում նա ադապտացրեց Ռայմոնդ Բրիգսի «The Tin-Pot Foreign General and the Old Iron Woman» վեպը, որտեղ հանդես եկավ որպես մենակատար։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.