Remove ads
Էլեն Լի ԴեՋեներես (անգլ.՝ Ellen Lee DeGeneres, /dəˈdʒɛnərəs/ də-JEN-ər-əs; հունվարի 26, 1958[1][2][3][…], Մետարի, Ջեֆերսոն շրջան, Լուիզիանա, ԱՄՆ[5]), ամերիկացի դերասանուհի, հեռուստահաղորդավարուհի, սցենարիստ, թոք շոու վարող, հեռուստատեսային պրոդյուսեր, կատակերգու, հեռուստատեսային դերասանուհի, գրող, կինոդերասանուհի։ 1994-1998 թվականներին նկարահանվել է աշխարհահռչակ «Էլեն» սիթքոմում և 2003 թվականից վարել է «Էլեն ԴեՋեներեսի շոու» ամերիկյան թոք շոուն։
 անգլ.՝ Ellen DeGeneres | |
|---|---|
 | |
| Ծնվել է | հունվարի 26, 1958[1][2][3][…] (66 տարեկան) |
| Ծննդավայր | Մետարի, Ջեֆերսոն շրջան, Լուիզիանա, ԱՄՆ |
| Կրթություն | Atlanta High School?, Grace King High School?, Bishop Manogue High School? և University of New Orleans? |
| Քաղաքացիություն |  ԱՄՆ |
| Մասնագիտություն | դերասանուհի, հաղորդավար, սցենարիստ, հեռուստահաղորդավարուհի, թոք շոու վարող, հեռուստատեսային պրոդյուսեր, կատակերգու, հեռուստատեսային դերասանուհի, գրող, կինոդերասանուհի, ձայնային դերասանուհի և ԼԳԲՏ իրավունքների ակտիվիստ |
| Աշխատավայր | Merry-Go-Round, J. C. Penney, T.G.I. Friday's, American Broadcasting Company, Amex, Պիքսար, CoverGirl և HBO |
| Ժանրեր | օպերա, երգիծանք, սև հումոր, anti-humor?, deadpan?, Clean comedy? և սյուրռեալիստիկ հումոր |
| Ընտրանի | Էլեն Դեջեներեսի շոու, Ellen?, Փնտրելով Նեմոյին և Փնտրելով Դորիին |
| Ծնողներ | հայր՝ Elliott Everett DeGeneres Jr.?[4], մայր՝ Բեթթի Դեջեներես |
| Ամուսին(ներ) | Պորտիա դը Ռոսի |
| Համատեղ ապրող(ներ) | Էն Հեչ և Ալեքսանդրա Հեդիսոն |
| Պարգևներ և մրցանակներ | |
| ellentube.com | |
Նրա ստենդթ-ափ կարիերան սկսվել է 1980-ական թվականներից։ 1986 թվականին նկարահանվել է «Երեկոն Ջոնի Քարսոնի հետ» թոք շոուում։ Որպես դերասան՝ ԴեՋեներեսը նկարահանվել է «Պարոն Սխալ» (անգլ.՝ Mr. Wrong, 1996), EDtv (1999) և Սիրային նամակը (անգլ.՝ The Love Letter, 1999) ֆիլմերում, հնչյունավորել է Դորիին Փիքսար անիմացիոն ստուդիայի կողմից նկարահանված «Փնտրելով Նեմոյին» և «Փնտրելով Դորիին» համակարգչային լիամետրաժ անիմացիոն ֆիլմերում։ Նեմոյի համար նա արժանացել է «Սատուրն մրցանակին՝ որպես երկրորդ պլանի լավագույն դերասանուհի»՝ դառնալով առաջինը, որը հնչյունավորման համար «Սատուրն» մրցանակ է ստացել։ 2010 թվականին American Idol սերիալի իններորդ սեզոնում խաղացել է դատավորի դերը։
Էլենը նկարահանվել է երկու հեռուստատեսային սիթքոմում. 1944-1998 թվականներին «Էլեն»-ում և 2001-2002 թվականներին՝ «Էլեն շոու»-ում։ «Էլեն»-ի չորրորդ սեզոնի ժամանակ՝ 1997 թվականին, ԴեՋեներեսը «Օփրա Ուինֆրիի շոու»-ի ժամանակ հայտարարել է, որ լեսբի է։ 2008 թվականին նա ամուսնացել է իր ընկերուհու՝ Պորտիա դե Ռոսսիի հետ։
ԴեՋեներեսը վարել է «Օսկար», «Գրեմմի» և «Փրայմթայմ Էմմի» մրցանակաբաշխությունները։ Նա չորս գրքերի հեղինակ է, «Eleveneleven» հնչյունավորման ընկերության հիմնադիրը, հիմնել է «A Very Good Production» պրոդյուսերական ընկերությունը։ Նա նաև հիմնել է «ED Ellen DeGeneres» բրենդը, որը արտադրում է հագուստ, աքսեսուարներ, տան, կենդանիների և երեխաների համար նախատեսված իրեր[6]։ Նա արժանացել է 30 Էմմի մրցանակի, 20 People Choice մրցանակ (ավելի շատ, քան նախկինում որևէ մեկը) և բազում այլ մրցանակներ՝ իր կատարած աշխատանքների և բարեգործական ջանքերի համար։ 2016 թվականին արժանացել է Ազատության նախագահական շքանշանին, որով նրան պարգևատրել է ԱՄՆ նախկին նախագահ Բարաք Օբաման[7]։
Remove ads
ԴեՋեներեսը ծնվել և մեծացել է Մեթարիում (Լուիզիանա նահանգ)՝ լոգոպետ Էլիզաբեթ Ջեյնի (ծնվ.՝ մայիսի 20, 1930) և ապահովագրական գործակալ Էլլիոթթ Էվերեթ Դեջեներեսի (1925-2018) ընտանիքում[5][8][9]։ Ունի եղբայր՝ Վենսը, որը երաժիշտ և պրոդյուսեր է։ Էլենն ունի ֆրանսիական, անգլիական, գերմանական և իռլանդական արմատներ։ Նա մեծացել է որպես Քրիստոնյա գիտնական[10]։ 1973 թվականին նրա ծնողները դիմել էին դատարան և հաջորդ տարի բաժանվել են[10]։ Կարճ ժամանակ անց Էլենի մայրն ամուսնանում է առևտրական Ռոյ Գրուեսսենդֆորֆի հետ։ Էլենը մոր և խորթ հոր հետ Նոր Օռլեանից տեղափոխվել է Ատլանտա, Տեխասի նահանգ։ Վենսը մնացել էր հոր հետ։ 2011 թվականի փետրվարին իր շոուի ստուդիայի լսարանին պատմել է Նոր Անգլիայի պատմական տոհմաբանական ընկերության նամակի մասին, որ հավաստում է, որ նա (Էլենը) Քեմբրիջի դքսուհի Քեյթ Միդլթոնի տասնհինգերորդ զարմկին է, և որ նրանք ունեն ընդհանուր նախնի՝ Թոմաս Ֆեյրֆաքսը[11][12]։
Երբ 15-16 տարեկան էր, Էլենը խորթ հոր կողմից սեռական խոշտանգման է ենթարկվել[13]։ Ցանկանալով պաշտպանել իր մորը, որն այդ ժամանակ կոկորդի քաղցկեղով էր տառապում, նա լռել էր այս մասին։ Տարիներ անց մորը պատմելով բռնության մասին՝ մայրը նրան չի հավատացել և միայն 18 տարի անց Էլենի մայրն ու խորթ հայրը բաժանվել են։ Այս առիթով Էլենն իր հարցազրույցում կոչ է անում բոլոր աղջիկներին չլռել.
 |
«Երբ ես տեսնում եմ, որ մարդիկ վերջապես արտահայտվում են, առավել ևս այս ժամանակներում՝ նյարդայնանում եմ, որ զոհերին չեն հավատում», ասում է Դեջեներսը, ապա ավելացնում, «որովհետև մենք ոչինչ չենք հորինում»[14] - "When I see people speaking out, especially now, it angers me when victims aren't believed," DeGeneres said, adding,"because we just don't make stuff up." |
 |
Դեջեներսը Մեթայրիի (Լուիզիանայի նահանգ) Գրեյս Քինգ ավագ դպրոցում մեկ տարի սովորելուց հետո տեղափոխվել էր Ատլանտայի ավագ դպրոց, որն ավարտել է 1976 թվականին։ Ապա Նոր Օռլեանի համալսարան ընդունվելու համար վերադարձել է Նոր Օռլեան, որտեղ մասնագիտացել է հաղորդակցության ոլորտում։ Մեկ կիսամյակ հետո նա լքել է դպրոցը, որպեսզի իրա ազգականի՝ Լաուրա Գիլլենի հետ աշխատի իրավաբանական ընկերությունում։ Նախկինում նրա աշխատանքի տեղերը ներառում են J. C. Penney խանութը[15], որպես մատուցողուհի աշխատել է T.G.I. Friday's և այլ ռեստորաններում, եղել է տան ներկարար և բարմեն։ Նա իր մանկության և կարիերայի մեծ մասը կապում է իր կատակերգական աշխատանքների հետ։
Remove ads
Սկզբում Դեջերենսը ներկայացել իր ստենդ-ափ կատակերգությունները փոքր ակումբերում և սրճարաններում։ 1981 թվականին Նոր Օռլեանում եղել է «Clyde's Comedy Club»-ի հանդիասավարը։ ԴեՋեներսը նշում է, որ այդ ժամանականերում նրա վրա մեծ ազդեցություն են գործել Վուդի Ալլենն ու Ստիվ Մարտինը[16]։ 1980-ականների սկզբին նա սկսել է շրջագայել ազգային մակարդակով և ահա 1984 թվականին Showtime-ի կողմից ճանաչվել է որպես Ամերիկայի ամենազվարճալի անձը[17]։
2018 թվականին՝ 15 տարվա ընդմիջումից հետո, Դեջեներսը Netflix-ի համար հատուկ ստենդ-ափ էր արել՝ «Ellen DeGeneres: Relatable»[18][19]:
Remove ads
Էլենի ուշ 1980-ական և վաղ 1990-ական աշխատանքը ներառում է «Կոնագլուխներ» (անգլ.՝ Coneheads) ֆիլմը։ Դեջեներեսը նկարահանվել է «Էլենի եռանդուն արկածները» ֆիլմաշարում, որը Դիսնեյ Ուորլդի Էպքոթ թեմատիկ պարկի «Էներգիայի տիեզերք» տաղավարի մասն էր կազմում։ Ֆիլմաշարում նկարահանվել էին նաև Բիլ Նայը, Ալեք Տրեբեկը, Մայքլ Ռիչարդը և Ջեյմի Լի Քըրթիսը։
Դե%եներսի առաջին մշտական հեռուստատեսային դերը եղել է Ֆոքսի «Բաց տուն» կարճամետրաժ սիթքոմը, որը ուղիղ հեռարձակումով է ցուցադրվել։ Նա խաղում էր Մարգո Վան Մետերի դերը, որը Juan Verde Real Estate ընկերությունում գրասենյակային աշխատող էր աշխատում։ Շոուում նկարահանվել են նաև Էլիսոն ԼաՓլեյսը և Մերի Փեյջ Քելլերը։ 1992 թվականին պրոդյուսեր Նիլ Մարլենսը և Քերոլ Բլեքը իրենց Laurie Hill սիթքոմի համար ԴեՋերենեսին դեր են տվել․ նա խաղացել է բուժքույր Նենսի Մեքլնթիրի դերը։ Սիթքոմը ընդամենը չորս էպիզոդ հետո չեղյալ էր հայտարարվել, բայց պրոդյուսերներն այնքան էի տպավորված Դեջեներեսի խաղով, որ շուտով առաջարկում են խաղալ «Նրանք իմ ընկերներն են» շոուում։
Դեջեներեսի կատակերգական կարիերան դարձել էր «Էլեն» հաջողակ սիթքոմի հիմքը, որի առաջին սեզոնը անվանվել է «Նրանք իմ ընկերներն են»։ ABC-ի շոուն հայտնի էր սկզբի մի քանի սեզոններով՝ Դեջեներեսը դատողական և սուր հումորի շնորհիվ․ շոուն հաճախ անվանվում էր նաև «կանացի Սայնֆելդ»[20]
Էլենը հասալ էր իր հայտնության գագաթնակետին, երբ 1997 թվականին Օփրա Ուինֆրիի շոուի ժանանակ հայտարարեց, որ լեսբի է[21]։ Հայտնության էպիզոդը՝ «Քոթոթը էպիզոդ»-ը, շոուի ամենաբարձր վարկանիշ ունեցող էպիզոդներից մեկն է։ Շոուն դարձյալ էկրան բարձրացավ հինգերորդ սեզոնից, սակայն դրա վարկանիշը զգալիորեն նվազել էր՝ ABC-ի կողմից աջակցություն չստանալու պատճառով։ Ենթադրվում էր, որ Ուոլթ Դինսեյ ընկերությունը, որն ABC-ի գործընկերն էր, անհանգստացած էր այն փաստով, որ շոուում Դեջեներեսի կերպարը բաց գեյ էր։ 1998 թվականին «Էլլենը» չեղյալ էր հայտարարվել։ Դեջեներեսը ավելի ուշ վերադարձավ իր ստենդ-ափ կատակերգական համերգներով և հիմնեց շատ հաջողական թոք շոու։
Դեջեներեսը 2001 թվականին հետ է վերադարձել հեռուստատեսություն նոր CBS սիթքոմով՝ «Էլենի շոու» անվամբ, որը չեղյալ է համարվել 13-րդ էպիզոդից հետո։
2003 թվականի սեպտեմբերին ԴեՋեներեսը հիմնել է ամենօրյա թոք շոու՝ Էլեն ԴեՋեներեսի շոու-ն։ Նրա շոուն պարբերաբար ավելի բարձր վարկանիշ էր ձեռք բերում Nielsen վարկանշային ցուցատախտակում և ստացել էր լայն քննադատական գնահատականներ։ Այն իր առաջին սեզոնի համար արժանացել է 11 Էմմի մրցանակի, չորս անգամ հաղթել է՝ ներառյալ Best Talk Show անվանակարգը։ Շոուն իր առաջին երեք սեզոնների համար եթերում արժանացել է 25 Էմմի մրցանակի։ Էլենը հայտնի է իր շոուի սկզբում, ինչպես նաև գովազդային ընդմիջումների ժամանակ լսարանի առջև երգելով և պարելով։ Նա հաճախ է անվճար մրցանակներ տալիս իր լսարանին և հովանավորների օգնությամբ նա ուղեգրեր է բաժանում շատերին՝ իր շոուին մասնակցելու համար։
2006 թվականի փետրվարին նա իր ավարտական դասարանին ուղևորություն է կազմակերպել դեպի Կալիֆոռնիա՝ իր շոուին մասնակցելու համար։ Նա Ատլանտայի ավագ դպրոցից էր, իսկ շոուի ժամանակ դպրոցին անսպասելիորեն նվիրում է էլեկտրական LED խոշոր տաղավար։ 2006 թվականի մայիսին՝ դիպլոմների հանձնման և գիտական աստիճան շնորհման օր, Դեջեներեսը անսպասելիորեն հայտնվում է Նոր Օռլեանի Թուլեյնի համալսարանում։ Ջորջ Բուշ ավագից և Բիլ Քլինթոնից հետո նա բարձրացել է ամբիոն՝ բաղնիքի խալաթով և փափուկ հողաթափերով։ «Նրանք ասել էին ինձ, որ բոլորը խալաթները են հագնելու», - ասել է նա։ 2009 թվականին նույնպես նա ավարտական ելույթ է ունեցել Թուլեյնում[22]։
Շոուն 2007 թվականի մարտին հեռարձակվում էր շաբաթվա կտրվածքով Universal Studios Orlando-յի կողմից։ Սքեչերը ներառում են Դեջեներեսի Hulk Roller գնալն[23] ու Jaws Boat նավարկելը[24]։ 2007 թվականի մայիսին Դեջեներեսին անկողնային ռեժիմ են նշանակում՝ մեջքի պատռվածքի պատճառով։ Նա շարունակել է իր շոուն հիվանդանոցի անկողնուց՝ բուժքրոջը բացատրելով, որ «ինչպես ասում են՝ շոուն պետք է շարունակվի» (անգլ.՝ the show must go on, as they say."): Հյուրերը նույնպես նստել էին հիվանդանոցի մահճակալների վրա[25]։ 2009 թվականի մայիսի 1-ին Դեջեներեսը տոնում էր 1000-րդ էպիզոդը, որին մասնակցում էին այնպիսի հյուրեր, ինչպիսիք են Օփրա Ուինֆրին, Ջասթին Թիմբերլեյքը, Փարի Հիլթոնը և այլք[26]։ Ջենիֆեր Էնիսթոնն ու Ջասթին Թիմբերլեյքը անակնկալի էին բերել Դեջեներեսին՝ 2015 թվականին նրա 2000-րդ էպիզոդին ներկա գտնվելով[27]։
Remove ads
Դեջեներեսը մեծ ճանաչում է ձեռք բերել 2001 թվականի նոյեմբերի 4-ին, երբ վարում էր «Էմմի» մրցանակաբաշխության հեռուստատեսային հեռարձակումը։ Հաղորդումը վտանգավոր կապի պատճառով երկու անգամ հետաձգվել էր, իսկ նույն թվականի Սեպտեմբերի 11-ի ահաբեկչական հարձակումները շոուն անհետաքրքիր էին դարձել։ Պետք էր հաղորդավար, որն ուներ ձայնi ազդեցիկ տոն, որը թույլ կտար հանդիսատեսին գոնե ժամանակավորապես մոռանալ ողբերգությունը։ ԴեՋեներեսն իր հաղորդման ժամանակ մի քանի անգամ ծափողջույնների է արժանացել, որը ներառում է հետևյալ արտահայտությունը՝ «Ի՞նչն ավելի շատ կարող էր ձանձրացնել թալիբականներին, քան տեսնել կոստյում հագած և հրեաներով շրջապատված գեյ կնոջ»[28]։
2005 թվականի սեպտեմբերի 18-ին Դեջեներեսը վարել է 57-րդ Էմմիի փրայմթայմ մրցանակաբաշխությունը։ Մրցանակաբաշխությունը տեղի էր ունեցել «Կատրինա» փոթորիկից երեք շաբաթ անց. Դեջեներեսն ազգային ողբերգությունից հետո արդեն երկրորդ անգամ էր վարում Էմմի մրցանակաբաշխությունը։ Նա նաև վարել է 1996 և 1997 թվականների Գրեմմի մրցանակաբաշխությունը։
2006 թվականի սեպտեմբերի 7-ին Դեջեներեսը ընտրվել էր, որպեսզի վարի Օսկարի 79-րդ մրցանակաբաշխությունը, որը տեղի է ունեցել 2007 թվականի փետրվարի 25-ին[29]։ Սրանով նա դարձավ առաջին բաց գեյ մարդը, որը վարել է այս միջոցառումը[30]։ Մրցանակաբաշխության ժամանակ ԴեՋեներեսն ասել է.
Associated Press.
«Ի՜նչ հիանալի երեկո է, ինչպիսի բազմազանությամբ սենյակ մի տարում, երբ շատ բացասական բաներ խոսվեցին մարդկանց ռասայի, կրոնի և սեռական կողմնորոշման մասին։ Ես ուզում եմ ասել, որ առանց սևամորթների, հրենաերի և գեյերի ոչ մի Օսկար մրցանակաբաշխություն չէր լինի, և չէր լինի ոչ մեկը՝ Օսկար անունով»[31]
Բնօրինակ տեքստ (անգլ.)"What a wonderful night, such diversity in the room, in a year when there's been so many negative things said about people's race, religion, and sexual orientation. And I want to put this out there: If there weren't blacks, Jews and gays, there would be no Oscars, or anyone named Oscar, when you think about that.".
Դեջեներեսը հաղորդման արձագանքները դրական էին, մեկն ասել էր՝ «Դեջեներեսը պայթեցրեց դահլիճը, նա չէր մոռացել, որ նա այնտեղ չէր գնացել միայն նրա համար, որ հյուրընկալի Օսկար մրցանակակիներին. նա նաև զվարճացնում էր հաղորդումը տանից դիտողներին»[32]։ Ռեգիս Ֆիլբինը հարցազրույցի ժամանակ ասել է, որ «միակ բողոքը այն է, որ այնտեղ քիչ էր Էլենը»։
Դեջեներեսը՝ որպես «Օսկար» մրցանակաբաշխության հաղարդավար, առաջադրվել է «Էմմի» մրցանակին[33]։ 2013 թվականի օգոստոսի 2-ին հայտարարվել էր, որ Դեջեներեսը երկրորդ անգամ է վարելու Օսկարը, այս անգամ 2014 թվականի մարտի 2-ին[34]։
Օսկարի 86-րդ մրցանակաբաշխության ժամանակ Էլեն Դեջեներեսի սելֆին աշխարհում երկրորդ ամենաշատ ռեթվիթ արված թվիթն է[35][36]։ ԴեՋեներեսը ասել է, որ ուզում էր հարգանք հավաստել Մերիլ Սթրիփին՝ Օսկարի 17 անվանակարգում հայտնվելու համար՝ իր հետ միասին նոր ռեկորդ սահմանելով, և դա նշելու համար հրավիրել էր Օսկարի այլ նշանավոր մարդկանց։ 12 հայտնի մարդկանցով կատարված լուսանկարը կատրեց թվիթների մասին նախկին ռեկորդը, և մեկ ժամվա ընթացքում այն ռեթվիթվել է 1,8 միլիոն անգամ[37][38][39]։ Մրցանակաբաշխության ավարտին այն ռեթվիթվել էր ավելի քան 2 միլիոն անգամ, իսկ 24 ժամից քիչ ժամանակում այն ռեթվիթվել էր ավելի քան 2,8 միլիոն անգամ[36][37]։ 2017 թվականի մայիսի տվյալով՝ այն ռեթվիթվել է ավելի քան 3,4 միլիոն անգամ[36]։ Խմբակային սելֆին ծաղրանմանակվել է Լեգոյի և Մեթ Գրոենինգի կողմից «Սիմփսոնները» անիմացիոն սիթքոմով[40][41]։ Ռեթվիթների կոտրել էին Բարաք Օբամայի՝ 2012 թվականի նախագահական ընտրություններում հաղթելու թվիթի ռեթվիթների քանակի ռեկորդը[39][42][43]։
Remove ads
ED Ellen DeGeneres
Էլենը 2015 թվականի ամռանը սկսել է իր ED բրենդը[44]։ Սկզբնական հավաքածուներից հետո Էլենն իր ապրանքանիշի անունը փոխել էր՝ դարձնելով ED Ellen DeGeneres[45]։ Հավաքածուն ներառում է հագուստ, կոշիկ, աքսեսուարներ, կենդանիների, երեխաների և տան պարագաներ։ ԴեՋեներեսի՝ շան համար նախատեսված հավաքածուները PetSmart-ում շուկա են հասել 2017 թվականի փետրվարին[46], իսկ կատուների համար նախատեսված հավաքածուները՝ նույն տարվա վերջին[47]։
2017 թվականի նոյեմբերին Էլենի ապրանքանիշը սկսել է #BeKindToElephants արշավը, որտեղ վաճառվում էր հագուստներ և մանկական իրեր։ Արշավից ստացված ամբողջ հասույթը նվիրաբերվել է David Sheldrick Wildlife Trust հիմնադրամին, որը զբաղվում է վայրի բնության և վայրի կենդանիների պաշտպանությամբ[48]։
Հնչյունավորում
Դեջեներեսը 2013 թվականին «Փնտրելով Դորիին» Disney/Pixar լիամետրաժ անիմացիոն ֆիլմում հնչյունավորել է Դորիին՝ փոքրիկ ընկերասեր ձկանը, որը ժամանակավորապես կորցրել էր իր հիշողությունը[49]։ Ֆիլմի պրոդյուսեր Էնդրյու Սթենտոնն ասել է, որ նա ընտրել էր Էլենին նրա համար, որ նա մինչև մի նախադասություն ասելը հինգ անգամ փոխում էր թեման[50]։ Դորիին հնչյունավորելու համար Գիտական ֆանտաստիկայի ակադեմիայի կողմից արժանացել էր «Սատուրն» մրցանակին, Ֆենթենզի և Սարսափ ֆիլմերի համար արժանացել է երկրորդ պլանի լավագույն դերասանուհու մրցանակին։ Նա նաև առաջադրվել է Չիկագոյի կինոքննադատների ասոցիացիայի մրցանակին՝ որպես երկրորդ պլանի լավագույն դերասանուհի։ Նա նաև հնչյունավորել է «Դոկտոր Դուլիթլ» ֆիլմի շանը՝ Էդդի Մերֆիի հետ նախաբանում զրույցի ժամանակ։ Նրա արժանացած «Սատուրն» մրցանակը ամբողջ պատմության մեջ առաջին անգամն էր, որ տրվել էր հնչյունավորելու համար։
Նա դարձյալ հնչյունավորել է Դորիին «Փնտրելով Նեմոյին» անիմացիոն ֆիլմում։
Eleveneleven
2010 թվականի մայիսի 26-ին Էլեն ԴեՋեներեսը հայտարարել էր, որ սկսելու է իր սեփական ձայնագրման լեյբլը՝ «eleveneleven» անվամբ։ Անվանումը ԴեՋեներեսը բացատրել է նրանով, որ նա ժամը նայելելիս հաճախ է տեսնում 11։ 11 (տասնմեկ անց տասնմեկ), Գրեյսոնին հայտնաբերել էր 11 տարեկանում, և որ իր սիրելի երգչի շապիկին գրված էր 11 համարը[51]։ Նա նշել է, որ իր լեյբլը սկսելու համար ՅուԹյուբում տեսահոլովակներ էր փնտրել։
Remove ads
ԴեՋեներեսը նշել է, որ նրա վրա մեծ ազդեցություն են ունեցել Վուդի Ալենը, Լյուսիլլե Բոլը, Քերոլ Բարնեթը, Սթիվ Մարտինը և Բոբ Նյուհարթը[52]։
Forbes-ը ԴեՋեներեսի 2018 թվականի կարողությունը գնահատել է $87.5 միլիոն դոլար[53]՝ նրա դարձնելով աշխարհի 15 ամենաբարձր վարձատրվող ձեռնարկատերերից մեկը[54]։ 2015 թվականին Ֆորբսը նրան անվանել է աշխարհի 50-րդ ամենաազդեցիկ կինը[55], իսկ World Pride Power-ը՝ երկրորդ ամենաազդեցիկը[56]։ 2018 թվականի օգոստոսի 2-ի տվյալներով ԴեՋեներեսը Թվիթեր սոցիալական կայքում ունի ավելի քան 76 միլիոն հետևորդ և 55,8 միլիոն հետևորդ Ինստագրամում՝ Թվիթերում դառնալով յոթերորդ ամենաշատ հետևորդ ունեցող օգտատերը, Ինստագրամում՝ 28-րդը։
Նա Ֆուտբոլի ազգային լիգայի երկրպագու է և իր աջակցությունն է ցուցաբերել Նյու Օռլեանս Սեյնթս և Գրին Բեյ Փեքերս ֆուտբոլային պրոֆեսիոնալ ակումբներին[57][58]։
Սեռական կողմնորոշում և հարաբերություններ
1997 թվականին ԴեՋեներեսը հայտարարել է, որ լեսբի է։ Իր սեռական կողմնորշման բացահայտումը գրավել էր ամերիկյան տաբլոիդ մեդիայի ուշադրությունը[59]։ Այս առիթով մեդիայի շարունակ անդրադարձը ուղիղ կերպով ազդել էր ԴեՋեներեսի պրոֆեսիոնալ կարիերայի վրա և նրան գցել էր «դեպրեսիայի ճահճի մեջ»[59][60]։ Իր «Սիրով, Էլեն» գրքում Դեջեներեսի մայրը՝ Բեթթի ԴեՋեներեսը նկարագրում է, թե ինչ շոկ էր նրա համար նման բացահայտումը, սակայն այդ օրվանից նա դստեր ամենուժեղ աջակիցներից էր։ Ավելին՝ նա «Գեյերի և լեսբիների ծնողներ և ընկերներ» կազմակերպության ակտիվ անդամ է։
Սեռական կողմնորոշումը բարձրաձայնելու նույն տարում Դեջեներեսը հարաբերություններ էր սկսել Էնն Հեքի հետ, ինչը տևել էր մինչև 2000 թվականի օգոստոս[61]։ 2000-2004 թվականներին Դեջեներեսը մտերիմ հարաբերություններ է ունեցել դերասանուհի/պրոդյուսեր/լուսանկարչուհի Ալեքսանդրա Հեդիսոնի հետ[62]։ Զույգը հայտնվել էր The Advocate թերթի շապիկին այն ժամանակ, երբ արդեն ԶԼՄ-ներում շրջանառվում էր նրանց բաժանության թեման[63]։
2004 թվականից ԴեՋեներեսը հարաբերություններ է ունեցել Փորշա դե Ռոսիի հետ[64]։ Նույնասեռ ամուսնությունները արգելող օրենքի տապալումից հետո ԴեՋեներեսը և դե Ռոսսին նշանվել են, իսկ 2008 թվականի օգոստոսին ամուսնացել են իրենց տանը՝ Բևեռլի Հիլզում (Կալիֆոռնիա), որտեղ նրանք ապրում են չորս շան և երեք կատվի հետ[65][66]։ Համար 8 պնդումը կասկածի տակ էր դնում նրանց ամուսնության օրինական կարգավիճակը, բայց ավելի ուշ Կալիֆոռնիայի Գերագույն դատարանի վճիռը այն վավեր է հայտարարել, քանի որ այն գրանցվել է 2008 թվականի նոյեմբերի 8-ին[67][68][69]։ 2010 թվականի օգոստոսի 6-ին դե Ռոսիին խնդրագիր է լրացնել, որպեսզի իրավականորեն փոխի իր անունը՝ դառնալով Փորշա Լի Ջեյմս ԴեՋեներես[70]։ Այն հաստատվել է 2010 թվականի սեպտեմբերի 23-ին[71]։
Կենդանիների իրավունքներ և վեգանիզմ
Էլենը նախկինում իրեն նկարագրել է որպես վեգան և «կենդանիների մեծ սիրահար»[72][73]։ Դե Ռոսսին նույնպես վեգան է[73]։ Էլենը համակարգել էր վեգանիզմի ընդլայնման համար ստեղծված կայքը, որն ուներ «դառնալով վեգան՝ Էլենի հետ» (անգլ․՝ Going Vegan with Ellen) անունը[74]։ Նա մտադիր էր Լոս Անջելեսում բացել Բոկադո վեգան բարը, սակայն միտքն այդպես էլ չիրագործվեց[75]։
The Ellen DeGeneres Show-ի կայքն ունի «Going Vegan With Ellen» բաժինը, որը տրամադրում է վեգան ուտելիքների բաղադրատոմսեր և իրագործում է «Առանց միս երկուշաբթի» արշավը[76]։ Նա մի քանի անգամ հրավիրել է Միացյալ Նահանգների կենդանիների պաշտպանության հասարակության գործադիր տնօրեն Ուայն Փեսելլին, որպեսզի իր շոուի ժամանակ պատմի իր կազմակերպության՝ կենդանիների պաշտպանության զբաղվելու ջանքների մասին։ 2009 թվականին PETA-ն նրան անվանել է «Տարվա կին»[77]։ 2013 թվականի ապրիլին նա նվիրաբերել էր 25,000 դոլար Թեննեսիում Ag-Gag հակաիրազեկիչ օրենսդրությունը դադարեցնելու համար, ինչը կարգելեր քննիչներին ֆերմերային տնտեսություններում անասունների հանդեպ կատարած բռնությունները[78]։
Դեջեներեսը 2010 թվականին Adopt-A-Turkey նախագծի ժամանակ, որը համընկել էր ամերիկյան Երախտագիտության տոնի հետ, ասել էր, որ մարդիկ սկսեն «նոր ավանդույթ՝ հնդկահավ ուտելու փոխարեն ընտելացնեն հնդկահավերին» (հնդկահավը Գոհաբանության տոնի խորհրադանիշն է)[79]։
Մարդասիրություն
2011 թվականի նոյեմբերին Պետքարտուղար Հիլարի Քլինթոնը նրան անվանել է ՁԻԱՀ-ի գլոբալ իրազեկման հատուկենտ դեսպանորդ[80]։ 2011 թվականի դեկտեմբերի 3-ին Դեջեներեսը բացել է Դեյվիդ Լինչ հիմնադրամի 3-րդ ամենամյա «Փոփոխությունը սկսվում է» գաղափարով շոուն Լոս Անջելեսի արվեստի թանգարանում, որպեսզի համապատասխան միջոցներ հայթայթվի Տրանսենդենտալ մեդիատացիայի համար այնպիսի ռիսկային խմբերի համար, որոնք տառապում են համաճարակային քրոնիկ սթրեսից և ունեն սթրեսի հետ կապված խանգարումներ։ Նա ասում է․ «ՏՄ-ն միակ ժամանակն է, երբ ես ինձ հանգիստ եմ զգում։ Այն տալիս է ինձ խաղաղ զգացում, և ես շատ եմ սիրում այն։ Ես բավարար բառեր չունեմ այն նկարագրելու համար։ Այն բոլոր օգուտները, որոնք դուք կարող եք ձեռք բերել նստելով և կատարելով մեդիտացիա, հիանալի փորձ է։ Դեյվիդ Լինչը հիասքանչ մարդ է, որ օգնում է ստանալ այս ֆոնդը»[81][82]։
2018 թվականի հունվարին՝ Էլենի վաթսունամյակի կապակցությամբ, նրա կինը՝ Պորտիա դե Ռոսսին, նրան նվիրում է Ռուանդայում գտնվող գորիլայի մշտական բնակությամբ տուն[83]։ Այս նվերը Digit Fund-ի նոր թևի մասն էր, որը ներկայումս անվանում են «Ellen DeGeneres Wildlife Fund»[84]։
- DeGeneres, Ellen (1995). My Point...And I Do Have One. New York: Bantam Books. ISBN 978-0-553-09955-3.
- DeGeneres, Ellen (2003). The Funny Thing Is... New York: Simon & Schuster. ISBN 978-0-7432-4761-0.
- DeGeneres, Ellen (2011). Seriously...I'm Kidding. New York: Grand Central Publishing. ISBN 978-0-446-58502-6.
- DeGeneres, Ellen (2015). Home. Grand Central Life & Style. ISBN 978-1455533565.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads