«Երկար ճանապարհ կարճ օրը» (ռուս.՝ «Длинная дорога в короткий день»), խորհրդային գեղարվեստական ֆիլմ, որը նկարահանել է ռեժիսոր Տիմոֆեյ Լևչուկը։ Թողարկվել է Խորհրդային Միությունում 1972 թվականի հոկտեմբերի 16-ին։
 | |
|---|---|
| Երկիր |  ԽՍՀՄ |
| Թվական | 1972 |
| Լեզու | ռուսերեն |
| Ռեժիսոր | Տիմոֆեյ Լևչուկ |
| Սցենարի հեղինակ | Նաթան Ռիբակ |
| Դերակատարներ | Նիկոլայ Օլյալին, Տատյանա Սամոյլովա, Եվգենի Սամոյլով, Իգոր Դմիտրիև, Վիկտոր Խոխրյակով, Դմիտրի Միրգորոդսկի և Վիկտոր Չեկմարյով |
| Կինոընկերություն | Կիևի Ալեքսանդր Դովժենկոյի անվան կինոստուդիա |
Սյուժե
Ֆիլմը պատմում է խորհրդային ֆիզիկոսների մասին և նկարահանվել է Նաթան Ռիբակի «Զինվորներ առանց համազգեստի» (ռուս.՝ «Солдаты без мундиров») վեպի հիման վրա։
Միջուկային ֆիզիկայի ոլորտում հետազոտություններով զբաղվող գիտահետազոտական ինստիտուտի տնօրեն Մաքսիմ Ներչինը (Նիկոլայ Օլյալին) հետազոտության նոր մեթոդ է փորձարկում։ Եվ չնայած մեթոդը իրեն չի արդարացնում, Ներչինը անհիմն վստահությամբ սկսում է կառուցել ավելի հզոր սարք... Նա դրա ստեղծման համար օգտագործում է ինստիտուտի գրեթե բոլոր միջոցները և այնքան վստահ է հաջողության մեջ, որ բարձրաձայն հայտարարում է այդ մասին արտասահմանյան մի սիմպոզիումում՝ դրանով իսկ իր ինստիտուտի վրա հրավիրելով ամերիկյան այն շրջանակների ուշադրությունը, որոնք շահագրգռված են նախևառաջ մահ և ավերածություններ տարածող զենքի ստեղծմամբ։
Խաղաղության համար պայքարը, որի նպատակն է գիտության բարձրագույն նվաճումները ծառայեցնելու մարդկությանը, ֆիլմի հիմնական գաղափարն է։
Ստեղծում
Ֆիլմը նկարահանել են ուկրաինացի կինոգործիչները։ Նրանք փորձում էին ցույց տալ արդիականության հրատապ և սուր թեման՝ քաջությունն ու սկզբունքայնությունը՝ որպես սխրանքի անքակտելի հատկանիշներ[1]։
Ֆիլմը նկարահանվել է Նովոսիբիրսկի Ակադեմգորոդի գիտնականների տանը[2], Սերպուխովում, Խարկովում, ԳԴՀ-ում։ Նկարահանող խմբին մեծ օգնություն են ցուցաբերել ԽՍՀՄ ԳԱ-ի միջուկային ֆիզիկայի ինստիտուտի աշխատակիցները։
Դերերում
- Նիկոլայ Օլյալին – Ֆիզիկական խնդիրների ինստիտուտի տնօրեն Մաքսիմ Ներչին
- Տատյանա Սամոյլովա – Եկատերինա Զոլոտորենկո, Ներչինի կինը
- Եվգենի Սամոյլով – Միխայիլ Պետրովիչ
- Արկադի Արկադիև
- Իգոր Դմիտրիև
- Ռոդիոն Ալեքսանդրով – Կուցևիչ
- Վիկտոր Խոխրյակով – Շուլգա
- Դմիտրի Միրգորոդսկի
- Վիկտոր Չեկմարյով – հաշվապահ
- Արկադի Տրոշչանովսկի-Ստրումիլին
Ծանոթագրություններ
Գրականություն
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
