Դևկալիոն

Դևկալիոն (հին հունարեն՝ Δευκαλίων), հին հունական դիցաբանության մեջ ջրհեղեղից հետո մարդկանց նախահայրը, որը միակն էր կնոջ հետ, որ փրկվել էր^[4][5]։ Թեսսալական Փթիա քաղաքի թագավորը^[4], Պրոմեթևսի և Կլիմենեի^[5][6], կամ Պանդորայի^[7][8] որդին, Պիրրայի՝ Էպիմեթևսի և Պանդորայի դստեր ամուսինը^[4][9], Հելլենի հայրը։

Անվան այլ կիրառումների համար տե՛ս՝ Դևկալիոն (այլ կիրառումներ)

Դևկալիոն
Դևկալիոնի դիմանկարը կենսագրությունների Promptuarii Iconum Insigniorum ժողովածուից, 1553 թվական
Տեսակ	Հին հունական դիցաբանության կերպար
Սեռ	արական
Հայր	Պրոմեթևս[1][2]
Մայր	Կլիմենե[3] և Axiothea?
Քույր/Եղբայր	Փեդրա
Ամուսին	Պյուրրա[2][3]
Զավակներ	Հելլեն[3], Ամփիկտիոն, Ամփիկտիոն, Orestheus?, Thyia?, Melantho daughter of Deucalion?, Protogeneia?, Haemone?, Candybus? և Pandora?
Deucalion Վիքիպահեստում

Ջրհեղեղ

Դևկալիոն և Պիրրա

Երբ Զևսը ոճրապարտության համար որոշել էր կործանել մարդկային ցեղը և երկրի վրա համաշխարհային ջրհեղեղ առաջացնել, Դևկալիոնը, Պրոմեթևսի խորհրդով, նավ է կառուցում, որի վրա մարդկանցից փրկվում են միայն ինքը և Պիրրան։ Իններորդ օրը Դևկալիոնի նավը կանգնում է Պառնասոսի գագաթին (որոշ տարբերակներում՝ թեսսալական Օթրիս լեռան վրա, Աթոս լեռան վրա^[10], Էտնայի^[11] վրա)։ Թեմիսի պատգամատունը Պառնասոսում Դևկալիոնի և Պիրրայի այն հարցին, թե ինչպես վերածնեն մարդկային ցեղը, պատասխանում է, որ նրանք պետք է ուսերի վրայով նետեն մոր ոսկորները։ Դևկալիոնը հասկանում է, որ քարերը Մայր երկրի ոսկորներն են^[12]։ Դևկալիոնի նետած քարերը վերածվում են տղամարդկանց, իսկ Պիրրայի նետածները՝ կանանց։ Ըստ Բոտվիննիկի՝ Դևկալիոնի մասին առասպելը հավանաբար ունի արևելյան ծագում և տարածվել է Միջագետքից, որտեղ լայնորեն տարածվել էին զրույցներ ջրհեղեղի մասին^[13]։

Դևկալիոնիդներ

Դևկալիոնի և Պիրրայի ժառանգներն են.

• զավակներ՝ Հելլեն, Ամփիկտիոն, Օրեսթես, Պրոտոգենեա, Պանդորա II և Փիա,
• թոռներ՝ Էոլոս, Էփլիոս, Դորոս, Գրեկուս, Մակեդոն, Մագնես, Կսութոս։

Հույների ծագումնաբանություն

դ ք խ

Պրոմեթևս   Պանդորա                                                                       Դևկալիոն   Պիրրա                                                     Հելլեն                                                       Դորոս   Կսութոս   Էոլոս                                                               Աքայոս   Իոն

Տես նաև

• Մեծ Ջրհեղեղ
• Նոյ
• Գիլգամեշ