From Wikipedia, the free encyclopedia
Դոմինիկ Կալվերտ-Լյուին (անգլ.՝ Dominic Calvert-Lewin, մարտի 16, 1997[1][2], Շեֆիլդ, Հարավային Յորքշիր, Յորքշիր և Համբեր, Անգլիա, Միացյալ Թագավորություն[3]), անգլիացի պրոֆեսիոնալ ֆուտբոլիստ։ Ներկայումս հանդես է գալիս Էվերթոնի կազմում։ Խաղում է կենտրոնական հարձակվողի դիրքում[4]։
 Dominic Calvert-Lewin | |||
|---|---|---|---|
_cropped.jpg) Կալվերտ-Լյուինը Էվերթոնի կազմում 2017 թվականին | |||
| Անձնական տվյալներ | |||
| Ամբողջական անուն | Dominic Nathaniel Calvert-Lewin | ||
| Քաղաքացիությունը |
 Անգլիա | ||
| Ծննդյան ամսաթիվ | մարտի 16, 1997[1][2] (27 տարեկան) | ||
| Ծննդավայր | Շեֆիլդ, Հարավային Յորքշիր, Յորքշիր և Համբեր, Անգլիա, Միացյալ Թագավորություն[3] | ||
| Հասակ | 187 սմ | ||
| Քաշ | 71 կգ | ||
| Դիրք | կենտրոնական հարձակվող | ||
| Ակումբային տեղեկություններ | |||
| Ներկա ակումբ |
Էվերթոն | ||
| Համար | 29 | ||
| Պատանեկան կարիերա | |||
| 2005-2014 |
Շեֆիլդ Յունայթեդ | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2014-2016 |
Շեֆիլդ Յունայթեդ | 11 | (0) |
| 2014-2015 |
→ Ստեյլիբրիջ Սելտիկ | 5 | (6) |
| 2015-2016 |
→ Նորթհեմպտոն Թաուն | 20 | (5) |
| 2016-ներկա |
Էվերթոն | 64 | (9) |
| Ազգային հավաքական‡ | |||
| 2016-2017 |
Անգլիա Մ20 | 14 | (6) |
| 2017-ներկա |
Անգլիա Մ21 | 13 | (6) |
|
| |||
|
* Մասնագիտական կարիերայում ընդգրկված են միայն առաջնության խաղերը և գոլերը | |||
Կալվերտ-Լյուինը Շեֆիլդ Յունայթեդի ակադեմիայի սան է[5][6]։ Առաջին անգամ թիմի հայտացուցակում հայտնվեց 2014 թվականի հունվարի 4-ին՝ Անգլիայի գավաթի Աստոն Վիլլայի դեմ խաղում, սակայն այս խաղում խաղադաշտ դուրս չեկավ[7][8]։ Ապրիլի 17-ին Կալվերտ-Լյուինը ստացավ League Football Education-ի «The 11» մրցանակը[9]։
2014 թվականի դեկտեմբերի 24-ին Կալվերտ-Լյուինը վարձավճարով միացավ Անգլիայի վեցերորդ դիվիզիոնում հանդես եկող Ստեյլիբրիջ Սելտիկին[10]։ Իր դեբյուտը ակումբի կազմում նշեց դեկտեմբերի 26-ին՝ Հայդ Յունայթեդի դեմ խաղում՝ այս խաղում դառնալով դուբլի հեղինակ[11][12]։ 2015 թվականի փետրվարի 5-ին Կալվերտ-Լյուինը վերադարձավ Շեֆիլդ Յունայթեդ՝ Ստեյլիբրիջի կազմում անցկացրած 5 հանդիպումներում դառնալով 6 գոլի հեղինակ[13]։ 2015 թվականի ապրիլի 13-ին անգլիացին երկարաձգեց պայմանագիրը ակումբի հետ մինչև 2018 թվականը[14][15]։ Իր պրոֆեսիոնալ դեբյուտը նշեց ապրիլի 25-ին՝ փոխարինման մտնելով Լեյտոն Օրիենտի դեմ խաղում[16][17]։
2015 թվականի օգոստոսի 7-ին Կալվերտ-Լյուինը մինչև 2016 թվականի հունվարը վարձավճարով տեղափոխվեց Նորթհեմպտոն Թաուն[18]։ Իր դեբյուտը նշեց օգոստոսի 11-ին՝ Անգլիայի լիգայի գավաթի Բլեքփուլի դեմ խաղում՝ այս խաղում դառնալով գոլի հեղինակ[19][20]։ Առաջին հանդիպումը Լիգա Երկուում անցկացրեց օգոստոսի 18-ին՝ Բարնետի դեմ խաղում[21]։ Սեպտեմբերի 26-ին Կալվերտ-Լյուինը գոլի հեղինակ դարձավ Լեյտոն Օրիենտի դեմ խաղում, իսկ հանդիպումն ավարտվեց 1-1 հաշվով[22]։ Հոկտեմբերի 20-ին նա դուբլ ձևակերպեց Կարլայլ Յունայթեդի դեմ խաղում՝ օգնելով իր թիմին հաղթել 3-2 հաշվով[23]։ 2016 թվականի հունվարին Կալվերտ-Լյուինը վերադարձավ Շեֆիլդ[24]՝ Նորթհեմպտոն Թաունի կազմում անցկացրած 26 խաղերում դառնալով 8 գոլի հեղինակ[25]։
2016 թվականի օգոստոսի 31-ին Կալվերտ-Լյուինը 1.5 միլիոն ֆունտ ստերլինգի դիմաց տեղափոխվեց Էվերթոն[26][27][28][29]։ Իր դեբյուտը Պրեմիեր Լիգայում նշեց դեկտեմբերի 13-ին՝ փոխարինելով Էններ Վալենսիային Արսենալի դեմ խաղում[30][31]։ Էվերթոնի կազմում իր առաջին գոլը խփեց 2017 թվականի մարտի 18-ին՝ Հալլ Սիթիի դեմ խաղում[32][33]։ Մայիսի 3-ին անգլիացին երկարաձգեց իր պայմանագիրը ակումբի հետ մինչև 2022 թվականը[34][35][36]։ Իր առաջին մրցաշրջանում Կալվերտ-Լյուինը անցկացրեց 11 հանդիպում՝ դառնալով 1 գոլի հեղինակ[37]։
Առաջին հանդիպումը եվրոպական առաջնություններում Կալվերտ-Լյուինը անցկացրեց 2017 թվականի հուլիսի 27-ին՝ Եվրոպայի Լիգայի որակավորման երրորդ փուլի Ռուժոմբերոկի դեմ խաղում[38]։ Օգոստոսի 3-ին նա խփեց Ռուժոմբերոկի դեմ պատասխան հանդիպման միակ գնդակը՝ 1-0 հաշվով հաղթանակ պարգևելով Էվերթոնին[39]։ Իր դեբյուտը Եվրոպայի Լիգայում նշեց սեպտեմբերի 14-ին՝ Ատալանտայի դեմ խաղում[40]։ Սեպտեմբերի 20-ին Կալվերտ-Լյուինը դուբլ ձևակերպեց Անգլիայի լիգայի գավաթի Սանդերլենդի դեմ խաղում[41][42]։ Նոյեմբերի 5-ին նա գոլ խփեց Ուոտֆորդի դեմ խաղում[43]։ Դեկտեմբերի 2-ին Կալվերտ-Լյուինը գոլի և գոլային փոխանցման հեղինակ դարձավ Հադերսֆիլդ Թաունի դեմ խաղում՝ օգնելով իր թիմին հաղթել 2-0 հաշվով[44]։ Դեկտեմբերի 14-ին անգլիացին երկարաձգեց իր պայմանագիրը ակումբի հետ մինչև 2023 թվականը[45][46][47][48]։ 2018 թվականի փետրվարի 3-ին նա գոլ խփեց Արսենալի դեմ խաղում, սակայն Էվերթոնը պարտվեց 5-1 հաշվով[49]։ 2017-18 մրցաշրջանում Կալվերտ-Լյուինը անցկացրեց 44 հանդիպում բոլոր մրցաշարերում՝ դառնալով 8 գոլի և 7 գոլային փոխանցման հեղինակ[50]։
2018 թվականի օգոստոսի 29-ին Կալվերտ-Լյուինը դուբլ ձևակերպեց Անգլիայի լիգայի գավաթի Ռոտերհեմ Յունայթեդի դեմ խաղում[51]։ Սեպտեմբերի 1-ին նա գոլի հեղինակ դարձավ Հադերսֆիլդ Թաունի դեմ խաղում, իսկ հանդիպումն ավարտվեց 1-1 հաշվով[52][53]։ Դեկտեմբերի 15-ին անգլիացին գոլ խփեց Մանչեսթեր Սիթիի դեմ խաղում, սակայն Էվերթոնը պարտվեց 3-1 հաշվով[54]։ 2019 թվականի հունվարի 13-ին՝ Բորնմուտի դեմ խաղում Կալվերտ-Լյուինը դարձավ գոլի հեղինակ՝ օգնելով իր թիմին հաղթել 2-0 հաշվով[55]։
Կալվերտ-Լյուինը ներկայացրել է Անգլիան մինչև 20 և մինչև 21 տարեկանների երիտասարդական հավաքականներում։ 2017 թվականին նա Մ20 հավաքականի կազմում մասնակցեց աշխարհի առաջնությանը՝ անցկացնելով 7 հանդիպում և դառնալով 2 գոլի ու 2 գոլային փոխանցման հեղինակ։ Կալվերտ-Լյուինը խփեց մրցաշարի եզրափակչի Վենեսուելայի դեմ հանդիպման միակ գնդակը[56][57]՝ 1-0 հաշվով հաղթանակ պարգևելով իր թիմին և օգնելով Անգլիային հաղթել աշխարհի առաջնությունը[58][58]։ 2018 թվականին նա ճանաչվեց Մ21 հավաքականի տարվա լավագույն ֆուտբոլիստ[59][60]։
2019 թվականի հունվարի 27-ի դրությամբ[61]
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Շեֆիլդ Յունայթեդ | 2014–15 | Լիգա Մեկ | 2 | 0 | 0 | 0 | — | 0 | 0 | 2 | 0 | |
| 2015–16 | 9 | 0 | 0 | 0 | 0 | 0 | 9 | 0 | ||||
| 2016–17 | 0 | 0 | 0 | 0 | 1 | 0 | 1 | 0 | ||||
| Ընդհանուր | 11 | 0 | 0 | 0 | 0 | 0 | 1 | 0 | 12 | 0 | ||
| Ստեյլիբրիջ Սելտիկ (վարձավճար) | 2014–15 | Կոնֆերենս Նորթ | 5 | 6 | 0 | 0 | — | 0 | 0 | 5 | 6 | |
| Նորթհեմպտոն Թաուն (վարձավճար) | 2015–16 | Լիգա Երկու | 20 | 5 | 2 | 1 | 4 | 2 | 26 | 8 | ||
| Էվերթոն | 2016–17 | Պրեմիեր Լիգա | 11 | 1 | 0 | 0 | 0 | 0 | 11 | 1 | ||
| 2017–18 | 32 | 4 | 1 | 0 | 9 | 1 | 2 | 3 | 44 | 8 | ||
| 2018–19 | 21 | 4 | 2 | 0 | — | 1 | 2 | 24 | 6 | |||
| Ընդհանուր | 64 | 9 | 3 | 0 | 9 | 1 | 3 | 5 | 79 | 15 | ||
| Կարիերայի ընդհանուր | 100 | 20 | 5 | 1 | 9 | 1 | 8 | 7 | 122 | 29 | ||
Անգլիա Մ20
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
