Դաշտադեմ (Լոռու մարզ)

Դաշտադեմ, գյուղ Հայաստանի Հանրապետության Լոռու մարզի Տաշիր համայնքում^[1]։

Անվան այլ կիրառումների համար տե՛ս՝ Դաշտադեմ (այլ կիրառումներ)

Գյուղ
Դաշտադեմ
Երկիր	Հայաստան
Մարզ	Լոռու մարզԼոռու մարզ
Գյուղ	Տաշիր համայնք[1]
Այլ անվանումներ	Իլմազլու
Մակերես	18 կմ²
ԲԾՄ	1660 մ
Պաշտոնական լեզու	Հայերեն
Բնակչություն	127[2] մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	դաշտադեմցի
Ժամային գոտի	UTC+4
Պաշտոնական կայք	lori.mtad.am/about-communities/494/ (հայ.)
Դաշտադեմ (Լոռու մարզ) (Հայաստան) Դաշտադեմ (Լոռու մարզ) (Լոռու մարզ)

Անուն

Ռուսական կայսրության և Խորհրդային Միության ժամանակաշրջաններում գյուղն ունեցել է Իլմազլու անունը։ 1991 թվականին բնակավայրը վերանվանվել է Դաշտադեմ։

Աշխարհագրություն

Տեղակայված է մարզկենտրոն Վանաձորից 53 կմ դեպի հյուսիս-արևմուտք, Տաշիր քաղաքից՝ 8 կմ դեպի հյուսիս-արևմուտք։ Ծովի մակերևույթից բարձր է մոտ 1660 մ։

Կլիմա

Կլիման բարեխառն է, ձմեռը երկարատև է ու ցրտաշունչ, ամառը՝ զով։

Պատմություն

2017 թվականին գյուղն ընդգրկվել է Տաշիր համայնքի կազմի մեջ։

Բնակչություն

Ըստ Հայաստանի 2011 թվականի մարդահամարի արդյունքների՝ Դաշտադեմի մշտական բնակչությունը կազմել է 127, առկա բնակչությունը՝ 120 մարդ^[2]։ Մինչև 1989 թվականը գյուղը բնակեցված է եղել ադրբեջանցիներով^[3]։ Գյուղի ազգաբնակչության փոփոխությունը.^[4]

Տարի	1831	1897	1916	1926	1931	1939	1959	1965	1979	1989	2001	2004	2011
Բնակիչ	75	301	479	488	565	653	852	1037	1213	23[5]	216	218	127

Տնտեսություն

Գյուղատնտեսական նշանակության հողերը կազմում են 1539,7 հա, որից 269,9 հա-ն օգտագործվում է որպես վարելահող, 888,5 հա՝ խոտհարքերի համար և 344,9 հա-ը որպես արոտավայր։

Բնակչությունն զբաղվում է անասնապահությամբ, բանջարաբուծությամբ, պտղաբուծությամբ, մասամբ նաև մեղվաբուծությամբ։

Կրթություն

2013 թվականի դրությամբ Դաշտադեմն ունի հիմնական դպրոց^[6]։