Գրինվիչի աստղադիտարան

Գրինվիչի աստղադիտարան (անգլ.՝ Royal Observatory, Greenwich, ավելի վաղ՝ Royal Greenwich Observatory (RGO), Անգլիայի հնագույն աստղադիտարանը։ Հիմնադրվել է 1675 թվականին, Լոնդոնի համանուն արվարձանում։ Մթնոլորտային անբարենպաստ պայմանների պատճառով 1950-ական թվականներին Գրինվիչի աստղադիտարանը տեղափոխվել է Սասեքս՝ հնադարյան Հերսթմոնսյու ամրոցը (70 կմ Գրինվիչից դեպի հարավ), որտեղ բացի հին գործիքներից (76 և 70 սմ ռեֆլեկտորներ, 66 սմ ռեֆրակտոր, միջօրեական շրջաններ) տեղակայվել է Իսահակ Նյուտոնի անվան աստղադիտակը (հայելու տրամագիծը՝ 2,5 մ)։ Աստղերի դիրքերի և ժամանակի որոշումից զատ Գրինվիչի աստղադիտարանում զբաղվում են ծովային և օդային աստղագիտական տարեգրքերի հրատարակությամբ, հետազոտում երկնային օբյեկտներ ու երևույթներ։ Գրինվիչի աստղադիտարանի տնօրենը կրում է «Թագավորական աստղագետ» տիտղոսը։

Գրինվիչի աստղադիտարան
Տեսակ	աստղագիտական ​​աստղադիտարան և տեսարժան վայր
Կազմված է	Altazimuth Pavilion At The Royal Observatory?
Մասն է	Maritime Greenwich? և Գրինվիչի թագավորական թանգարաններ
Աստղադիտարանի կոդ	000
Երկիր	Միացյալ Թագավորություն[1]
Վայր	Գրինվիչ և Գրինվիչ
ԲԾՄ	68 մետր
Հիմնադրվել է՝	մարտի 4 (14), 1675[2]
Բացեց	Չարլզ II Ստյուարտ
Ճարտարապետ	Քրիստոֆեր Ռեն
Կայք	rmg.co.uk/royal-observatory/​(անգլ.)
Royal Observatory, Greenwich Վիքիպահեստում