From Wikipedia, the free encyclopedia
Վիեննայի գանձարան (գերմ.՝ Schatzkammer), ընդգրկված է Հաբսբուրգների հավաքածուում և ներառում է առարկաներ, որոնք ունեն դինաստիական և կրոնական նշանակություն։ Այս առումով գանձարանը բաժանվում է երկու մասի՝ կրոնական և աշխարհիկ։ Գանձարանը հանդիսանում է Արվեստի պատմության թանգարանի ֆոնդի մաս և տեղակայված է Հոֆբուրգում, այնտեղ, որտեղ նախկինում եղել է եկեղեցի, որից էլ պահպանվել է ներկայումս չօգտագործվող կռած երկաթյա մուտքի դուռը։ Դռան վրա առկա են Սրբազան Հռոմեական կայսրության կայսր Կառլ VI-ի միացագրեր[1][2][3][4]։
1556 թվականին կայսր Ֆերդինանդ I-ը որպես իր հնահավաք և Հոֆբուրգի կայսերական գանձարանի կառավարիչ է նշանակում արվեստի նյուրնբերգցի գիտակ Ջակոպո Ստրադային։ Հավաքածուն, որը ներառում էր գեղանկարներ, արվեստի գործեր, պաշտամունքի և կրոնական առարկաներ, ավանդաբար պահպանվում էր Վիեննայում գտնվող օգոստոսյանների եկեղեցում։ Մարիա Թերեզայի ժամանակ գանձարանի թագերը առանձնացվում են ընդհանուր հավաքածուից և հանվում ցուցադրության այնտեղ, որտեղ ներկայում գտնվում է գանձարանի կրոնական մասը։ Այդ ժամանակ հավաքածուի վերադասավորումը հետապնդում էր նաև Պրուսիայի դեմ տարվող պատերազմը ֆինանսավորելու համար որոշ առարկաների վաճառքը քողարկելու նպատակ։ Սուրբ Հռոմեական կայսրության փլուզումից հետո գանձարանին են անցնում թագավորական իշխանության նշան հանդիսացող իրերը։ 1871 թվականից հաբսբուրգյան հավաքածուի այլ իրերի հետ միասին Պատմության ու արվեստի թանգարանի և Բնական գիտությունների թանգարանի ցուցադրությունում են ներառվում նաև կայսրության և Ավստրիայի իշխանական բազմաթիվ խորհրդանիշներ։ Առաջին համաշխարհային պատերազմից հետո հավաքածուն կրկին ենթարկվում է վերադասավորման և տեղափոխվում ներկայիս շինություն։ Երկրորդ համաշխարհային պատերազմից առաջ հավաքածուն, համաձայն Ադոլֆ Հիտլերի անմիջական հրամանի, նացիոնալ-սոցիալիստների կողմից տեղափոխվում է Նյուրնբերգ։ 1945 թվականի ապրիլ-մայիս ամիսներին հավաքածուն բռնագրավվում է Ավստրիա մտած ամերիկյան զորքերի կողմից։ 1946 թվականին այն վերադարձվում է Վիեննա[5]։
21 սրահներում ցուցադրված են աշխարհիկ և եկեղեցական ցուցանմուշներ, զարդեր և հուշանվերներ, որոնք նախկինում հանդիսանում էին Հաբսբուրգների սեփականությունը։ Գանձարանի աշխարհիկ բաժինը ներառում է Սրբազան Հռոմեական կայսրության կայսրերի գանձերը և այլ արժեքավոր իրեր[6][7]։
Գանձարանը բաժանված է աշխարհիկ և կրոնական բաժինների։ Այնտեղ պահվում են կայսերական իշխանության նշանները[6]՝
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.