Արթուր Հակոբի Օսիկյան (հուլիսի 25, 1973, Երևան, Հայկական ԽՍՀ, ԽՍՀՄ), ՀՀ պետական գործիչ, Հայաստանի արդարադատության նախարարության քրեակատարողական վարչության պետ (2014-2018), արդարադատության գեներալ-մայոր։ Իրավաբանական գիտությունների թեկնածու։
| Արթուր Օսիկյան | |
|---|---|
| Ծնվել է | հուլիսի 25, 1973 (51 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | ԵՊՀ իրավաբանական ֆակուլտետ, ՀԱՀ և Կալիֆոռնիայի համալսարան, Բերքլի |
| Մասնագիտություն | ոստիկան և Արդարադատության գեներալ-մայոր |
Կրթություն
- Ավարտել է Երևանի պետական համալսարանի իրավաբանական ֆակուլտետը,
- Ավարտել է Հայաստանի ամերիկյան համալսարանը՝ իրավաբանի որակավորմամբ։
- Սովորել է ԱՄՆ Կալիֆոռնիայի Բերկլիի համալսարանում։
Աշխատանքային գործունեությունը
- 1995-1999 թթ. աշխատել է ՀՀ Ազգային ժողովի պետական-իրավական հարցերի մշտական հանձնաժողովում, որպես մասնագետ, խորհրդատու, փորձագետ,
- 1999-2001 թթ. աշխատել է ՀՀ Գլխավոր դատախազությունում՝ ՀՀ զինվորական դատախազի օգնական,
- 2001-2003 թթ. - ՀՀ կառավարության աշխատակազմի իրավաբանական վարչության պետ,
- 2003-2008 թթ. - ՀՀ կառավարությանն առընթեր հարկային պետական ծառայության պետի տեղակալ,
- 2008 թ. սեպտեմբերի 11-ին ՀՀ վարչապետի որոշմամբ նշանակվել է ՀՀ կառավարությանն առընթեր պետական եկամուտների կոմիտեի նախագահի տեղակալ[1]։
- 2009 թ. օգոստոսի 25-ին ՀՀ վարչապետի որոշմամբ ազատվել է Հայաստանի Հանրապետության կառավարությանն առընթեր պետական եկամուտների կոմիտեի նախագահի տեղակալի պաշտոնից՝ այլ աշխատանքի անցնելու կապակցությամբ[2]։
- 2009 թ. օգոստոսի 26-ից սեպտեմբերի 9-ը - ՀՀ գլխավոր դատախազի տեղակալ։
- 2009 թ. սեպտեմբերի 10-ին ՀՀ Նախագահի հրամանագրով նշանակվել է ՀՀ ոստիկանության պետի տեղակալ[3]։
- 2014 թ. սեպտեմբերի 3-ին ՀՀ Նախագահի հրամանագրով ազատվել է Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի տեղակալի պաշտոնից[4]։
- 2014 թ. սեպտեմբերի 3-ին ՀՀ Նախագահի հրամանագրով նշանակվել է Հայաստանի Հանրապետության արդարադատության նախարարության քրեակատարողական վարչության պետ[5]։
- 2018 թ. հունվարի 28-ին ՀՀ Նախագահի հրամանագրով ազատվել է Հայաստանի արդարադատության նախարարության քրեակատարողական վարչության պետի պաշտոնից[6]։
Պարգևներ և կոչումներ
- 2009 թ. սեպտեմբերի 15-ին շնորհվել է ոստիկանության գնդապետի կոչում,
- 2011 թ. սեպտեմբերի 3-ին ՀՀ Նախագահի հրամանգրով շնորհվել է ոստիկանության գեներալ-մայորի հատուկ կոչում[7]։
- 2006 թ. պարգևատրվել է ՀՀ վարչապետի հուշամեդալով։
- 2014 թ. սեպտեմբերի 3-ին քրեակատարողական ծառայության անցնելու կապակցությամբ ստացել է արդարադատության գեներալ-մայորի կոչում։
Ամուսնացած է, ունի մեկ որդի, մեկ դուստր։
| Նախորդող Հայկ Հարությունյան |
ՀՀ ԱՆ Քրեակատարողական ծառայության պետ Արթուր Օսիկյան 3 սեպտեմբերի 2014 - 28 հունվարի 2018 |
Հաջորդող Ռաֆայել Հովհաննիսյան[8] |
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
