Ամբերդ (գետ)

Ամբերդ Ամպառլու, Ամպուր, Ամպուրտ, Անբերդ, Խամպուրտչայ, Խամբուրդդարասի, Խամբուրդտերեսի, Համբերդ, Համբուրդ^[2], գետ Հայաստանի Արագածոտնի մարզում, Քասաղի աջ վտակը^[3]։ Սկիզբ է առնում Արագածի հարավային լանջից՝ 3700 մ բարձրությունից։ Երկարությունը 36 կմ է^[4], ջրհավաք ավազանը՝ 141 կմ²։ Գետահովիտը վերին հոսանքում V-աձև է, միջինում և ստորինում՝ խորը, Ս-աձև։

Այս հոդվածը գետի մասին մասին է։ Այլ գործածությունների համար այցելեք Ամբերդ (այլ կիրառումներ)։

Ամբերդ
Բնութագիր
Երկարություն	36 կմ[1]
Ավազանի մակերես	141 կմ²[1]
Ջրի ծախս	1,05 մ³/վ
Ջրահոսք
Ակունքի տեղակայում	Արագած[1]
Գետաբերանի տեղակայում	Քասաղ[1]
Կոորդինատներ	40°14′56″ հս․. լ. 44°16′41″ ավ. ե.HGЯOL
Տեղակայում
Հոսող հոսքեր	Արքաշեն և Տեղեր
Երկիր	Հայաստան
Երկրամաս	Արագածոտնի մարզ

Սնումը խառն է, հիմնականում՝ ձնաանձրևային և ստորերկրյա, վարարումը՝ գարնան վերջին և ամռան սկզբին։ Տարեկան միջին ծախսը՝ 1,05 մ³/վ է։ Գետահովտում կան հանգստյան տներ, դպրոց, ճամբարներ, գեղատեսիլ պուրակներ, հանքային ջրերի ելքեր։

Ամբերդ և Արքաշեն գետերի միախառնման տեղում (2300 մ բարձրության վրա) գտնվում է Ամբերդ հայկական միջնադարյան ճարտարապետական հուշարձանը։

Պատկերասրահ

• 
  Ամբերդ գետը և կիրճը
• 
  Ամբերդ գետակի հովիտը
• 
  Ամբերդի պահպանվող տարածք

Ծանոթագրություններ

1. Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
2. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի համալսարանի հրատարակչություն», 1986, էջ 213 — 992 էջ։
3. Հովհաննես Այվազյան (գլխավոր խմբագիր-տնօրեն) և ուրիշներ, Հայաստանի բնաշխարհ (հանրագիտարան), Երևան, «Հայկական հանրագիտարան հրատարակչություն», 2006, էջ 141 — 692 էջ. — 3500 հատ, ISBN 5-89700-029-8։
4. Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Երևան, «Գեոդեզիայի և քարտեզագրության կենտրոն ՊՈԱԿ», 2007, էջ 10 — 150 էջ։

Վիքիպահեստն ունի նյութեր, որոնք վերաբերում են «Ամբերդ (գետ)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 278)։