Deus vult

Deus vult (թարգմանաբար՝ լատիներենից «Այդ ամենը ուզում է Աստվածը», ի սկզբանե «Աստծո կամքով», ֆր.՝ Dieu le veut), քրիստոնյաների կոչը առաջին խաչակրաց արշավանքի հռչակման ժամանակ հռոմի պապ Ուրբանոս II-ի կողմից Կլերմոնի ժողովում 1095 թվականին։ Հանդիսացել է նաև Գոդֆրուա Բուլյոնցոի (մոտ 1060-1100)^[1] և նրա խաչակիրների մարտական կոչը։

«Deus lo vult» - Սուրբ գերեզմանի շքանշանը (1824)

Deus lo vult (լատ․՝ «Այդ ամենը ուզում է Աստվածը») ածանցյալ արտահայտությունը ոչ թե դասական լատիներենով է, այլ գռեհիկ լեզվով, Երուսաղեմի Սուրբ գերեզմանի միաբանության կարգախոսն է, որը հանդիսանում էր կաթոլիկ զինվորական միաբանություն։

Ծովակալ Ալֆրեդ Թայեր Մահանը՝ եպիսկոպոսական բողոքականը, իր փաստարկի համար օգտագործեց այն արտահայտությունը, որ «Քրիստոսի ինքնիշխանությունը հիմնականում կայսերական» էր, և որ «Քրիստոնեությունն ու պատերազմը» շատ ընդհանրություններ ունեն։ Ըստ նրա՝ «Deus vult-ը խաչակիրների և պուրիտանների աղաղակն էր, և ես կասկածում եմ, որ մարդը երբևէ ավելի ազնիվ բան է ասել»^[2]։

Այլ կիրառումներ

Ջորջ Ֆլաֆը 1947 թվականին օգտագործել է Deus Non Vult-ը որպես 12-րդ դարի վերջում խաչակրաց արշավանքների նկատմամբ խանդավառության աստիճանական կորստի ուսումնասիրության վերնագիր, որը մասնավորապես արտահայտվել է անգլիացի մատենագիր Ռալֆ Նիգերի կողմից խաչակրաց արշավանքների վաղ քննադատության մեջ՝ «Տրակտատ Երուսաղեմի երրորդ ուխտավորների արշավի ռազմական գործերի մասին» (1194)^[3]։

«Deus vult» արտահայտությունը պատմական համատեքստում հիշատակվում է Crusader Kings 2 (2012) համակարգչային խաղում։ Հետագայում արտահայտությունը վերածվել է համացանցային մեմի՝ ժողովրդականություն ձեռք բերելով աջ շարժման մեջ ընդհանրապես և Դոնալդ Թրամփի կողմնակիցների շրջանում՝ մասնավորապես 2016 թվականի ԱՄՆ նախագահական ընտրությունների ժամանակ։ Արտահայտությունը դարձավ «մի տեսակ կոդային բառ, հեշթեգ, որը տարածված է աջակողմյան սոցիալական ցանցերում և գրաֆիտիներում»^[4]։

Կարգախոսն օգտագործվում է նաև Եվրոպայում ազգայնական խմբերի կողմից և ցուցադրվել է մեծ պաստառների վրա 2017 թվականին՝ Լեհաստանի ազգային անկախության օրվան նվիրված երթերի ժամանակ^[5][6]։

Տես նաև

• Ավե Մարիա
• Թաքբիր

Ծանոթագրություններ

1. «Dieu le volt». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)
2. «Мэхэн, Альфред Тайер (1972). «Некоторые забытые аспекты войны»». Արխիվացված օրիգինալից 2019 թ․ մարտի 29-ին. Վերցված է 2019 թ․ մարտի 16-ին.
3. George B. Flahiff, "Deus Non Vult: A Critic of the Third Crusade", Mediaeval Studies 9 (1947), 162–188, doi: 10.1484/J.MS.2.306566.
4. «Ishaan Tharoor (November 16, 2016). "ISIS wants to fight a holy war. So do some Trump supporters"».
5. Vanessa Gera (2017 թ․ նոյեմբերի 14). «Polish president sharply condemns weekend nationalist march». The Times of Israel (անգլերեն). www.timesofisrael.com. Արխիվացված օրիգինալից 2020 թ․ հունիսի 28-ին. Վերցված է 2020 թ․ մայիսի 4-ին.
6. Staff and agencies in Warsaw (2017 թ․ նոյեմբերի 13). «Polish president condemns far-right scenes at Independence Day march» (անգլերեն). the Guardian. Արխիվացված օրիգինալից 2020 թ․ հունիսի 5-ին. Վերցված է 2020 թ․ մայիսի 4-ին.

Արտաքին հղումներ

• «Dieu le volt». Բրոքհաուզի և Եֆրոնի հանրագիտական բառարան: 86 հատոր (82 հատոր և 4 լրացուցիչ հատորներ). Սանկտ Պետերբուրգ. 1890–1907.{{cite book}}: CS1 սպաս․ location missing publisher (link)