մզկիթ From Wikipedia, the free encyclopedia
Օրթաքյոյ մզկիթ (թուրքերեն՝ Ortaköy Camii), պաշտոնապես՝ Büyük Mecidiye Camii՝ Մեծ Մեջիդիյե մզկիթ, սուլթան Աբդուլ Մեջիդի օրոք կառուցված մզկիթ Ստամբուլի Բեշիկթաշ շրջանում։ Գտնվում է Օրթաքյոյի հրապարակի մոտ։ Մզկիթը Ստամբուլի և Բոսֆորի տեսարժան վայրերից մեկն է։
Օրթաքյոյ մզկիթ թուրքերեն՝ Büyük Mecidiye Camii | |
---|---|
![]() | |
Տեսակ | մզկիթ և տեսարժան վայր |
Երկիր | ![]() |
Վարչատարածք | Բեշիքթաշ |
Տեղագրություն | Mecidiye? |
Հիմնվել է | 1856 |
Կառուցման սկիզբ | 1853 |
Կառուցման ավարտ | 1856 |
Պատվիրող | Աբդուլ Մեջիդ |
Անվանված է | Աբդուլ Մեջիդ և Օրթաքյոյ |
Ճարտարապետություն | |
Ճարտարապետ | Կարապետ Բալյան, Նիկողայոս Բալյան |
Ոճ | Նեոբարոկո ոճ |
Մինարեթներ | 2 |
![]() | |
![]() |
Մինչ Օրթաքյոյի մզկիթը կառուցումը, դրա տեղանքում եղել է մեկ այլ մզկիթ, որը կառուցվել էր մեզ վեզիր Իբրահիմ փաշայի խորթ որդու կողմից։ Մզկիթը կառուցվել էր 1721 թվականին, սակայն ավերվել է Պատրոն Հալիլի ապստամբության ժամանակ։ Օրթաքյոյի մզկիթը, որը տեղակայված է նախորդ մզկիթի տեղում, կառուցվել է օսմանյան սուլթան Աբդուլ Մեջիդի հրամանով 1853- 1856 թվականներին։ Մզկիթի ճարտարապետները եղել են հայազգի ճարտարապետներ Կարապետ Ամիրա Բալյանը և Նիկողոս Բալյանը։ Վերջիններս համարվում են նաև Դոլմաբահչե պալատի և Դոլմաբահչե մզկիթի ճարտարապետները[1]։
Մզկիթը ունի երկու մինարեթներ, որոնք կառուցված են սպիտակ մարմարյա սալաքարերից, որոնցից յուրաքանչյուրը ունի առանձին պատշգամբ։ Ինչպես մնացած բոլոր մզկիթները, որոնք կառուցվել են Աբդուլ Մեջիդի օրոք Օրթաքյոյի մզկիթն էլ բաղկացած է երկու մասից՝ հարեմից և սուլթանի անձնական կեցավայրից։ Այս միագմբեթ մզկիթը ներքին հատվածը պատված է վարդագույն խճանկարներով։ Բարձր և լայն պատուհաններից ներթափանցում է արևային լույսը և խճանկարի գույները արտացոլում են Բոսֆորի ջրերի երանգները։ Աղոթարանը կառուցված է մարմարից և ավելացված է խճանկարներով, իսկ ամբիոնի մարմարը իր հերթին պատված է ծիրանաքարով[2]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.