From Wikipedia, the free encyclopedia
Քեյսի Քեյսեմ (անգլ.՝ Kemal Amin "Casey" Kasem, ապրիլի 27, 1932[1][2], Դետրոյթ, Միչիգան, ԱՄՆ - հունիսի 15, 2014[1][2], Gig Harbor, Փիրս շրջան (Վաշինգտոն), Վաշինգտոն, ԱՄՆ[3]), ամերիկացի ռադիոհաղորդավար և դերասան։ 1970-2009 թվականներին վարել է American Top 40, American Top 20 և American Top 10 երաժշտական ռադիո հիթ-շքերթները, որոնք դարձել են ռադիո հիթ-շքերթների չափանիշներ, իսկ նա՝ «Հիթ-շքերթների արքա» («King of the Countdowns»)[8]։ Հայտնի Հոլիվուդյան փառքի ծառուղում արժանացել է անձնական աստղի (1981) և ընդգրկվել ռադիոյի փառքի ազգային սրահում (1985)[9][10]։ 1997 թվականին Billboard ամսագիրը նրան պարգևատրել է իր առաջին «Lifetime Achievement Award» մրցանակով, իսկ 2003 թվականին Radio Music Awards արարողության ժամանակ դարձել է առաջին դափնեկիրը «Radio Icon» կատեգորիայում[11][12][13][14]։
![]() | |
Ծնվել է | ապրիլի 27, 1932[1][2] |
Ծննդավայր | Դետրոյթ, Միչիգան, ԱՄՆ |
Մահացել է | հունիսի 15, 2014[1][2] (82 տարեկան) |
Մահվան վայր | Gig Harbor, Փիրս շրջան (Վաշինգտոն), Վաշինգտոն, ԱՄՆ[3] |
Գերեզման | Վեստրե գրավլունդ |
Կրթություն | Northwestern High School? և Ուտյնի պետական համալսարան[4] |
Քաղաքացիություն | ![]() |
Մասնագիտություն | հնչյունավորող, կինոպրոդյուսեր, լրագրող, ռադիոհաղորդավար, դիջեյ, հեռուստատեսային դերասան և կինոդերասան |
Ընտրանի | Սկուբի-Դու |
Ամուսին(ներ) | Ջին Քեյսեմ |
Երեխա(ներ) | Kerri Kasem?[4] և Mike Kasem?[5] |
Պարգևներ և մրցանակներ | |
Ծնվել է 1932 թվականի ապրիլի 27-ին ԱՄՆ-ի Միչիգան նահանգի Դետրոյթ քաղաքում, անունը ի ծնե Քեմալ Ամին Քասեմ է։ Նրա ծնողները ծագումով եղել են ներգաղթյալներ, լիբանանցի ընկերներ[15]։ Սովորել է Դետրոյթի Northwestern High School-ում և Ուեյնի համալսարանում (Դետրոյթ)[16]։
Կորեայում զինվորական ծառայության ժամանակ Քեյսին աշխատել է ռազմական ռադիոյում (Armed Forces Radio Service)։ 1954 թվականին աշխատանքից ազատվելուց հետո որպես սկավառակի ժոկեյ աշխատել է Դետրոյթում, Քլիվլենդում, Բուֆֆալոյում, Սան Ֆրանցիսկոյում և Լոս Անջելեսում[8]։
Ամուսնացած է եղել։ Ունեցել է երկու կին՝ Լինդա Մայերսը (Linda Myers, առաջին կինը 1972—1979 թվականներին, երեք երեխա) և Ջին Քեյսեմը (երկրորդ կին 1980—2014 թվականներին, մեկ երեխա)։ Երեխաներ առաջին ամուսնությունից՝ որդի Մայքը (Mike), դուստրեր Ջուլիան (Julie) և Քերի Քեյսեմը (Kerri Kasem)[17][18]։ Քեյսեմը եղել է վեգան[19][20]։
Աշխատել է ТВ և ABC հեռուստաընկերություններում ու Westwood One և AMFM Radio Networks ռադիոընկերություններում։ 1970-1988 և 1998-2009 թվականներին Քեյսին վարել է ամերիկյան American Top 40 (AT40), American Top 20 և American Top 10 հիթ-շքերթ ռադիոհաղորդումները։ Պայմանագրերի միջև ընկած ժամանակահատվածում (1989 թվականի հունվարից մինչև 1998 թվականի մարտ) եղել է Casey’s Top 40, Casey’s Hot 20 և Casey’s Countdown շոու ծրագրերի ռադիոհաղորդավար՝ մրցակցող ամենամեծ Westwood One Radio Networks ռադիոինդիկատի մոտ։ Նրա հաղորդումը հոմանիշ է դարձել ռադիոհաղորդաշարի ձևաչափի ստանդարտի հետ, և ինքը՝ Քեյսին, համարվել է անվիճելի «Հիթ-շքերթների արքա» («King of the Countdowns»)[8][21][22]։
1964-2013 թվականներին Քեյսեմը մասնակցել է շուրջ հարյուր ֆիլմերի և հեռուստասերիալների, բայց հիմնականում հայտնի է իր «Սկուբի-Դու» անիմացիոն շարքի «Շեգի Ռոջերս» մուլտսերիալի «ձայնային» կերպարով։ Բացի այդ, հաճախ խաղացել է ինքն իր դերում։ 1985 թվականին Քեյսեմը ընդգրկվել է ռադիոյի փառքի ազգային սրահում (National Association of Broadcasters Hall of Fame)[9][10][23][24]։
Կյանքի վերջին տարիներին տառապել է Պարկինսոնի հիվանդությամբ։ Մահացել է ԱՄՆ-ի Վաշինգտոն նահանգի Gig Harbor հիվանդանոցում՝ շրջապատված ընտանիքի անդամներով և ընկերներով[25][26][27]։
Տարի | Անվանում | Դեր | Ծանոթագրություն |
---|---|---|---|
1968-1969 | Բեթմենի / Սուպերմենի ժամ | Ռոբին / Դիկ Գրեյսոն | հնչյունային |
1969 | Վայրի անիվներ | ||
1969-1971 | Երկնաքերներ | Սթիվ Ուիլսոն
Ջո Քոնուեյ |
հնչյունային |
1969-1971 | Տաք անիվներ | Թենկ Մալլորի
Դեքսթեր Քարտեր |
հնչյունային |
1969-1971 | Սկուբի-Դու, դու որտե՞ղ ես | Շեգգի | հնչյունային |
1971 | Եվ ահա Պիտեր Կոտոնտեյլ | Պիտեր Կոտտոնտեյլ | Հատուկ հեռուստատեսություն |
1972 | Սպասեք մինչ ձեր հայրը տուն գա | Ջորջ | հնչյունային |
1972-1973 | Նոր ֆիլմեր Սկուբի-Դուի մասին | Շեգգի
Ալեքսանդր Կաբոտ III |
հնչյունային |
1973-1986 | Սուպեր ընկերներ տարբեր կոչումներով | Ռոբին / Դիկ Գրեյսոն | հնչյունային |
1974 | Արտակարգ իրավիճակ + 4 | Լրացուցիչ ձայներ | հնչյունային |
1977 | Ոստիկանական պատմություն | Սոբհե | դեր «Trial Board» էպիզոդում |
1977 | Անջատիչ | Թոնի Բրոք | դեր «Fade Out» էպիզոդում |
1978 | Չարլիի հրեշտակները | Թոմ Ռոջերս | դեր «Winning Is for Losers» էպիզոդում |
1985 | Սկուբի Դուի 13 ուրվականները | Շեգգի | հնչյունային |
1991 | Փոքրիկ մուլտֆիլմերի արկածները | Ֆլաքեյ Ֆլաքեմս | հնչյունային |
1993 | 2 հիմար շներ | Բիլ Բարկեր | հնչյունային |
1997 | Ջոնի Բրավո | Շեգի | հնչյունային |
2002-2006 | Ի՞նչ նորություն կա, Սկուբի-Դու | Շեգի Ռոջերս | |
2010-2011 2013 |
Սկուբի Դու. խորհրդավոր կազմակերպություն | Քոլթոն Ռոջերս | հնչյունային |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.