From Wikipedia, the free encyclopedia
Վարկառու, վարկային հարաբերությունների կողմ, որը վարկ է ստանում և պարտավորություն է ստանձնում մարել փոխառված արժեքը սահմանված ժամկետում և տոկոսներ վճարել վարկից օգտվելու ժամանակահատվածի համար[1]։
Վարկային հարաբերությունների շրջանակներում նույն տնտեսվարող սուբյեկտը կարող է միաժամանակ հանդես գալ որպես վարկատու և որպես վարկառու։ Այն դեպքերում, երբ ընկերությունը վարկ է ստանում բանկից, նա վարկառու է, իսկ բանկը` վարկատու։ Եթե ընկերությունն իր միջոցները պահում է բանկում, ապա նա վարկատու է, իսկ բանկը` վարկառու։
Վարկային հարաբերությունների շրջանակներում վարկառուն հանդիսանում է փոխատուի հետ հարաբերությունների կողմ, որն ընդունում է որոշակի գումար կամ այլ բաներ, որոնք սահմանված են ընդհանուր հատկանիշներով։ Վարկառուն, փոխառության պայմանագրին համապատասխան, պարտավորվում է պարտատիրոջը վերադարձնել նույն չափի գումար (փոխառության գումար) կամ իր կողմից ստացված նույն տեսակի և որակի այլ իրերի հավասար քանակ[1]։
Հայման Մինսկիի ֆինանսական անկայունության վարկածն առանձնացնում է վարկառուների երեք դաս. առաջինը հեջային ֆինանսավորումն է, որի դեպքում պարտապանը ի վիճակի է վճարել և՛ տոկոսները, և՛ ընդհանուր պարտքը, երկրորդը սպեկուլյատիվ ֆինանսավորումն է, երբ վարկառուների դրամական միջոցների հոսքը բավարար է տոկոսները վճարելու համար, բայց ոչ պարտքը, երրորդը Պոնզիի ֆինանսավորումն է (հայտնի իտալական «բուրգաշինարարի» անունից), այս դեպքում դրամական հոսքերն արդեն չեն բավարարում տոկոսներ վճարելու համար[2]։ 3-րդ կարգի վարկառուները ԶԼՄ-ներում պիտակավորված են որպես զոմբի ընկերություններ[3]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.