Վանդա Սայքս

Վանդա Սայքս (անգլ.՝ Wanda Sykes, մարտի 7, 1964(1964-03-07), Portsmouth, Վիրջինիա, ԱՄՆ), ամերիկացի դերասանուհի, կատակերգու և սցենարիստ։

Վանդա Սայքս
Ծնվել է	մարտի 7, 1964(1964-03-07) (60 տարեկան)
Ծննդավայր	Portsmouth, Վիրջինիա, ԱՄՆ
Կրթություն	Hampton University? և Arundel High School?
Քաղաքացիություն	ԱՄՆ
Մասնագիտություն	կատակերգու, գրող, հեռուստատեսային դերասանուհի, սցենարիստ, կինոդերասանուհի, ձայնային դերասանուհի և հեռուստատեսային պրոդյուսեր
Պարգևներ և մրցանակներ	Փրայմթայմ Էմմի մրցանակ և GLAAD Stephen F. Kolzak Award?
Անդամություն	Alpha Kappa Alpha
wandasykes.com

«Քրիս Ռոքի շոու»-ի սցենարի համար «Էմմի» մրցանակի դափնեկիր։ 2004 թվականին «Entertainment Weekly» ամսագիրը նրան անվանել է Ամերիկայի 25 ծիծաղելի մարդկանցից մեկը^[1]։

Հայտնի է «Հին Քրիսթինի նոր արկածները» սերիալում Բարբի դերով և «Ձեր մահացած խանդավառությունը» շոուով։ 2009 թվականին Fox ալիքով թողարկվել է սեփական «Վանդա Սայքսի շոու»-ն^[2][3]։

Կինոյում Սայքսը հայտնի է «Եթե սկեսուրը հրեշ է», «Իմ սուպեր նախկինը», «Ամենակարող Էվանը» ֆիլմերում խաղացած դերերով և «Անտառային եղբայրություն», «Կոտոշներ և սմբակներ», «Եղբայր արջ 2», «Ռիո», «Սառցե դարաշրջան 4։ Մայրցամաքային տեղաշարժ» մուլտֆիլմերի հնչյունավորմամբ։

Կենսագրություն

Սայքսը ծնվել է Վիրջինիայի Պորտսմութ քաղաքում՝ ԱՄՆ-ի բանակի գնդապետ Հարի Սայքսի և բանկիր Մարիոն Լուիզի ընտանիքում^[4]։ Մեծացել է Վաշինգտոնում։

Ավարտել է Արունդելի միջնակարգ դպրոցը (Մերիլենդ, Գամբրիլս)^[5] և Հեպթոնի համալսարանը^[5], որտեղ ստացել է մարքեթինգի բակալավրի աստիճան։ Քոլեջն ավարտելուց հետո որպես գնումների աշխատակից աշխատանքի է անցել Ազգային անվտանգության գործակալությունում^[5][6], որտեղ աշխատել է հինգ տարի^[7]։

Կարիերա

Իր կարիերան Վանդան սկսել է 1987 թվականին՝ Վաշինգտոնի «Coors Light Super Talent Showcase»-ում լսարանի դիմաց ելույթ ունենալով^[7][8]։ 1992 թվականին տեղափոխվել է Նյու Յորք^[7]։ Նրա առաջին մեծ աշխատանքը եղել է «Caroline's Comedy Club»-ում Քրիս Ռոքի հետ միասին^[7]։ 1997 թվականին միացել է «Քրիս Ռոքի շոու»-ի հեղինակների խմբին, նաև ինքն է բազմիցս ելույթ ունեցել շոուի ժամանակ^[8]։ Հեղինակային խումբը չորս անգամ առաջադրվել է «Էմմի» մրցանակի։

2003 թվականին Սայքսը ոչ մեծ դերով նկարահանվել է «Առանձնահատուկ Վանդա» սիթքոմում։ 2006 թվականին դեր է ստացել «Հին Քրիսթինի նոր արկածները» կատակերգական սերիալում։ Նա նաև դարձել է «Ուիլ և Գրեյս» սերիալի էպիզոդի հրավիրված աստղ։ Նույն թվականին հնչյունավորել է «Անտառային եղբայրություն» մուլտֆիլմի Ստելային, «Կոտոշներ և սմբակներ» մուլտֆիլմի Բեսիին և «Եղբայր արջ 2» մուլտֆիլմի Ինոկոյին, նկարահանվել է նաև «Իմ սուպեր նախկինը» և «Ամենակարող Էվանը» ֆիլմերում։ Նույն թվականի հոկտեմբերին HBO ալիքով ցուցադրվել է Վանդայի «Wanda Sykes: Sick & Tired» կոչվող առաջին սթենդափ ելույթը, որը առաջադրվել է «Էմմի» մրցանակի^[9]։

Վանդա Սայքսը 2004 թվականի սեպտեմբերին

2008 թվականի հոկտեմբերին Սայքսը նկարահանվել է «Մտածիր նախքան խոսելը» գովազդային կամպանիայում, որն ուղղված էր երիտասարդական համայնքներում հոմոֆոբիայի կանխարգելմանը^[10][11]։ 2009 թվականի մարտին հայտարարվել է, որ թողարկվելու է շաբաթօրյա «Վանդա Սայքսի շոուն», որի պրեմիերան կայացել է 2009 թվականի նոյեմբերի 7-ին^[12][13]։ 2009 թվականի ապրիլին «Out» ամսագիրը նրան ընդգրկել է «50 ազդեցիկ մարդիկ» ամենամյա ցուցակում։

«Wanda Sykes: I'ma Be» երկրորդ սթենդափ ելույթի պրեմիերան նույնպես կայացել է HBO հեռուստաալիքով 2009 թվականի հոկտեմբերին^[13]։

Անձնական կյանք

Ընտանիք

1991-1998 թվականներին Սայքսը ամուսնացած է եղել պրոդյուսեր Դեյվ Հոլի հետ^[7]։

2008 թվականի նոյեմբերին Սայքսը կատարել է քամինգ աութ՝ հայտարարելով, որ լեսբուհի է։ Դա տեղի է ունեցել Լաս Վեգասի միտինգի ժամանակ, որտեղ ցուցարարները քվեարկել են սահմանադրական ուղղումների համար, որն արգելում է միասեռ ամուսնությունները Կալիֆոռնիայում^[7][14]։ Մեկ ամիս առաջ Սայքսը ամուսնացել է իր խաղընկեր Ալեքսի հետ, որի հետ ծանոթացել է 2006 թվականին։ 2009 թվականին զույգը ուներ երկու երեխա^[15]։

Առողջություն

2011 թվականի սեպտեմբերի 19-ին «Էլեն Դեջեներեսի շոու»-ի ժամանակ Վանդան խոստովանել է, որ նրա մոտ ախտորոշվել է ոչ ինվազիվ կրծքագեղձի քաղցկեղ։ Սայքսին նշանակվել է երկկողմանի մաստեկտոմիա՝ երկու կրծքերի հեռացում^[16]։

Մրցանակներ

Սայքսը երեք անգամ առաջադրվել է «Էմմի» մրցանակի, որը ստացել է 1999 թվականին «Վարյետեի լավագույն սցենար կամ երաժշտական կատակերգություն» անվանակարգում։ 2001 թվականին ստացել է ամերիկյան կատակերգական մրցանակ «Նշանավոր կին-կատակերգու» անվանակարգում։ Սեփական շոուի վրա աշխատանքի համար երեք անգամ ստացել է «Էմմի» մրցանակ (2002, 2004 և 2005 թվականներին)^[17]։ 2010 թվականին ստացել է «GLAAD» մրցանակը գեյերի և լեսբուհիների իրավունքների հավասարության աջակցության համար^[18][19]։

Ֆիլմագրություն

Տարի	Ֆիլմ	Դեր	Ծանոթագրություն
2000	Ցնդած պրոֆեսորը 2. Քլամփների ընտանիքը	Շանտալ
2001	Ներքև դեպի գետնին	Վանդա
2005	Եթե սկեսուրը հրեշ է	Ռուբի
2006	Եղբայր նապաստակի արկածները	Մունի քույրը	Հնչյունավորում
	Անտառային եղբայրություն	Ստելա	Հնչյունավորում
	Իմ սուպեր նախկինը	Կարլա
	Կոտոշներ և սմբակներ	Բեսի	Հնչյունավորում
	Եղբայր արջ 2	Ինոկո	Հնչյունավորում
2007	Ամենակարող Էվանը	Ռիտա
	Ամուսնության արտոնագիր	բուժքույր Բորման	Տիտրերում նշված չէ
2011	Ռիո	Խլոյա	Հնչյունավորում
2012	Սառցե դարաշրջան 4։ Մայրցամաքային տեղաշարժ	Սիդի տատիկը	Հնչյունավորում
2013	Մակընթացություններ	Ֆլորին Քլարքսոթ
2016	Սառցե դարաշրջան	Սիդի տատիկը	Հնչյունավորում
2016	Շատ վատ մայրիկները	բժիշկ Կառլ
2017	Շատ վատ մայրիկները 2	բժիշկ Կառլ

Ծանոթագրություններ

1. «The Best of the Rest». Entertainment Weekly. 2004 թ․ մարտի 19. Արխիվացված է օրիգինալից 2008 թ․ դեկտեմբերի 11-ին. Վերցված է 2008 թ․ դեկտեմբերի 25-ին.
2. «Wanda Sykes Official Site». Wanda Sykes Returns To Fox. Արխիվացված օրիգինալից 2012 թ․ հուլիսի 7-ին. Վերցված է 2009 թ․ ապրիլի 3-ին.
3. «The Wanda Sykes Show». The Wanda Sykes Show on Fox. Վերցված է 2009 թ․ հուլիսի 12-ին.
4. Lee, Felicia R. (2012 թ․ մարտի 19). «Wanda Sykes Finds Ancestors Thanks to Henry Louis Gates Jr». The New York Times. Վերցված է 2012 թ․ օգոստոսի 18-ին.
5. Katz, Lee Michael. «Funny Girl». Washingtonian.com. Արխիվացված օրիգինալից 2012 թ․ հուլիսի 7-ին. Վերցված է 2010 թ․ հունիսի 11-ին.
6. «Wanda Sykes Biography». Yahoo! Movies. AEC One Group Stop, Inc. 2008. Արխիվացված օրիգինալից 2012 թ․ հուլիսի 7-ին. Վերցված է 2008 թ․ դեկտեմբերի 11-ին.
7. Karpel, Ari (март 2009). «Black and Gay Like Me». The Advocate. No. 1024. Վերցված է 2012 թ․ օգոստոսի 18-ին.
8. «Wanda Sykes». The Notable Names Database. 2008. Արխիվացված օրիգինալից 2012 թ․ հուլիսի 7-ին. Վերցված է 2008 թ․ դեկտեմբերի 29-ին.
9. «Complete List of 2007 Emmy Nominations». Associated Press. 2007 թ․ հուլիսի 19. Արխիվացված է օրիգինալից 2012 թ․ օգոստոսի 19-ին. Վերցված է 2009 թ․ նոյեմբերի 27-ին.
10. Juergens, Brian (2008 թ․ հոկտեմբերի 8). «Hilary Duff and Wanda Sykes on "That's so gay": Knock it off!». After Elton. Արխիվացված օրիգինալից 2012 թ․ հուլիսի 7-ին. Վերցված է 2009 թ․ նոյեմբերի 27-ին.
11. «Think before you speak. Don't say "That's So Gay."». thinkb4youspeak.com. Արխիվացված է օրիգինալից 2012 թ․ դեկտեմբերի 8-ին. Վերցված է 2012 թ․ դեկտեմբերի 4-ին.
12. «Wanda Returns to Fox!». Fox. 2009 թ․ ապրիլի 1. Արխիվացված օրիգինալից 2012 թ․ օգոստոսի 19-ին. Վերցված է 2009 թ․ նոյեմբերի 27-ին.
13. Ostrow, Joanne (2009 թ․ նոյեմբերի 7). «Wanda Sykes brings her sass to late night». Denver Post. Վերցված է 2009 թ․ նոյեմբերի 27-ին.
14. McKinley, Jessie (2008 թ․ նոյեմբերի 15). «Across U.S., Big Rallies for Same-Sex Marriage». New York Times. Արխիվացված օրիգինալից 2012 թ․ օգոստոսի 19-ին. Վերցված է 2009 թ․ նոյեմբերի 27-ին.
15. Julie Jordan (2009 թ․ մայիսի 13). «Wanda Sykes Becomes Mom of Twins!». People. Վերցված է 2009 թ․ մայիսի 13-ին.
16. Silverman, Stephen M. (2011 թ․ սեպտեմբերի 23). «"Wanda Sykes: I Had a Double Mastectomy"». People. Արխիվացված օրիգինալից 2012 թ․ դեկտեմբերի 8-ին. Վերցված է 2012 թ․ դեկտեմբերի 4-ին.
17. «Wanda Sykes Biography». Comedy Central. 11 мая 2009. Արխիվացված է օրիգինալից 2009 թ․ նոյեմբերի 29-ին. Վերցված է 2009 թ․ մայիսի 11-ին.
18. «Wanda Sykes accepts her GLAAD award». After Ellen. 2010 թ․ ապրիլի 20. Արխիվացված է օրիգինալից 2012 թ․ դեկտեմբերի 8-ին. Վերցված է 2012 թ․ դեկտեմբերի 4-ին.
19. «TV Week GLAAD to honor Wanda Sykes». TV Week. Արխիվացված է օրիգինալից 2012 թ․ դեկտեմբերի 8-ին. Վերցված է 2012 թ․ դեկտեմբերի 4-ին.

Վիքիպահեստն ունի նյութեր, որոնք վերաբերում են «Վանդա Սայքս» հոդվածին։