Սիմոն Սիմոնյան
հայ ուսուցիչ, գրող From Wikipedia, the free encyclopedia
հայ ուսուցիչ, գրող From Wikipedia, the free encyclopedia
Սիմոն Օվեի Սիմոնյան (մարտի 11 (24), 1914, Այնթապ, Այնթապի սանջակ, Հալեպի վիլայեթ, Օսմանյան կայսրություն[1] - մարտի 11, 1986, Բեյրութ, Լիբանան), սփյուռքահայ արձակագիր, դասագրքերի հեղինակ, խմբագիր, հրապարակախոս, մանկավարժ, բանասեր։ «Սփյուռք» շաբաթաթերթի և «Սևան» տպագրատան ու հրատարակչատան (Բեյրութ) հիմնադիրն է։
Սիմոն Սիմոնյան արմտ. հայ.՝ Սիմոն Սիմոնեան | |
---|---|
Ծնվել է | մարտի 11 (24), 1914 |
Ծննդավայր | Այնթապ, Այնթապի սանջակ, Հալեպի վիլայեթ, Օսմանյան կայսրություն[1] |
Վախճանվել է | մարտի 11, 1986 (71 տարեկան) |
Վախճանի վայր | Բեյրութ, Լիբանան |
Մասնագիտություն | գրող, ուսուցիչ և հրապարակախոս |
Լեզու | հայերեն |
Քաղաքացիություն | Օսմանյան կայսրություն, Մեծ Լիբանան և Լիբանան |
Կրթություն | Կրթասիրաց վարժարան (1930) |
Աշխատավայր | Հայկազյան ազգային վարժարան, Կյուլլապի Կյուլպենկյան վարժարան, Դարուհի Հակոբյան վարժարան, Հովակիմյան-Մանուկյան վարժարան և Սփիւռք |
1930 թվականին ավարտել է Հալեպի Կրթասիրաց վարժարանը, 1935 թվականին՝ Անթիլիասի դպրեվանքը։ 1935-1946 թվականներին ուսուցչություն է արել Հալեպի Հայկազյան և Կյուլպենկյան վարժարաններում, 1946-1955 թվականներին՝ Անթիլիասի դպրեվանքում, 1947-1960 թվականներին, միաժամանակ՝ Բեյրութի Դարուհի Հակոբյան և Հովակիմյան-Մանուկյան վարժարաններում, 1946 թ. «Սևան» պարբերագրքի խմբագիր, 1947-1955 թվականներին՝ «Հասկ» թերթի խմբագրապետ, 1958-1974 թվականներին՝ «Սփյուռք» շաբաթաթերթի խմբագիր։ Մի շարք ժողովածուների («Լեռնականներու վերջալոյսը»[2], «Սիփանայ քաջեր»[3] (Ա և Բ հատորներ), «Լեռ եւ ճակատագիր»[4]) և վեպերի («Խմբապետ Ասլանին աղջիկը» և «Անժամանդրոս»)[5] հեղինակ է։
1955 թվականին Բեյրութում հիմնադրել է «Սևան» տպարանը[6] և նույնանուն «Սևան» հրատարակչությունը[7]) /Սևան տպարան/, որտեղ տպագրվել են շուրջ 500[8] դասագրքեր, գրական-գեղարվեստական, գիտաբանասիրական, թարգմանչական և բազմաբնույթ այլ գրքեր։
Սիմոնյանը կազմել է նաև հայոց պատմության, մայրենի լեզվի («Արագած», համահեղինակ՝ Օննիկ Սարգիսյան[9]), աշխարհագրության (համահեղինակներ՝ Երուանդ Պապայան և Օննիկ Սարգիսյան) և քերականության (համահեղինակ՝ Սարգիս Պալյան) դասագրքեր[10], գրել բանասիրական ուսումնասիրություններ («Արեւելահայ գրողներ», 1965, «Արեւելահայ գրականութիւն», 1965, «Հին հայ մատենագրութիւնը որպէս ենթահող արդի հայ գրականութեան», 1975, «Նորայայտ տաղասաց մը Ստեփանոս Դաշտեցի», 1981)։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.