From Wikipedia, the free encyclopedia
Սելչուք Բայրաքթար (թուրքերեն՝ Selçuk Bayraktar, հոկտեմբերի 7, 1979, Սարըյեր, Ստամբուլի մարզ, Թուրքիա[1]), թուրք ձեռնարկատեր, ինժեներ, «Baykar Makina» ընկերության համասեփականատեր և տեխնիկական տնօրեն, Թուրքիայի նախագահ Ռեջեփ Թայիփ Էրդողանի փեսան[3]։
| Սելչուք Բայրաքթար թուրքերեն՝ Selçuk Bayraktar | |
|---|---|
![Thumb](#/media/Պատկեր:"Qarabağ"_ordenli_Selçuk_Bayraktar.jpg) | |
| Ծնվել է | հոկտեմբերի 7, 1979 (45 տարեկան) |
| Ծննդավայր | Սարըյեր, Ստամբուլի մարզ, Թուրքիա[1] |
| Քաղաքացիություն |  Թուրքիա |
| Մայրենի լեզու | թուրքերեն |
| Կրթություն | Ստամբուլի տեխնիկական համալսարան (2002)[2], Փենսիլվանիայի համալսարան, Մասաչուսեթսի տեխնոլոգիական ինստիտուտ և Ռոբերթ քոլեջ |
| Մասնագիտություն | ճարտարագետ, գործարար և քաղաքական գործիչ |
| Աշխատավայր | Baykar Makina ընկերություն |
| Ամուսին | Սյումեյե Էրդողան |
| Ծնողներ | հայր՝ Özdemir Bayraktar? |
| Պարգևներ և մրցանակներ |     և  |
| Կայք | baykartech.com/tr/selcuk-bayraktar/ |
 Selçuk Bayraktar Վիքիպահեստում | |
Ծնվել է 1979 թվականին։ Հայրը՝ Օզդեմիր Բայրաքթարը «Baykar Makina» ընկերության հիմնադիրն ու սեփականատերն էր։ Ընկերությունը ավիացիոն-տիեզերական ոլորտում զբաղվում է նոր տեխնոլոգիաների մշակմամբ, արտադրում ռոբոտատեխնիկա և կառավարման համակարգեր, ինչպես նաև անօդաչու թռչող սարքավորումներ[4]։
Սելչուք Բայրաքթարը 2002 թվականին ավարտել է Ստամբուլի տեխնիկական համալսարանը։ Ունի Փենսիլվանիայի համալսարանի և Մասաչուսեթսի տեխնոլոգիական ինստիտուտի մագիստրոսի կոչում։ Դոկտորական աստիճան է ստացել Ջորջիայի Տեխնոլոգիական ինստիտուտում[5]։
Սելչուք Բայրաքթարն առավել մեծ հեղինակություն է ստացել 2016 թվականի մայիսին՝ Իզմիրում մասնակցելով միացյալ ռազմամարզական գործողություններին, որտեղ «Baykar Makina» ընկերությունը ներկայացնում էր իր նոր մշակումը. «Bayraktar TB2» հետախուզական անօդաչու թռչող սարքավորումը։ Թուրքիայի զինված ուժերի Գլխավոր շտաբի պետ Հյուլուսի Աքարի որոշմամբ՝ այս անօդաչուն համալրել է թուրքական բանակի զինտեխնիկան[6]։
Ներկայումս հիմնական դերակատարումն ունի իր ընկերության նոր տիպի անօդաչու թռչող սարքավորումների մշակման և արտադրության գործում[7]։
Ամուսնացած է Թուրքիայի նախագահ Ռեջեփ Թայիփ Էրդողանի կրտսեր դստեր Սյումեյե Էրդողանի հետ[8]։ Ունի մեկ երեխա[9]։ Բայրաքթարն ունի նաև օդաչուի լիցենզիա։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
