From Wikipedia, the free encyclopedia
Ռիդ Գարեթ Հոֆման (անգլ.՝ Reid Garrett Hoffman, օգոստոսի 5, 1967, Սթենֆորդ, Կալիֆորնիա, Սանտա Կլարա շրջան, Կալիֆոռնիա, ԱՄՆ), ամերիկացի ձեռնարկատեր, վենչուրային կապիտալիստ և գրող, LinkedIn սոցհարթակի համահիմնադիր, ներկայումս Greylock Partners վենչուրային ընկերության գործընկեր և inflection AI-ի համահիմնադիր[2]։
Ռիդ Հոֆման անգլ.՝ Reid Hoffman | |
---|---|
![]() | |
Ծնվել է | օգոստոսի 5, 1967 (56 տարեկան) |
Ծննդավայր | Սթենֆորդ, Կալիֆորնիա, Սանտա Կլարա շրջան, Կալիֆոռնիա, ԱՄՆ |
Քաղաքացիություն | ![]() |
Կրթություն | Սթենֆորդի համալսարան, Wolfson College? և The Putney School? |
Մասնագիտություն | ձեռնարկատեր, ներդրող, գրող, գործարար և պոդքաստեր |
Աշխատավայր | ՓեյՓալ, Chaosium? և LinkedIn Corporation? |
Պարգևներ և մրցանակներ | |
Անդամություն | Արվեստների և գիտությունների ամերիկյան ակադեմիա |
Կայք | reidhoffman.org |
![]() |
Միլիարդատեր, Forbes ամսագրի 2021 թվականի վարկանիշում կարողությունը գնահատվել է 2,3 միլիարդ դոլար[3]։
Հոֆմանը սովորել է Վերմոնտի Փաթնի դպրոցում[4], որտեղ զբաղվել է գյուղատնտեսությամբ[5]։
Նա ավարտել է Սթենֆորդի համալսարանը 1990 թվականին՝ ֆորմալ լեզուների և կոգնիտիվ գիտությունների բակալավրի աստիճանով։ Արժանացել Է Մարշալի կրթաթոշակին՝ արտերկրում ասպիրանտուրա սովորելու համար[6], որով նա ստացել է փիլիսոփայության մագիստրոսի կոչում Օքսֆորդի Վոլֆսոն քոլեջում 1993 թվականին[7]։
1994 թվականին Հոֆմանը միացել է Apple Computer-ին, որտեղ նա աշխատում էր eWorld-ի (առցանց ծառայություն ստեղծելու նախատիպ) վրա։ AOL-ը այն ձեռք է բերել 1996 թվականին[8]։ Ավելի ուշ նա աշխատել է Fujitsu-ում՝ նախքան իր առաջին ընկերության՝ SocialNet.com-ի համահիմնադիր դառնալը։ Այն կենտրոնացած էր «նմանատիպ հետաքրքրություններ ունեցող մարդկանց առցանց ժամադրության վրա, ինչպիսիք են գոլֆիստները, ովքեր փնտրում էին խաղընկերներ»[9]։
SocialNet-ում աշխատելիս՝ Հոֆմանը եղել է PayPal-ի տնօրենների խորհրդի անդամ[10]։ 2000 թվականի հունվարին նա հեռացել է SocialNet-ից և միացել PayPal-ին՝ որպես ընկերության գործադիր տնօրեն[3][9]։
2002 թվականի դեկտեմբերին Հոֆմանը երկու նախկին գործընկերների հետ հիմնադրել է LinkedIn սոցիալական ցանցը[5][11]։ LinkedIn-ը գործարկվել է 2003 թվականի մայիսի 5-ին որպես բիզնես-ուղղվածությամբ առաջին առցանց սոցիալական ցանցերից մեկը[12]։ 2011 թվականի մայիսի 19-ին Հոֆմանը տիրապետում էր մոտ 2,34 միլիարդ դոլար արժողությամբ բաժնետոմսերի փաթեթին[13]։
2016 թվականի հունիսի 13-ին Microsoft-ն առաջարկել է LinkedIn-ը ձեռք բերել 26,2 միլիարդ դոլար կանխիկ գումարով[14]։ 2017 թվականի մարտի 14-ին Հոֆմանը դարձել է Microsoft-ի խորհրդի անդամ[15]։
Հոֆմանը OpenAI արհեստական բանականության հետազոտությամբ զբաղվող ընկերության հիմնադիր-ներդրողն էր[16]։
2023 թվականի մայիսի դրությամբ նա և Greylock Partners-ը ներդրումներ են կատարել AI-ով աշխատող առնվազն 37 ընկերություններում[17]։
2009 թվականին Հոֆմանը միացել է Greylock Partners վենչուրային ընկերությանը[18]։
Ըստ Դեյվիդ Քիրքպատրիկի «Ֆեյսբուքի Էֆեկտ» (անգլ.՝ The Facebook Effect) գրքի՝ Հոֆմանն է կազմակերպել Մարկ Ցուկերբերգի և Փիթեր Թիլի առաջին հանդիպումը, որը հանգեցրել է Թիլի նախնական 500,000 ԱՄՆ դոլարի ներդրմանը Ֆեյսբուքում։ Հոֆմանը Թիլի հետ միասին ներդրումներ է կատարել Ֆեյսբուքի ֆինանսավորման առաջին փուլում[19][20]։
2009 թվականից ի վեր Հոֆմանը վենչուրային կապիտալ է տրամադրել տասնյակ ձեռնարկություններին, ինչպիսիք են Airbnb-ն, Aurora Innovation-ը, Taptap Send-ը և Helion Energy-ն[21][22][23]։
Նա եղել է Zynga-ի տնօրենների խորհրդի անդամ 2008 թվականի մարտից մինչև 2014 թվականի հունիսը[24] և ներկայումս ընդգրկված է մի քանի տնօրենների խորհուրդում՝ ներառյալ Aurora-ն, Joby Aviation-ը և Microsoft-ը[25][26][27]։
Հոֆմանը դասավանդում է «Blitzscaling» անվճար դասընթացը Սթենֆորդի համալսարանում[28][29]։
2004 թվականին Հոֆմանն ամուսնացել է Միշել Յիի հետ։ Զույգը բնակվում է Սիեթլում, Վաշինգտոն[30]։ Հոֆմանը սեղանի խաղերի մեծ երկրպագու է․ ըստ նրա՝ նման խաղերը լավ մարզանք են բիզնեսի համար[31]։
Հոֆմանը ֆինանսավորել է Ջին Քերոլի դատավարությունը ընդդեմ Դոնալդ Թրամփի՝ իրեն զրպարտելու և ծեծի ենթարկելու համար[32]։ 2023 թվականի մայիսի 9-ին երդվյալ ատենակալները Թրամփին մեղավոր են ճանաչել և Քերոլին 5 միլիոն դոլար փոխհատուցում տվել[33]։
2023 թվականի սեպտեմբերին The Wall Street Journal-ը հայտնել է, որ Հոֆմանը հաճախ այցելել է Ջեֆրի Էփշթեյնի մասնավոր կղզի 2014 թվականին։ Հոֆմանը պնդել է, որ հանդիպման նպատակը Մասաչուսեթսի տեխնոլոգիական ինստիտուտի համար դրամահավաքն էր, և որ նա ափսոսում է Էփշթեյնի հետ փոխգործակցության համար[34]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.