![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bb/Young_Julia_Wolfe_with_composer_John_Cage%252C_David_Lang%252C_and_Michael_Gordon.jpg/640px-Young_Julia_Wolfe_with_composer_John_Cage%252C_David_Lang%252C_and_Michael_Gordon.jpg&w=640&q=50)
Ջուլիա Վոլֆ
From Wikipedia, the free encyclopedia
Ջուլիա Վոլֆ (անգլ.՝ Julia Wolfe, դեկտեմբերի 18, 1958(1958-12-18)[1][2], Ֆիլադելֆիա, Փենսիլվանիա, ԱՄՆ[3])[8], ժամանակակից ամերիկացի կոմպոզիտոր, որի ստեղծագործությունն իր ոճով բնորոշվում է որպես պոստմինիմալիստական։ Նրա երկերը արտացոլում են Ամերիկայի Միացյալ Նահանգների պատմության ու հասարակական կյանքի՝ լայն հետաքրքրություն ներկայացնող իրադարձություններ։ Ջուլիա Վոլֆը Նյու Յորքում գործող Bang on a Can կազմակերպության հիմնադիր անդամ է, կազմակերպություն, որն իր առաջնահերթ խնդիրն է համարում ժամանակակից երաժշտության ստեղծումն ու տարածումը։
Ջուլիա Վոլֆ | |
---|---|
![]() | |
Ծնվել է | դեկտեմբերի 18, 1958(1958-12-18)[1][2] (65 տարեկան) Ֆիլադելֆիա, Փենսիլվանիա, ԱՄՆ[3] |
Երկիր | ![]() |
Ժանրեր | ժամանակակից դասական երաժշտություն |
Մասնագիտություն | կոմպոզիտոր, երաժշտության ուսուցիչ, համալսարանի դասախոս և երաժիշտ |
Աշխատավայր | Նյու Յորքի համալսարան և Մանհեթենի երաժշտական դպրոց |
Կրթություն | Փրինսթոնի համալսարան, Միչիգանի համալսարան և Եյլի համալսարան |
Անդամակցություն | Արվեստի և գրականության ամերիկյան ակադեմիա |
Պարգևներ | |
Կայք | juliawolfemusic.com |
Երգչախմբի ու երաժշտախմբի համար գրած Anthracite Fields կանտատի համար նա 2015 թվականին արժանացել է Պուլիցերյան մրցանակի[9], 2016-ին էլ՝ Մաք Արթուր հիմնադրամի սահմանած մրցանակներից մեկին[10], որը նախատեսված էր արտակարգ ինքնատիպություն և իր արվեստին առավելագույն նվիրվածություն դրսևորած հեղինակներին խրախուսելու համար[11]։