ամերիկացի դերասան From Wikipedia, the free encyclopedia
Ջոն Ռոբերտ Մագարո (անգլ.՝ John Robert Magaro, փետրվարի 16, 1983[1], Ակրոն, Օհայո, ԱՄՆ)[2][3], ամերիկացի դերասան։ Առավել հայտնի է իր դերով «Մի՛ անհետացիր» ֆիլմում, որում նկարահանվել է նաև Ջեյմս Գանդոլֆինին, և որը «Սոպրանոները» հեռուստասերիալի ստեղծողի՝ Դևիդ Չեյզի դեբյուտն է գեղարվեստական կինոյում[4][5][6]։
 | |
|---|---|
.jpg) | |
| Ծնվել է | փետրվարի 16, 1983[1] (41 տարեկան) |
| Ծննդավայր | Ակրոն, Օհայո, ԱՄՆ |
| Կրթություն | Փոյնթ Փարք համալսարան և Stow-Munroe Falls High School? |
| Քաղաքացիություն |  ԱՄՆ |
| Մասնագիտություն | դերասան, թատրոնի դերասան, հեռուստատեսային դերասան և կինոդերասան |
Մարագոն ծնվել է ԱՄՆ Օհայո նահանգի Ակրոն քաղաքում, Ջեյմս և Վենդի Մարագոների ընտանիքում[7] և մեծացել նրա Մանորո Ֆոլս արվարձանում։ Նրա հայրն ունի իտալական, մայրը՝ հրեական ծագում․ նա դաստիարակվել է որպես հուդայական։ Նրա ծնողները եղել են ուսուցիչներ։ Հաճախելով քաղաքային Սթոու Մանրո Ֆոլս դպրոց՝ նա սկսել է խաղալ տեղի թատրոնում, այդ թվում նաև Քլիվլենդ Փլեյ Հաուսում և Բլոսոմի երաժշտական կենտրոնի Քենթ Սթեյթ Փորթհաուս թատրոնում։ Պատանեկան տարիներին Մագարոն նկարահանվել է հեռուստագովազդում, ստացել է դեր «Փրկարար ծառայություն 911» ֆիլմում[2][8][9][10]։ 2001 թվականին դպրոցն ավարտելուց հետո նա ընդունվել է Փիթսբուրգի Փոյնթ Պարկ համալսարան, որպեսզի դառնա դերասան
Ներկայում Մագարոն ապրում և աշխատում է Նյու Յորքում։ Նրա ամենահայտնի աշխատանքների թվում նշվում են «Խիզախը» (2007) ֆիլմը, որում նկարահանվել են Ջոդի Ֆոսթերն ու Տերենս Հովարդը, HBO-ի «Կամավորները» (2009) ֆիլմը, որում նկարահանվել է նաև Քևին Բեյքոնը և Ուես Քրեյվենի «Վերցրու իմ հոգին» սարսափ ֆիլմը, որում նա կատարել է գլխավոր դեր[2][11][12]։ 2016 թվականին Մագարոն կատարել է գլխավոր դերերից մեկը Վուդի Ալլենի «Ճգնաժամ վեց տեսարարններով» մինի սերիալում[13]։
«Մի՛ անհետացիր» ֆիլմի գործողությունները կատարվում են 1960-ական թվականներին Նյու Ջերսիում և պտտվում են Մագարոյի կերպարի՝ դեռահասների The Twylight Zones (հղում է Ռոդ Սերլինգի «Մթնշաղային գոտի» անթոլոգիային) ռոք խմբի առաջատար կատարողի շուրջը։ Ֆիլմի անվանումը հղում է Բադդի Հոլլիի «Not Fade Away» երգին, որի քավերը հետագայում ձայնագրել է The Rolling Stones խումբը։ Ֆիլմը միավորել է «Սոպրանոնները» հեռուստասերիալի ստեղծող Դևիդ Չեյզին և դերասան Ջեյմս Գանդոլֆինիին (մարմնավորում է Մագարոյի կերպարի հորը) ու Սթիվեն Վան Զանդտին (երաժշտական ղեկավար)[4][5][6]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
