Պետրո Բիբա
ուկրաինացի բանաստեղծ, լրագրող, հրատարակիչ From Wikipedia, the free encyclopedia
Պետրո Նիկիտովիչ Բիբա (ուկրաիներեն՝ Петро́ Мики́тович Бі́́ба, հուլիսի 1, 1913, Նովոմիրգորոդ, Ելիսավետգրադսկի գավառ, Խերսոնի նահանգ, Ռուսական կայսրություն - մարտի 22, 2002), ուկրաինացի բանաստեղծ, լրագրող, հրատարակիչ։ Ուկրաինայի գրողների միության անդամ (1948), Ուկրաինական ԽՍՀ մշակույթի վաստակավոր գործիչ։
Պետրո Բիբա | |
|---|---|
| Ծնվել է | հուլիսի 1, 1913 |
| Ծննդավայր | Նովոմիրգորոդ, Ելիսավետգրադսկի գավառ, Խերսոնի նահանգ, Ռուսական կայսրություն |
| Վախճանվել է | մարտի 22, 2002 (88 տարեկան) |
| Մասնագիտություն | լրագրող, բանաստեղծ և հրատարակիչ |
| Անդամակցություն | Ուկրաինայի գրողների ազգային միություն |
| Կուսակցություն | ԽՄԿԿ |
| Պարգևներ |    և  |
| Պետրո Բիբա Վիքիքաղվածքում | |
Պետրո Բիբան ծնվել է 1913 թվականին Նովոմիրգորոդ քաղաքում՝ ծառայողի ընտանիքում։ Բանաստեղծություններ սկսել է տպագրել դպրոցական տարիքից։ Դպրոցն ավարտելուց հետո աշխատել է թերթերի խմբագրություններում, տպագրվել է մանկական «Більшовиченята», «Червоні квіти» ամսագրերում։
Մասնակցել է Երկրորդ համաշխարհային պատերազմին, եղել է սերժանտ, հրամանատարի օգնական, հանդես է եկել 212-րդ հրաձգային դիվիզիայում։ Մասնակցել է Շեպետովկայի, Չերկասիի, Կրեմենչուգի մարտերին։ 1941 թվականի սեպտեմբերին վիրավորվել է Խմելնիկի մոտ։ Բուժվելուց հետո վերադարձել է ռազմաճակատ, եղել Հարավային Կովկասի ճակատում։ 1942 թվականի հոկտեմբերին կրկին վիրավորվել է։
Հետպատերազմյան շրջանում խմբագրել է «Вогні Придніпров'я» ալմանախը։ 1950 թվականին ավարտել է Նիկոպոլի մանկավարժական ինստիտուտը։ 1950-ական թվականներին եղել է Դնեպրի «Зоря» շրջանային թերթի պատասխանատու քարտուղար։ 1962-1975 թվականներին եղել է «Культура і життя» («Մշակույթ և կյանք») թերթի գլխավոր խմբագիրը։ 1948 թվականին լույս է տեսել Բիբայի բանաստեղծությունների առաջին «Եղբայրություն» գրքույկը[1]։
1964 թվականին Մոսկվայում ռուսերեն լույս է տեսել նրա «Կռունկները արևի ներքո» բանաստեղծությունների գիրքը[2]։
- «Եղբայրություն», 1948
- «Великий почин» («Մեծ նախաձեռնություն»), 1951
- «З любов'ю» («Սիրով»), 1956
- «Слухаю серце» («Լսում եմ սրտիս»), 1958
- «А ми - навколо Сонця», 1961
- «Струм», 1967
- «Вись» («Բարձունք»), 1970
- «Час» («Ժամանակ»), 1973
- «Краплини теплого дощу», 1980
- «Година зоряна - життя», 1982
- «З вершини літа», 1986
- «Цвіт багряний», 1988
- «Грані», 1998
- «Будем жить», 2001
Պետրո Բիբայի բանաստեղծություններից թարգմանվել են ադրբեջաներեն, բելառուսերեն, բուլղարերեն, հայերեն, ռուսերեն, չեխերեն։
- Հայրենական պատերազմի 1-ին աստիճանի շքանշան
- Աշխատանքային կարմիր դրոշի շքանշան
- «Պատվո նշան» շքանշան
- ՌՍՖՍՀ Գերագույն խորհրդի նախագահության պատվոգիր
Գրողի հայրենի քաղաք Նովոմիրգորոդի փողոցներից մեկը 2015 թվականին անվանվել է նրա անունով։
- Ծառերը; Կայարան Այրում; Աղբյուրը։ Ոսկե դարպասներ (ուկրաինական քնարերգություն), Ե., «Սովետական գրող», 1977 էջ 69-70։ Թարգմ.՝ Ալեք Խաչունց։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
