Ուրսուլա Անդրես

Ուրսուլա Անդրես (գերմ.` Ursula Andress, մարտի 19, 1936(1936-03-19)^{[1][2][3][…]}, Օստերմունդիգեն, Շվեյցարիա^[4]), շվեյցարացի կինոդերասանուհի։ 1960-ական թվականներին համարվել է ֆրանսիական կինոյի սեքս-խորհրդանիշներից մեկը։

Ուրսուլա Անդրես գերմ.՝ Ursula Andress
Ծնվել է	մարտի 19, 1936(1936-03-19)[1][2][3][…] (88 տարեկան)
Ծննդավայր	Օստերմունդիգեն, Շվեյցարիա[4]
Քաղաքացիություն	Շվեյցարիա
Մասնագիտություն	դերասանուհի, սցենարիստ, մոդել և կինոդերասանուհի
Ամուսին(ներ)	Ջոն Դերեք
Համատեղ ապրող(ներ)	Հարի Հեմլին, Մարչելլո Մաստրոյանի և Ժան Պոլ Բելմոնդո
Պարգևներ և մրցանակներ	Ոսկե Գլոբուս մրցանակ՝ տարվա նորահայտ դերասանուհի անվանակարգում և

Կենսագրություն

Ուրսուլա Անդրեսը ծնվել է Շվեյցարիայի մայրաքաղաք Բեռնից ոչ հեռու գտնվող Օստերմունդիգեն համայնքում։ Հայրը գերմանացի էր և աշխատում էր Բեռնի գերմանական դեսպանատանը, իսկ մայրը շվեյցարուհի էր։ Ուրսուլան ընտանիքի վեց երեխաներից մեկն էր։ Պատերազմի տարիներին նրա հայրը անհետ կորել է։

17 տարեկանում Ուրսուլան ֆրանսիացի դերասանի հետ դիմել էր փախուստի և մեկնել Հռոմ։ Հարազատները նրան գտնելու հույսով դիմել էին Ինտերպոլին։ Այդ միջադեպից հետո նա աշխատանքի է անցել Cinecitta կինոստուդիայում։ Դպրոցն ավարտելուց հետո Փարիզում ուսումնասիրել է արվեստներ և պարեր, իսկ հետո Հռոմում աշխատել է որպես ֆոտոմոդել։ Այնտեղ նրան նկատել է Մարլոն Բրանդոն և առաջարկել փորձել ուժերը կինոյում։ Շուտով Լոնդոնում պայմանագիր է կնքել, որը նրան թույլ էր տալիս թափանցել Հոլիվուդ` աշխատելով Columbia Pictures կինոստուդիայի հետ։ Սակայն Ուրսուլան այդպես էլ չնկարահանվեց այդ կինոստուդիայի ֆիլմերում ` վճարելով տուգանք այդ կազմակերպությանը։ Դրա պատճառը նրա ծանոթությունն ու հարսանիքն էր դերասան Ջոն Դերեկի հետ, որը տեղի ունեցավ 1957 թվականին։

Ուրսուլա Անդրեսը ճանաչում ձեռք բերեց նկարահանվելով Ջեյմս Բոնդի մասին պատմող առաջին «Դոկտոր Նոու» (1962թ.) կինոնկարում։ Ֆիլմում նա խաղում էր կանացի գլխավոր` խեցիներ հավաքող սուզորդուհու դերը։ Մինչ օրս այն համարվում է Ջեյմս Բոնդի ամենասեքսուալ «կինոաղջիկներից» մեկը։ Այն տարիներին այդ դերի համար նա ստացավ ընդամենը 10 հազար դոլար, չնայած, որ ֆիլմում նրա հագին եղած սպիտակ բիկինին 2001 թվականին կայացած աճուրդում վաճառվել է 31 հազար եվրոյով։

1963 թվականին Ուրսուլա Անդրեսը Անիտա Էկբերգի, Ֆրենկ Սինատրայի և Դին Մարտինի հետ միասին նկարահանվել է «Չորսը Տեխասից» կինոնկարում։ Նույն թվականին Էլվիս Փրեսլիի հետ միասին նկարահանվել է «Զվարճանքներ Ակապուլկոյում» ֆիլմում։ 1964 թվականին Ուրսուլան հանդես եկավ իր ամուսնու «Մղձավանջ արևի տակ» կինոնկարում։ 1965 թվականին թողարկվել է «Ինչ նոր բան կա, կատվիկ» կատակերգությունը, որտեղ Ուրսուլայի խաղընկերներն էին Պիտեր Սելլերսը, Պիտեր Օ'Թուլը, Վուդի Ալլենը և Ռոմի Շնայդերը։ Նույն թվականին Մարչելլո Մաստրոյանիի հետ նկարահանվել է գիտա-ֆանտաստիկ «Տասներորդ զոհը» կինոնկարում։ Այնուհետև նկարահանվել է «Նա» (1965թ.) և «Չինացու անհաջողությունները Չինաստանում» (1965թ.) ֆիլմերում։ Այս վերջին ֆիլմում Ուրսուլան ծանոթացել է Ժան Պոլ Բելմոնդոյի հետ և հանուն նրա 1966 թվականին ամուսնալուծվել է ամուսնուց։ Եղել է դեպք, երբ Ուրսուլան փորձել է ինքնասպանություն գործել՝ իմանալով Բելմոնդոյի դավաճանության մասին։

1968 թվականին Ուրսուլան նկարահանվել է «Խաղատուն «Ռոյալ»», իսկ 1970 թվականին «Կարմիր արև» կինոնկարներում։ 1970-ական թվականների կեսերին նա նկարահանվել է հիմնականում Իտալիայում։ 1978 թվականին Ուրսուլան հայտնվել է դաժան տեսարաններով հարուստ «Մարդակերների աստվածը» սարսափ-ֆիլմում, որտեղ նրան կարելի է տեսնել ամբողջովին մերկ և ծառին կապված։

1981 թվականին Ուրսուլան նկարահանվել է «Տիտանների ճակատամարտը» ֆիլմում ` կատարելով Աֆրոդիտե աստվածուհու դերը։ Այդ ֆիլմի նկարահանումների ժամանակ նա ծանոթացել է դերասան Հարի Հեմլինի հետ, ով երկու անգամ երիտասարդ էր իրենից։ 1980 թվականին Հարին դարձավ Ուրսուլայի երեխայի հայրը, սակայն նրանց հարաբերությունները երկար չտևեցին։

1982 թվականին Ուրսուլա Անդրեսը նկարահանվել է Սերգեյ Բոնդարչուկի «Կարմիր զանգեր» կինոնկարում, իսկ 1986 թվականին ամերիկյան «Պետրոս Մեծ» հեռուստասերիալում։ Այնուհետև Ուրսուլան շարունակել է նկարահանվել հեռուստատեսային աննշան ֆիլմերում։

Մասնակի ֆիլմագրությունը

Թվական	Անվանում	Բնօրինակ անվանում	Կերպար
1954	Ամերիկացին Հռոմում	Un americano a Roma	Աստրիդ Շյոստրոմ
1955	Ջակոմո Կազանովայի արկածները	Le avventure di Giacomo Casanova	-
1955	Թշնամության շղթան	La catena dell'odio	-
1962	Դոկտոր Նոու	Dr. No	Հանի Ռայդեր
1963	Զվարճանքներ Ակապուլկոյում	Fun in Acapulco	Մարգարիտա Դոֆին
1963	Չորսը Տեխասից	4 for Texas	Մաքսին Ռիխտեր
1965	Մղձավանջ արևի տակ	Nightmare in the Sun	Մարշա Ուիլսոն
1965	Նա	She	Այեշա
1965	Ինչ նոր բան կա, կատվիկ	What's New Pussycat	Ռիտա
1965	Չինացու անհաջողությունները Չինաստանում	Les tribulations d'un Chinois en Chine	Ալեքսանդրին Պինարդել
1965	Տասներորդ զոհը	La decima vittima	Կարոլին Մերեդիթ
1966	Երկնագույն Մաքսը	The Blue Max	Քեթի վոն Կլուգերման
1966	Մի անգամ, նախքան ես կմեռնեմ	Once Before I Die	Ալեքս
1967	Նրբագեղ սինյորաներ	Le dolci signore	Նորմա
1967	Խաղատուն «Ռոյալ»	Casino Royale	Վեսպեր Լինդ, գործակալ 007
1968	Հարավային աստղը	The Southern Star	Էրիկա Կրամեր
1970	Իդեալական ուրբաթ` հանցագործության համար	Perfect Friday	Բրիտ Դորսեթ
1971	Կարմիր արև	Soleil rouge	Քրիստինա
1973	Վերջին հնարավորություն	L'ultima chance	Միշել Նոլտոն
1975	Հարված եղեգնուտում	Colpo in canna	Նորա Գրին
1975	Զգացմունքային բուժքույրը	L'infermiera	Աննա
1976	Սկարամուշ	Le avventure e gli amori di Scaramouche	Ջոզեֆինա
1976	Ճեպընթաց Աֆրիկա	Africa Express	Մադլեն Կուպեր
1976	Ճեպընթաց - սաֆարի	Safari Express	Միրիամ
1976	Հանվեք` առանց ամոթի	Spogliamoci così, senza pudor	Մարինա Զենարո
1977	Սիրո մակույկը	The Love Boat	Քերոլ Սթենտոն
1977	Կրկնակի սպանություն	Doppio delitto	արքայադուստր Դել'Օրսո
1978	Հինգերորդ հրացանակիրը	The Fifth Musketeer	Լուիզա դե լա Վալիեր
1978	Մարդակերների աստվածը	La montagna del dio cannibale	Սյուզեն Սթիվենսոն
1979	Վայրի անկողիններ (Վագրեր շրթներկում)	Letti selvaggi	-
1981	Տիտանների ճակատամարտը	Clash of the Titans	Աֆրոդիտե
1982	Կարմիր զանգեր. Ֆիլմ 1. Մեքսիկան կրակի մեջ	Красные колокола. Фильм 1. Мексика в огне (Red Bells Part I – Mexico on Fire)	Մեյբլ Դոջ
1985	Ազատություն, հավասարություն, թթու կաղամբ	Liberté, égalité, choucroute	Մարի Անտուանետ
1986	Պետրոս Մեծ	Peter the Great	Աթալիա
1988	Պրոֆեսոր. Դիվա	Big Man: Diva	Սյուզի Կամինսկի
1989	Միայնակ ընդդեմ մաֆիայի. Սպանություն չինական թաղամասում	Man Against the Mob: The Chinatown Murders	Բեթի Սթար
1990	Դասակարգային ապագա	Klassäzämekunft	Ագնես
1993	Ֆանտագիրո կամ ոսկե վարդի քարանձավը 3	Fantaghirò 3	Քսելեսիա
1994	Ֆանտագիրո կամ ոսկե վարդի քարանձավը 4	Fantaghirò 4	Քսելեսիա

Ծանոթագրություններ

1. filmportal.de — 2005.
2. FemBio տվյալների շտեմարան (գերմ.)
3. Roglo — 1997. — ed. size: 10000000
4. Deutsche Nationalbibliothek Record #136336647 // Gemeinsame Normdatei (գերմ.) — 2012—2016.

Գրականություն

• Michael Marti, Peter Wälty: James Bond und die Schweiz. Basel 2008, ISBN 978-3-905800-20-3.
• Michael Scheingraber: Die James-Bond-Filme. Hrsg. von Joe Hembus. Goldmann, München 1979, 220 S. (Goldmann Magnum; 10203) (Citadel-Filmbücher) ISBN 3-442-10203-0.
• Graham Rye: Die James-Bond-Girls. [von Dr. No bis Goldeneye]. Übersetzung: Walther Wuttke. Heel, Königswinter 1995, 70 S., ISBN 3-89365-478-X. (Einheitssachtitel: The James Bond girls)
• Sven Siedenberg: Do you remember? Kleines Album vergessener Helden.Deutscher Taschenbuch-Verlag, München 2005, 139 S. (dtv 20839), ISBN 3-423-20839-2.
• Susanna von Werra: Berühmte Persönlichkeiten, Band I: 100 zeitgenössische Filmschauspieler und Filmschauspielerinnen. Lebensläufe und Horoskope; Band II: 100 Regisseure und klassische Filmschauspieler und Filmschauspielerinnen. Lebensläufe und Horoskope. Edition Astrodate, Wettswil (Schweiz) 1989, 450 Seiten.

Արտաքին հղումներ

• Werke von und über Ursula Andress Արխիվացված 2016-03-15 Wayback Machine im Katalog der Schweizerischen Nationalbibliothek

Վիքիպահեստն ունի նյութեր, որոնք վերաբերում են «Ուրսուլա Անդրես» հոդվածին։