Ուորեն (Միչիգան)
From Wikipedia, the free encyclopedia
Ուորեն (անգլ.՝ Warren), նավահանգստային քաղաք ԱՄՆ-ում՝ Միչիգան նահանգի Մաքոմ շրջանում, որի վարչական կենտրոնն ու խոշորագույն բնակավայրն է։ 2010 թվականի տվյալներով բնակչության թվաքանակը եղել է 134 056[2], 2020 թվականի տվյալներով՝ 139.387[3]. այդ ցուցանիշով Ուորենը երրորդ տեղն է գրավում Միչիգան նահանգում[4]։ Քաղաքը Դեթրոյթի արվարձանն է, ընկած է Հուրոն և Էրի լճերը միացնող նեղուցի ափին, զբաղեցնում է 89,18 քառակուսի կիլոմետր տարածք[4]։
Բնակավայր | ||
---|---|---|
Ուորեն | ||
Երկիր | ԱՄՆ | |
Հիմնադրված է | 1830 թ. | |
Մակերես | 89,243689 կմ², 89,243681 կմ² | |
ԲԾՄ | 191±1 մետր | |
Բնակչություն | ▲139 387 մարդ (ապրիլի 1, 2020)[1] | |
Հեռախոսային կոդ | 586 | |
Պաշտոնական կայք | cityofwarren.org(անգլ.) | |
| ||
Ուորենում գործում են մի շարք խոշոր ընկերություններ, այդ թվում՝ General Motors Technical Center-ը, ԱՄՆ-ի բանակի Դեթրոյթի զինանոցը, TACOM Life Cycle Management Command-ը, Tank Automotive Research, Development and Engineering Center-ը (TARDEC)[5], Big Boy Restaurants International-ը, Asset Acceptance-ը։
1940—1941 թվականներին քաղաքի մերձակա ամայուտում 138 հեկտարի վրա կառուցվել ու շահագործման է հանձնվել Դեթրոյթի տանկաշինական գործարանը, որը շուտով դարձել է խոշորագույն տանկաշինական ձեռնարկությունը աշխարհում (հենց այդ գործարանի տարածքում էլ գտնվել է ԱՄՆ-ի բանակի ավտո-զրահատանկային գլխավոր վարչությունը՝ TACOM-ը), և Ուորենը «աշխարհի տանկային մայրաքաղաքի» հռչակ է ձեռք բերել[6]։ Երկրորդ համաշխարհային պատերազմի տարիներին այդ գործարանն ավելի շատ տանկ է արտադրել, քան ֆաշիստական Գերմանիայի ամբողջ տանկաշինական արդյունաբերությունը[7]։