![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5c/Gray1043.png/640px-Gray1043.png&w=640&q=50)
Որդանման ելուն
Կույր վերջացող խողովակ, որը կապված է որդանման ելունի հետ, ինչից որ այն առաջանում է սաղմնային զարգացման ընթացքում / From Wikipedia, the free encyclopedia
Որդանման ելուն, ապենդիքս (լատիներեն appendix), կրծողների մեծ մասի, որոշ գիշատիչների, կիսակապիկների, կապիկների և մարդու կույր աղիքի հավելված։ Որդանման ելունը ծագում է կույր աղիքի միջային ետին երեսից, զստակույրաղիքային անցքից մի փոքր ներքև։ Հասուն մարդու որդանման ելունի երկարությունը 8-10 սմ է, երբեմն՝ 28 սմ, լուսանցքի տրամագիծը՝ 4-5 մմ։ Բարակ աղիք ենթալորձային շերտը հարուստ է լիմֆոիդ հյուսվածքով, ունի միջընդերք, նյարդեր և արյունատար անոթներ։ Որդանման ելունի ֆունկցիան և նշանակությունը քիչ են ուսումնասիրված։ Լորձաթաղանթը հարուստ է ավշային ֆոլիկուլներով,որոնք պայմանավորում են որդանման ելունի մասնակցությունը իմունիտետի ձևավորմանը (այստեղից է գալիս «որովայնի նշիկ» հասկացությունը)։ Որդանման ելունը ներորովայնամզային օրգան է, ունի միջընդերք,որի պատճառով շարժուն է և կարող է գրավել տարբեր դիրքեր Որդանման ելունը ֆիքսված չէ, և դիրքը կախված է կույր աղիքի տեղադրությունից։ Բարձրադիրք կույր աղիքի դեպքում որդանման ելունը երբեմն կպած է լինում լյարդին։ Որդանման ելունը անոթավորվում է զստախթաղիքային զարկերակի ճյուղերով, նյարդավորվում՝ միջընդերային հյուսակով։ Հիվանդություններից առավել հաճախ հանդիպում է որդանման ելունի բորբոքումը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 643)։ ![]() |
![](http://upload.wikimedia.org/wikipedia/commons/thumb/5/5c/Gray1043.png/320px-Gray1043.png)
![](http://upload.wikimedia.org/wikipedia/commons/thumb/6/6d/Appendix_%28PSF%29.png/320px-Appendix_%28PSF%29.png)
![]() |
Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ Այս նշումը հարկավոր է փոխարինել համապատասխան թեմատիկ նշումով։ |