From Wikipedia, the free encyclopedia
Յուլեմիստե (էստ․՝ Ülemiste järv), լիճ Տալլինի արվարձանում։ XIV դարից լիճը քաղաքի համար ծառայում է որպես խմելու ջրի աղբյուր։ 2005 թվականի տվյալներով՝ ջրի միջին օգտագործումը օրական կազմում է 60 829 մ³: Յուլեմիստե լիճը սնվում է հիմնականում Կուրնա և Պիրիտա գետերի ջրերով։
Յուլեմիստե էստ․՝ Ülemiste järv | ||
![]() | ||
Կոորդինատներ | ||
Տեղագրություն | Էստոնիա | |
Երկիր | Էստոնիա | |
Վարչատարածքային բաժանում | Հարյումաա | |
Հայելու բացարձակ բարձրությունը | 35,7 մ | |
Երկարություն | 4,1 կմ | |
Լայնություն | 3,2 կմ | |
Ավազանի մակերեսը | 9,6 կմ² | |
Ջրափնյա գծի երկարությունը | 15,2 կմ | |
Ամենամեծ խորությունը | 4,2 մ | |
Միջին խորությունը | 2,5 մ | |
Պարզությունը | 0,5 մ | |
Թափվող գետերը | Պիրիտա, Կուրնա | |
Սկիզբ առնող գետերը | Հարյապեա | |
Յուլեմիստե լճի մոտ են տեղակայված Տալլինի օդանավակայանն (լճի արևելյան կողմում) ու Ülemiste առևտրի կենտրոնը։ 2010 թվականի մարտի 18-ին DHL ընկերության Antonov An-26 ինքնաթիռը վթարային վայրէջք է կատարել լճի սառույցի վրա, և 1,5 տոննա վառելանյութ թափվել է լճի մեջ։ Սակայն ինքնաթիռի 6 հոգանոց անձնակազմը ժամանակին տարհանվել է, և ոչ ոք չի տուժել[1][2][3]։
Յուլեմիստե լճում բնակվում են տարբեր տեսակի ձկներ, այդ թվում՝ օձաձկներ, որ այդտեղ են բերվել 1986 թվականին։ Գիշատիչ ձկները կազմում են լճում բնակվող ձկների 5%-ը։
Ըոստ էստոնական լեգենդների՝ Յուլեմիստե լիճն առաջացել է Լինդայի արցունքներից, որը, նստելով մեծ գլաքարի վրա, ողբացել է իր ամուսնու՝ դյուցազուն Կալևի մահը։
Լայն տարածում ունի նաև Յուլեմիստեի ծերունու մասին (էստ․՝ Ülemiste vanake) լեգենդը։ Իրեն հանդիպած բոլոր մարդկանց նա հարցնում է. «Տալլինի կառուցումն ավարտվե՞ց»։ Եթե ինչ-որ մեկը պատասխանի, թե ավարտվել է, ապա, լեգենդի համաձայն, Յուլեմիստե լիճը կբարձրանա՝ ծածկելով քաղաքը։ Այդ պատճառով էլ Տալլինի շինարարական աշխատանքները երբեք չպիտի դադարեցվեն։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.