From Wikipedia, the free encyclopedia
Յոհաննես Շմիդտ (գերմ.՝ Johannes Schmidt, հուլիսի 29, 1843[1][2][3], Պրենցլաու, Բրանդենբուրգ, Գերմանիա[4] - հուլիսի 4, 1901[1][2], Բեռլին, Գերմանական կայսրություն[4]), գերմանացի լեզվաբան։ Բանասիրական գիտությունների դոկտոր (1865)։ Գրացի (1873 թվականից) և Բեռլինի (1876 թվականից) համալսարանների պրոֆեսոր։ Պետերբուրգի ԳԱ արտասահմանյան թղթակից անդամ (1892 թվականից)։ Աշակերտել է Ա․ Շչայխերին։ Հայտնի է հնդեվրոպական լեզուների տարածման իր ալիքների տեսությամբ, որ առաջադրել է Ա․ Շլայխերի -«տոհմածառի» սխեմայի փոխարեն։ Շմիդտը գտնում էր, որ հնդեվրոպական լեզուները փոխկապակցված են մեկից մյուսն անցնող լեզվական երևույթների ցանցով, և յուրաքանչյուր լեզու կապող օղակ է աշխարհագրականորեն հարևան լեզուների միջև։ Հնդեվրոպական հիմք լեզուն նույնպես եղել է բարբառային երևույթների մի ցանց, որի աստիճանական ծավալումով առաջացել են պատմականորեն հայտնի հնդեվրոպական լեզուները։ Այդ զարգացումը կարելի է պատկերացնել ջրի ալիքների կենտրոնից գնալով թուլացող համակենտրոն օղակների ձևով։ Շմիդտը հայերենը տեղադրել է թրակա-փռյուգական և հնդիրանական լեզուների միջև։ Նրա տեսության կարևոր սկզբունքներն ընկած են հնդեվրոպական տարածքային լեզվաբանության հիմքում։ Շմիդտը հնդեվրոպական հաշվման համակարգի ուսումնասիրությամբ գալիս է այն եզրակացության, որ հնդեվրոպացիները հարևան են եղել սեմիտներին, հետևաբար՝ նրանց նախահայրենիքը պետք է գտնված լինի Փոքր Ասիայում։ 80-ական թվականներից հարել է երիտերականների դպրոցին։
Յոհաննես Շմիդտ Johannes Schmidt | |
---|---|
![]() | |
Ծնվել է | հուլիսի 29, 1843[1][2][3] Պրենցլաու, Բրանդենբուրգ, Գերմանիա[4] |
Մահացել է | հուլիսի 4, 1901[1][2] (57 տարեկան) Բեռլին, Գերմանական կայսրություն[4] |
Գերեզման | Կայսեր Վիլհելմի հուշատակ գերեզման |
Քաղաքացիություն | ![]() |
Մասնագիտություն | լեզվաբան, համալսարանի դասախոս և բանասեր |
Հաստատություն(ներ) | Բոննի համալսարան, Գրացի համալսարան և HU Berlin |
Գործունեության ոլորտ | լեզվաբանություն[5], բանասիրություն[5], հնդեվրոպական լեզուներ[5], համեմատական լեզվաբանություն[5] և սանսկրիտ[5] |
Անդամակցություն | Պրուսիայի գիտությունների ակադեմիա, Բավարիական գիտությունների ակադեմիա, Ռուսաստանի գիտությունների ակադեմիա, Սանկտ Պետերբուրգի գիտությունների ակադեմիա, Կոստանդնուպոլսի հելլենիստական բանասիրության միություն և Bonner Burschenschaft Frankonia?[6] |
Ալմա մատեր | Բոննի համալսարան և Ենայի համալսարան |
Գիտական աստիճան | բանասիրական գիտությունների դոկտոր |
Տիրապետում է լեզուներին | գերմաներեն[1][5][7] |
Եղել է գիտական ղեկավար | Ernst Fraenkel? |
![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.