բույսերի տեսակ From Wikipedia, the free encyclopedia
Մակարդախոտ իսկական (լատին․՝ Galium verum), տորոնազգիների ընտանիքին պատկանող դեղաբույս։
| Մակարդախոտ իսկական | |
 Մակարդախոտ իսկական | |
| Դասակարգում | |
| Թագավորություն | Բույսեր (Plantae) |
| Վերնաբաժին | Բարձրակարգ բույսեր (Embryophytes) |
| Տիպ/Բաժին | Անոթավոր բույսեր (Tracheophytes) |
| Ենթատիպ | Սերմնավոր բույսեր (Spermatophytes) |
| Կարգ | Բոգածաղկավորներ (Gentianales) |
| Ընտանիք | Տորոնազգիներ (Rubiaceae) |
| Ցեղ | Մակարդախոտ (Galium) |
| Տեսակ | Մակարդախոտ իսկական (G. verum) |
| Միջազգային անվանում | |
| Galium verum | |
Ուղիղ բարձրացող ցողուններով, 30-60 սմ բարձրությամբ բազմամյա խոտաբույս է։ Հանգույցներում փնջաձև դասավորված են նեղ գծային տերևները։ Տերևների վերին մակերեսը մուգ կանաչ է, փայլուն, ստորինը՝ թավոտ։ Բազմածաղիկ կիսահովանոցներում հավաքված մանր, հաճելի մեղրահոտով ծաղիկները կազմում են հուրանաձև ծաղկաբույլեր։ Բաժակը բացակայում է, չորս պսակաթերթիկները վառ դեղին են, բութ բլթակներով։ Հարթ պտուղը բաժանվում է երկու կեսի[1]։
Աճում է անտառներում, թփուտներում, տափաստաններում միջին լեռնային և մերձալյան գոտիներում։ Հանդիպում է բուլոր մարզերում։ Մեղրատու բույս է[1]։
Բուժական նպատակներով օգտագործում են վերգետնյա մասը ծաղկման շրջանում և կոճղարմատները։ Կումարինի հաճելի հոտ ունեցող բույսը, որը պարունակում է դաբաղանյութեր, սապոնիններ, օրգանական թթուներ, միկրոտարրեր, ունի արյունահոսությունը դադարեցնող, լուծողական, ցավազրկող, լեղամուղ և միզամուղ ազդեցություն[1]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
