![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8a/Ossttapp.jpg/640px-Ossttapp.jpg&w=640&q=50)
Հակահերոս
From Wikipedia, the free encyclopedia
Հակահերոս, գրական կերպար, որը զուրկ է հերոսական գծերից (ինչպիսիք են իդեալիզմը, քաջությունը և բարոյականությունը[1][2][3][4][5]) կամ օժտված է ակնհայտ բացասական գծերով, բայց չնայած դրան՝ կենտրոնական դիրք է զբաղեցնում գրական կամ այլ ստեղծագործության մեջ[6]։ Հակահերոսին մոտ հասկացություններ են տրիկստերը և բայրոնյան հերոսը[7]։
![Thumb image](http://upload.wikimedia.org/wikipedia/commons/thumb/8/8a/Ossttapp.jpg/640px-Ossttapp.jpg)
Հակահերոսը չի նույնանում չարագործի կամ անտագոնիստի՝ պրոտագոնիստի հակառակորդի հետ։ Դրական գծերով օժտված չարագործին երբեմն անվանում են հակաչարագործ[8]։ Չնայած նրան, որ հակահերոսը երբեմն կարող է կատարել գործողություններ, որոնք բարոյապես ճիշտ են, միշտ չէ, որ դա ունենում է ճիշտ դրդապատճառներ, հաճախ նա գործում է հիմնականում անձնական շահերից ելնելով կամ վարվում է այնպես, ինչը դեմ է ընդհանուր ընդունված էթիկայի կանոններին[9]։