![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Haanja_Upland.jpg/640px-Haanja_Upland.jpg&w=640&q=50)
Հաանյա (բարձրավայր)
From Wikipedia, the free encyclopedia
Հաանյա բարձրավայր (էստ․՝ Haanja kõrgustik), Էստոնիայի հարավ-արևելքում գտնվող բարձրավայրերից։ Երկրի «ամենաբարձր» բարձրավայրն է։ Կրում է նույն անունը ինչ և այստեղ գտնվող Վիրումաա նահանգի Հաանյա շրջանը և Հաանյա գյուղը։ Այս բարձրավայրում է գտնվում Էստոնիայի և ամբողջ Մերձբալթիկայի ամենաբարձր կետը՝ 318 մ ծովի մակերևույթից, Սուուռ Մունամյագի (էստ․՝ Suur-Munamägi) սարը[1][2][3]։
Անվան այլ կիրառումների համար տե՛ս՝ Հաանյա (այլ կիրառումներ)
![Thumb image](http://upload.wikimedia.org/wikipedia/commons/thumb/5/5e/Haanja_Upland.jpg/640px-Haanja_Upland.jpg)
Հաանյա բարձրավայրի հարավային մասը մասնակիորեն անցնում է Լատվիայի տարածք, որտեղ անվանվում է Ալուկսենյան բարձրավայր։ Լատվիական մասի առավելագույն բարձրության կետն ունի 271, 5 մ ծովի մակերևույթից՝ Դելինկալնս (լատիշ․՝ Dēliņkalns) բլուր։ Բարձրավայրի հարավարևելյան մասը գտնվում է Ռուսաստանի Պսկովի մարզի Պեչորսկի շրջանի տարածքի մեջ, այսպիսով այս բարձրավայրում է գտնվում երեք երկրների սահմանների հատման կետը[2]։
Հաանյա բարձրավայրի վրա գտնվող այլ բարձր կետերից են Վալամյագին (էստ․՝ Vällamägi, 304 մ), Կեռեկունուն (էստ․՝ Kerekunnu 296 մ) և Ցյալբամյագի (էստ․՝ Tsälbamägi 293 մ)։ Բարձրավայրից սկիզբ են առնում մի քանի գետեր, որոնք հոսում են երեք տարբեր ուղղություներով՝ Չուդյան լիճ, Պսկովյան լիճ և Ֆիննական ծոց[2]։