Կիրկենես
From Wikipedia, the free encyclopedia
From Wikipedia, the free encyclopedia
Կիրկենես (նորվ.՝ Kirkenes, ֆիններեն՝ Kirkkoniemi), քաղաք Նորվեգիայի հյուսիսարևելյան հատվածում։ Այն գտնվում է Ֆինմարկ Ֆյուլքեի կազմի մեջ՝ մոտավորապես 8 կմ ռուս-նորվեգական պետական սահմանից հեռավորության վրա։ Քաղաքի տարածքը կազմում է 2,17 կմ² է, իսկ բնակչությունը, ըստ 2015 թվականի հունվարի 1-ի դրության, 3538 մարդ։
Բնակավայր | ||
---|---|---|
Կիրկենես | ||
Երկիր | Նորվեգիա | |
Համայնք | Սյոր-Վարանգեր | |
Հիմնադրված է | 1826 թ. | |
Մակերես | 2,15 կմ², 2,15 կմ² | |
ԲԾՄ | 9±1 մետր | |
Պաշտոնական լեզու | բուկմոլ | |
Բնակչություն | ▲3531 մարդ (նոյեմբերի 4, 2019)[1] | |
Ժամային գոտի | UTC+1 | |
Պաշտոնական կայք | svk.no | |
| ||
Մինչև 1826 թվականի մայիսի 14-ը Կիրկենեսը գտնվում էր Ֆելլեդսդիստրիկտի կազմի մեջ, որը Շվեդ-նորվեգական միության և Ռուսական կայսրության կոնդոմինիումի մաս էր կազմում։ Դրանից հետո, գրեթե բոլոր վիճելի տարածքներն անցան Շվեդիային։
Երկրորդ համաշխարհային պատերազմի տարիներին քաղաքը ենթարկվել է ավիացիայի հոծախումբ հարձակման։ Ընդհանուր առմամբ քաղաքի վրա 320 ավիահարձակումներ եղան։ 1944-1945 թվականներին Կիրկենեսի գլխավոր պարեկի տեղակալն էր հետագայում հայտնի դարձած արևելագետ Իգոր Դյակոնովը։ 1990-ական թվականներին վերջինիս շնորհեցին Կիրկենեսի պատվավոր քաղաքացու կոչում։
Կիրկենեսը գտնվում է Նորվեգիայի ծայր հյուսիս-արևելքում, գրեթե 400 կմ հյուսիսային բևեռային շրջագծից հյուսիս։ Քաղաքը գտնվում է Վարանգեր ֆյորդ-ի բազուկներից մեկի վրա, Ռուսաստանի Դաշնության հետ պետական սահմանից ոչ հեռու։
Բևեռային օրը Կիրկենեսում շարունակվում է մայիսի 17-ից մինչև հուլիսի 21-ը։ Իսկ բևեռային գիշերը՝ նոյեմբերի 21-ից հունվարի 21-ը։ Չնայած ծայրամասային դիրքին, քաղաքի կլիման անցողիկ է՝ հիմնականում մայրցամաքային։ Միջին ամսական ջերմաստիճանը տատանվում է −11,5 °C հունվարին և 12,6 °C հուլիսին։ Տարեկան միջին տեղումների քանակը մոտավորապես 450 մմ է։ Երբևիցե գրանցված ամենացածր ջերմաստիճանը կազմել է -41 °C, իսկ ամենաբարձր ջերմաստիճանը՝ 32,7 °C: Ամենաբարձր միջին ամնսական ջերմաստիճանը նկատվել է 2004 թվականի հուլիսին. այն կազմել է 16,9 °C[2][3]:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.