From Wikipedia, the free encyclopedia
Կիմ Յոն Նամ (հանգըլ՝ 김영남, հանջա՝ 金永南, փետրվարի 4, 1928, Փհենյան, Կորեան Ճապոնիայի տիրապետության տակ, Ճապոնական կայսրություն, Ճապոնիա), Կորեայի գլխավոր նահանգապետություն, Ճապոնական կայսրություն, Կորեայի Ժողովրդադեմոկրատական Հանրապետության պետական և քաղաքական գործիչ, 1978 թվականից՝ Կորեայի աշխատավորական կուսակցության Քաղ բյուրոյի Կենտրոնական կոմիտեի անդամ, 1998 թվականից՝ Կորեայի Ժողովրդական բարձրագույն ժողովի նախագահ։
Կիմ Յոն Նամ | |
Կուսակցություն՝ | Կորեայի աշխատավորների կուսակցություն |
---|---|
Կրթություն՝ | Կիմ Իլ Սոնգի համալսարան, Ռոստովի պետական համալսարան և Տոմսկի պետական համալսարան |
Մասնագիտություն՝ | քաղաքական գործիչ և դեսպան |
Ծննդյան օր | փետրվարի 4, 1928 (96 տարեկան) |
Ծննդավայր | Փհենյան, Կորեան Ճապոնիայի տիրապետության տակ, Ճապոնական կայսրություն, Ճապոնիա |
Քաղաքացիություն | ԿԺԴՀ |
Հայր | Կիմ Թեկ Սե |
Ինքնագիր | |
Պարգևներ | |
Ծնվել է 1928 թվականի փետրվարի 4–ին՝ Փհենյանում՝ ծառայողի ընտանիքում։ Ստացել է բարձրագույն կրթություն։ Կորեայի աշխատավորական կուսակցության անդամ է 1946 թվականից։
1944-1945 թվականներին եղել է գյուղական դպրոցի ուսուցիչ։ 1946-1952 թվականներին Տոմսկի պետական համալսարանի պատմական ֆակուլտետի ուսանող է եղել, հետո սովորել է Ռոստովի պետական համալսարանում։ 1957-1959 թվականներին ԽՄԿԿ Կենտրոնական կոմիտեի ասպիրանտ։ 1963-1967 թվականներին ԿԺԴՀ արտաքին գործերի նախարարի տեղակալ։ 1967 թվականից կառավարչի տեղակալ, 1972 թվականից՝ Կորեայի աշխատավորական կուսակցության միջազգային բաժնի կառավարիչ։ 1970 թվականից՝ Կորեայի աշխատավորական կուսակցության կենտկոմի անդամ, 1974 թվականից՝ կուսակցության բյուրոյի անդամ, Կենտրոնական կոմիտեի քարտուղար, 1978 թվականից Կորեայի աշխատավորական կուսակցության քաղբյուրոյի անդամ[3][4], 1983 թվականի դեկտեմբերից մինչև 1998 թվականի սեպտեմբերից ԿԺԴՀ վարչապետի վարչական խորհրդի տեղակալ, ԿԺԴՀ արտաքին գործերի նախարար[5]։ 1998 թվականի սեպտեմբերի 5–ից զբաղեցրել է ԿԺԴՀ Գլխավոր Ազգային ժողովի նախագահի պաշտոնը, սահմանադրության համաձայն հանդիսացել է պետության բարձրագույն պաշտոնատար անձ։ 2014 թվականի ԿԺԴՀ 13–րդ գումարման խորհրդարանական ընտրությունների ժամանակ, որը տեղի է ունեցել 2014 թվականի մարտի 9–ին, վերընտրվել է Ազգային ժողովի պատգամավոր և Ազգային ժողովի նախագահ։ ԿԺԴՀ Ազգային ժողովի V-XIII–րդ գումարման պատգամավոր է։
Պարգևատրվել է Պետական դրոշի առաջին աստիճանի շքանշանով։
2012 թվականի փետրվարի 9–ից Գերագույն Ազգային ժողովի նախագահության հրամանով այլ պաշտոնատար անձանց հետ պարգևատրվել է Կիմ Չեն Իրի շքանշանով[6]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.