Կամենց

Կամենց (գերմ.՝ Kamenz, German: [[Միջազգային հնչյունական այբուբեն|[ˈkaːmɛnt͡s]]] ( )) կամ Kamjenc (Sorbian, Upper Sorbian: Kamjenc), քաղաք Գերմանիայում՝ Սաքսոնիա երկրամասի Բաուտցենի շրջանում։ Ընկած է երկրամասի մայրաքաղաքից՝ Դրեզդենից դեպի հյուսիս-արևելք, Շվարցե Էլստեր գետի ափերին։ Ենթակա է Դրեզդենի վարչական շրջանին։ Արևմտյան Լուժիցայի խոշոր և կարևոր բնակավայրերից է։ Զբաղեցնում է 98,3 կն² տարածք։ 2020 թվականի դեկտեմբերի 31-ի տվյալներով բնակչության թվաքանակը եղել է 16.998^[2]: Քաղաքում, գերմաներենի հետ մեկտեղ, պաշտոնական լեզու է համարվում լուժիկերենը։ Կամենցը մտնում է «Լուժիկյան բնակմարզ» անվանումով հայտնի մշակութա-տարածքային ինքնավարության մեջ, որտեղ գործում են լուժիկյան լեզվի ու մշակույթի պահպանմանն ու զարգացմանը նպաստող օրենսդրական ակտեր՝ ընդունված Սաքսոնիա և Բրանդենբուրգ երկրամասերի օրենսդիր մարմինների կողմից^[3][4]։

Բնակավայր
Կամենց
Զինանշան
Երկիր	Գերմանիա
Համայնք	Բաուտցեն Շրջան
Մակերես	53,25 կմ²
ԲԾՄ	171 մետր
Բնակչություն	▼17 015 մարդ (դեկտեմբերի 31, 2022)[1]
Ժամային գոտի	UTC+1 և UTC+2
Հեռախոսային կոդ	03578
Փոստային դասիչ	01917
Պաշտոնական կայք	kamenz.de
Կամենց (Գերմանիա)
Կամենց Վիքիպահեստում

Կամենցի ինքնավար համայնքի պաշտոնական կոդը՝ 14 2 92 210:

Քաղաքը համբավվել է հատկապես նրանով, որ գերմանացի նշանավոր լուսավորիչ փիլիսոփա և գրող, գերմանական դասական գրականության հիմնադիր Գոթհոլդ Էֆրաիմ Լեսինգի և մանուկ Լինդբերգին առևանգելու համար դատապարտված Բրունո Հաուպտմանի ծննդավայրն է։

Պատմություն

Պատմական փաստաթղթերում բնակավայրն առաջին անգամ հիշատակվել է 1220 թվականին, «Bernhardus de Kamenz» (Բեռնարդ Կամենցացի) անձնանվան մեջ^[5]։ 1346-ից մինչև 1825 թվականը Կամենցն ընդգրկված է եղել Վեց քաղաքների միության մեջ։

Տնտեսություն

Քաղաքում գործում է հանրահայտ Daimler ընկերության կուտակիչ-մարտկոցներ թողարկող երկու գործարան^[6]։

Անվանի անձինք

Գոտհոլդ Լեսսինգ. 1767/1768

• Գոտհոլդ Լեսսինգ (1729–1781), գերմանացի նշանավոր լուսավորիչ փիլիսոփա և գրող, գերմանական դասական գրականության հիմնադիր
• Հանս Տամմ (1921–2007), երգչախմբի դիրիժոր
• Գեորգ Բազելից (ծնվ. 1938), նկարիչ
• Վոլֆգանգ Մագեր (ծնվ. 1952), թիավարող մարզիկ, օլիմպիական կրկնակի չեմպիոն

Պատկերասրահ

• 
  Կամենցի տեսքը օդանավից
• 
  Քաղաքի կենտրոնը
• 
  Կամենցի տեսքը Բաուտցներ Բերգ սարից
• 
  Լեսինգի աշտարակը
• 
  Սբ. Աննա եկեղեցին և թանգարանը
• 
  Եկեղեցու ներսում
• 
  Քաղաքապետարանը

Տես նաև

Կամենց (շրջան)

Ծանոթագրություններ

1. Alle politisch selbständigen Gemeinden mit ausgewählten Merkmalen am 31.12.2022 (գերմ.) — DESTATIS, 2023.
2. «Bevölkerung des Freistaates Sachsen nach Gemeinden am 31. Dezember 2020». Արխիվացված օրիգինալից 2021 թ․ մարտի 4-ին. Վերցված է 2021 թ․ սեպտեմբերի 9-ին.
3. Gesetz zur Ausgestaltung der Rechte der Sorben (Wenden) im Land Brandenburg (Sorben (Wenden)-Gesetz — SWG) Արխիվացված 2016-03-04 Wayback Machine от 7 июля 1994 года
4. Gesetz über die Rechte der Sorben im Freistaat Sachsen (Sächsisches Sorbengesetz — SächsSorbG) Արխիվացված 2019-03-13 Wayback Machine от 31 марта 1999 года
5. Kamenz/ Kamjenc Արխիվացված 2021-08-27 Wayback Machine, Digitales Historisches Ortsverzeichnis von Sachsen
6. «Чтобы увидеть будущее автопрома ФРГ, надо посмотреть на бывшую ГДР». Deutsche Welle. Արխիվացված օրիգինալից 2021 թ․ ապրիլի 8-ին. Վերցված է 2021 թ․ ապրիլի 8-ին.

Արտաքին հղումներ

• Համայնքապետարանի կայքէջը (Գերմաներեն)
• Kamenz at oberlausitz.com Արխիվացված 2021-10-28 Wayback Machine
• Museum of West Lusatia (Գերմաներեն)
• Lessing Museum (Գերմաներեն)
• Kamenz/ Kamjenc, Digitales Historisches Ortsverzeichnis von Sachsen

Վիքիպահեստն ունի նյութեր, որոնք վերաբերում են «Կամենց» հոդվածին։