Կաթնուկ կողմնացույցային (լատին․՝ Lactuca serriola), բարդածաղկավորների ընտանիքին պատկանող դեղաբույս։
| Կաթնուկ կողմնացույցային | |
 Կաթնուկ կողմնացույցային | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Աստղածաղկավորներ (Asterales) |
| Ընտանիք | Աստղածաղկազգիներ (Asteraceae) |
| Ենթաընտանիք | Եղերդակայիններ (Cichorioideae) |
| Տրիբա | Cichorieae |
| Ցեղ | Հազար (Lactuca) |
| Տեսակ | Կաթնուկ կողմնացույցային (L. serriola) |
| Միջազգային անվանում | |
| Lactuca serriola | |
Նկարագրություն
40-150 սմ բարձրությամբ ուղղաձիգ, ամուր, վերին մասում ճյուղավոր ցողունով թունավոր երկամյա խոտաբույս (մոլախոտ) է։ Ատամնաեզր, արմատամերձ տերևները փետրաձև կտրտված են։ Հիմքային մասում նետաձև, հերթադիր դասավորված, նստադիր տերևները ցողունագիրկ են։ Լայն, ճյուղավոր, հուրանաձև ծաղկաբույլեր կազմող գլանաձև զամբյուղներում հավաքված են դեղին, լեզվակավոր ծաղիկները։ Բազմանիստ, դարչնագույն, երկար կտուցով պտուղը նեղ, երկարավուն սերմնիկ է[1]։
Տարածվածություն
Աճում է ստորի և միջին լեռնային գոտիների թփուտներում, մարգագետիններում, ճանապարհների եզրերին, բարջարանոցներում, աղբավայրերում։ Տարածված է Հայաստանի բոլոր մարզերում[1]։
Նշանակություն
Բուժական նպատակներով օգտագործում են կանաչ զանգվածը և ծաղիկները։ Որպես վերքամոքիչ միջոց կիրառում են չորացրած և մանրացրած տերևները[1]։
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
