From Wikipedia, the free encyclopedia
Խուան Մանուել Սանտոս Կալդերոն (իսպ.՝ Juan Manuel Santos Calderón; օգոստոսի 10, 1951[1][2][3][…], Բոգոտա, Կոլումբիա), 2010 թվականի օգոստոսի 7-ից Կոլումբիայի նախագահն է, Կոլումբիայի` ազգային պաշտպանության նախկին նախարարն է։ 2016 թվականին դարձել է Խաղաղության Նոբելյան մրցանակի դափնեկիր։
Խուան Մանուել Սանտոս | |
![]() | |
Կուսակցություն՝ | Social Party of National Unity? և Կոլումբիայի լիբերալ կուսակցություն |
---|---|
Կրթություն՝ | Կանզասի համալսարան, Լոնդոնի տնտեսության և քաղաքական գիտությունների դպրոց, Հարվարդի Ջոն Ֆ. Քենեդիի անվան պետական կառավարման ինստիտուտ, Թաֆթսի համալսարան, Ֆլեթչերի իրավունքի և դիվանագիտության դպրոց, Կանզաս նահանգի համալսարան և Colegio inediluz? |
Մասնագիտություն՝ | քաղաքական գործիչ, լրագրող, տնտեսագետ և փաստաբան |
Դավանանք | կաթոլիկություն |
Ծննդյան օր | օգոստոսի 10, 1951[1][2][3][…] (72 տարեկան) |
Ծննդավայր | Բոգոտա, Կոլումբիա |
Քաղաքացիություն | ![]() |
Հայր | Enrique Santos Castillo? |
Ամուսին | María Clemencia Rodríguez Múnera? |
Կայք՝ | juanmanuelsantos.com |
Ինքնագիր | ![]() |
Պարգևներ | |
Սանտոսը հայտնի քաղաքական տոհմից է։ Նրա պապի եղբայրը՝ Էդուարդո Սանտոս Մոնտեխոն, 1938—1942 թվականներին եղել է Կոլումբիայի նախագահ, նա նաև հիմնել և խմբագրել է El Tiempo թերթը։ Նրա հայրը՝ Էնրիկե Սանտոս Կաստիլոն, զբաղվել է այդ թերթի խմբագրությամբ ավելի քան 50 տարի։ Նրա ազգական եղբայր Ֆրանսիսկո Սանտոս Կալդերոնը Ալվարո Ուրիբեյի նախագահության տարիներին եղել է փոխնախագահ։
2010 թվականին Սանտոսը դարձավ նախագահի թեկնածու։ Կոլումբիայի նախագահական ընտրությունների առաջին փուլը անցկացվել է նույն թվականի մայիսի 30-ին[9]։ Սանտոսի օգտին քվեարկել էր ընտրողների 46,5 %-ը, իսկ նրա հակառակորդ Անատանասա Մոկկուսի օգտին՝ 21,5 %: Քանի որ թեկնածուներից ոչ ոք չէր հավաքել 50 տոկոսը, հունիսի 20-ին անցկացվեց երկրորդ փուլը, որին մասնակցում էին երկու հիմնական թեկնածուները։ Այդ փուլում Սանտոսը ստացել էր 69,06 % ձայն և դարձավ նախագահ։
2014 թվականի հունիսի 15-ին վերընտրվեց և օգոստոսին 7-ին նորից զբաղեցրեց նախագահի պաշտոնը մինչև 2018 թվականը։
2016 թվականի սեպտեմբերի 16-ին խաղաղության պայմանագիր կնքեց պարտիզանական FARC խմվավորման հետ` ավարտելով երկարատև կոլումբիական քաղաքացիական պատերազմը։
2016 թվականին ստացել է խաղաղության Նոբելյան մրցանակ՝ «երկրում ավելի քան կես դար տևող քաղաքացիական պատերազմը դադարեցնելու համար»[10]։
1987 թվականին Սանտոսը ամուսնացել է երկրորդ անգամ։ Նրա առաջին ամուսնությունը ռեժիսոր և հաղորդավարուհի Սիլվիա Ամայա Լոնդոնոյի հետ էր, որը տևեց երեք տարի[11][12]։ Իր երկրորդ կնոջը՝ դիզայներ Մարիա Կլեմենսիա Ռոդրիգոս Մուներին Սանտոսը հանդիպել է այն ժամանակ, երբ El Tiempo թերթի տնօրենն էր։ Մարիան այդ ժամանակ աշխատում էր կապի և տեղեկատվության նախարարությունում, որպես քարտուղարուհի[12]։ Այդ ամուսնությունից Սանտոսը ունեցավ երեք երեխա՝ Մարտինը (ծնված՝ 1989), Մարիա Անտոնիան (ծնված՝ 1991) և Էստեբանը (ծնված՝ 1993)[13][14]:
Սանտոսը հաստատում է, որ արդեն երկար ժամանակ է, ինչ զբաղվում է տրանսցենդենտալ մեդիտացիայով[15]։ 1998 թվականին նա հանդիպել է տրանսցենդենտալ մեդիտացիայի հիմնադիր Մախարիշի Մահեշ Յոգիի հետ[16]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.