Լուիս Դարբոն Լամուրը ծնվել է Ջեյմսթաուն քաղաքում (Հյուսիսային Դակոտա), եղել է Ֆրանսիայից և Իռլանդիայից ներգաղթած Լուի Չարլզ Լամուրի և Էմիլի Դարբոն Լամուրի ընտանիքի յոթերորդ երեխան։ Լամուր ազգանունը շատ տարածված էր Հյուսիսային Դակոտայի տարածքների առաջին նվաճողների շրջանում, այնուամենայնիվ Լուիսը փոխեց իր ազգանունը այնպես, որ այն արտասանությամբ համահունչ լինի ֆրանսերեն «սեր» (ֆր.՝L’Amour) բառին։ Այնուամենայնիվ, Լամուր (ֆր.՝LaMoure, North Dakota) քաղաքը անվանվել է նրա նախնու անունով։
Նրա հայրը անասնաբույժ էր, ձիերի և շների սիրահար, ուժեղ մարզիկ։ Նա իր երեք որդիներին բռնցքամարտ է սովորեցրել։ Նրա մայրը, ով ընտանեկան օջախի պահապանն էր, հայտնի էր որպես հրաշալի ընթերցող և մեծագույն պատմող։ Ընտանիքն ուներ հարուստ գրադարան, որտեղ կար շուրջ 300 գիրք, որոնք երիտասարդ Լուիսը կարդում էր։ Նա նաև հաճախ այցելում էր քաղաքային գրադարան։ Լուիս Լամուրի պատմելով՝ իր վրա ամենամեծ ազդեցություն են թողել պատմական արկածային վեպերը, որոնց հեղինակը բրիտանացի գրող Ջորջ Ալֆրեդ Գենտին (անգլ.՝ G. A. Henty) էր։ Ինչպես ավելի ուշ Լամուրն ասել է «...նրա գրքերը թույլ տվեցին ինձ գնալ դպրոց պատերազմների և քաղաքականության մասին ունեցած գիտելիքների այնպիսի հարուստ պաշարով, որոնց անգամ իմ ուսուցիչները չէին տիրապետում»։ 20-ական թվականները ծանր ժամանակաշրջան էին Լամուր ընտանիքի համար, և չցանկանալով բեռ լինել հարազատների համար՝ 1923 թվականին Լուիսը լքեց հայրական տունը և մեկնեց հարավ-արևմուտք։
Լամուրի առաջին հրատարակված աշխատանքը «Տղան, ով արժանի էր դրան» բանաստեղծությունն էր, որը հայտնվեց իր հարազատ քաղաքի՝ «Ջեյմսթաուն Սան» թերթում։ 30-ականների սկզբներին Լամուրը գրեց մի քանի բանաստեղծություններ և հոդվածներ փոքր տպաքանակ ունեցող ամսագրերի համար։ Հրապարակման հարյուրավոր մերժումներից հետո՝ 1935 թվականի հոկտեմբերին, «Իրական ավազակային կյանք» ամսագրում լույս տեսավ առաջին պատմությունը՝ «Ամեն ինչ ընկերոջ համար»։ Լամուրը ամսագրերի համար շարունակեց գրել մինչև 30-ականների վերջ։ 1938 թվականին Լամուրը վերադարձավ ընտանիք, որն այդ ժամանակ տեղափոխվել էր Օկլահոմա նահանգի Չոկտա քաղաք։ Լուիս Լամուրի հրապարակած առաջին արկածային աշխատանքը՝ «Քաղաքը, որտեղ որ մի հրացան չէր կարող հանդարտվել», հայտնվեց «Նոր արևմտյան հանդես» ամսագրում՝ 1940 թվականին։
Երկրորդ համաշխարհային պատերազմի բռնկումից առաջ Լուիս Լամուրը փորձեց ապագա գրողի համար արժեքավոր մի շարք մասնագիտություններ։ Տեխասում նա կենդանիրներ վարժեցնող էր, նավաստի՝ ծովային առևտրում։ Այդ ընթացքում նա եղել է Անգլիայում, Ճապոնիայում, Չինաստանում, Բոռնեոյում, Արևելյան Հնդկաստանում, Եգիպտոսում, Պանամայում և Արաբական երկրներում։ Նա պրոֆեսիոնալ բռնցքամարտիկ էր, նավահանգստային բեռնակիր, փղեր վարժեցնող, մրգեր հավաքող, ոսկի փնտրող։
Լուիս Լամուրը 1942 թվականի ամռան վերջին զորակոչվեց ԱՄՆ բանակ։ «Երիտասարդ զինվոր» դասընթացն ավարտելուց հետո նրան ուղարկեցին սպաների պատրաստման դասընթացների, իսկ հետո՝ տանկի կործանիչների դպրոց։ Մարտական ստորաբաժանում ուղարկվելուց առաջ նա ստացավ նոր կարգադրություն։ Քանի որ տարիքը թույլ չէր տալիս (այդ ժամանակ նա 35 տարեկան էր) գնալ առաջնագիծ, Լամուրին տեղափոխեցին Անգլիայի տարածքում գտնվող տրանսպորտային ստորաբաժանում։ Երկրորդ լեյտենանտի կոչումով նա հրամանատարում էր տանկիստների մի խմբի, որոնք Ֆրանսիայում և Գերմանիայում անցկացվող բոլոր ռազմական գործողությունների ընթացքում վառելիք էին ապահովում դաշնակիցների ինքնաթիռների և տանկերի համար։ Հայրենիք վերադառնալուց հետո նրան շնորհեցին առաջին լեյտենանտի կոչում, և նա որոշ ժամանակ կարողացավ ղեկավարել ընկերությունը։
Երկրորդ համաշխարհային պատերազմից հետո Լուիս Լամուրը շարունակեց համագործակցել ամսագրերի հետ։ Ապամոնտաժումից հետո՝ 1946 թվականի ապրիլին, «Արևմտյան ժամանակ» ամսագրում, առաջինը հայտնվեց «Անապատի մասին օրենքը» աշխատանքը։ Արևմտյան գրող դառնալու մտադրությամբ Լուիս Լամուրը բնակություն հաստատեց Լոս Անջելեսում, չնայած որ նա նաև փորձեց գրել դետեկտիվ վեպ։ 1946-1950-ական թվականներին նա հրատարակեց բազմաթիվ պատմվածքներ։ 1951 թվականին Նյու-Յորքում իր անունով նա հրատարակեց իր առաջին՝ «Հոսանք դեպի Արևմուտք» վեպը։ 1950-1954 թվականների ընթացքում, Թեքս Բյորնս կեղծանունով, նա հրատարակել է Հոփալոնգ Կեսսիդիի մասին չորս գիրք, օգտագործել է նաև Ջիմ Մայո կեղծանունը՝ «Դեղին կոճակը» (1953) և «Յուտա Բլեյն» (1954) գրքերը հրատարակելու համար։ 1952 թվականին «Քոչիզի շնորհը» կարճ պատմությունը գրավեց Ջոն Ուեյնին, ով Ռոբերտ Ֆելոուզի հետ 4000 դոլարով իրավունք ստացավ այն էկրանավորելու։ Լուիս Լամուրը իրեն իրավունք վերապահեց սցենարի գրական խմբագրման, որը հետագայում վերածվեց «Հոնդո» վեպի, իսկ անուհետև Ջոն Ուեյնի համանուն ֆիլմի՝ գլխավոր դերում[8]։ Մինչև 1981 թվականը Հոնդոյի վաճառքը հասավ մինչև 2.300.000-ի և մինչ օրս աճում է։
Հետպատերազմյան տարիներին Լուիս Լամուրը թողարկել է մեծ թվով աշխատանքներ՝ ինչպես իր անունով, այնպես էլ կեղծանունների ներքո։ Բացի դրանից՝ նա նաև վերաշարադրել և վերանայել է իր վաղ պատմություններից շատերը։
1982 թվականին Լուիս Լամուրին շնորհվել է Կոնգրեսի ոսկե մեդալ, իսկ 1984-ին ԱՄՆ նախագահ Ռոնալդ Ռեյգանը նրան շնորհել է Ազատության մեդալ։ Լուիս Լամուրը հանդիսանում է Հյուսիսային Դակոտայի մրցանակակիր։
1972 թվականին, ի նշան գրական արժանիքների և ծավալած հասարակական գործունեության, Ջեյմսթաուն քոլեջի կողմից Լուիս Լամուրին շնորհվել է Ջեյմսթաուն քոլեջի պատվավոր դոկտորի աստիճան։
Ամերիկայի գրողների միություն (Արևմուտք)
Ամերիկայի վեսթերն ժանրի գրողներ
Կինոարվեստի և գիտությունների ակադեմիա
Արդյունաբերական և կիրառական մաթեմատիկայի ամերիկյան հասարակություն
Կալիֆորնիայի գիտությունների ակադեմիա
Կալիֆորնիայի գրողների միություն
Լուիս Լամուրը մահացել է թոքերի քաղցկեղից՝ 1988 թվականի հունիսի 10-ին և թաղվել Կալիֆորնիա նահանգի Փայտե մարգագետիններ հուշահամալիրի գերեզմանատանը։ Նրա ինքնակենսագրության մասին աշխատանքը՝ «Թափառող մարդու կրթություն», լույս է տեսել հեղինակի մահից հետո՝ 1989թվականին։ Այն մանրամասն ներկայացնում է Արևմուտքում նրա քոչվոր կյանքը։
Լուիս Լամուրը կյանքից հեռացել է՝ զբաղվելով իր սիրելի գործով։ Նա Կոլորադոյի իր ագարակում գրելիս է եղել հերթական վեպը։ Այդ ագարակը նա գնել էր տեղի ընտանիքից և ժամանակի ընթացքում պատրաստվում էր այն վերածել Վայրի Արևմուտք քաղաքի կրկնօրինակին, որը կծառայեր որպես նկարահանումների վայր և կգրավեր զբոսաշրջիկներին։ Ցավոք սրտի, Լուիս Լամուրի մահով այս գաղափարը նույնպես մահացավ։
Westward the Tide (Лондон, 1950; первая публикация в США в 1976)
«Բարձր ժայռերի հեծյալները»(The Riders of High Rock) (1951)
The Rustlers of West Fork (1951)
«Ճանապարհ դեպի յոթ քամիներ»(The Trail to Seven Pines) (1951)
Trouble Shooter (1952)
«Հոնդո» («Սկաուտ») (Hondo) (1953)
Showdown at Yellow Butte (1953)
Crossfire Trail (1954)
«Սատանան հեղափոխությամբ»(Heller with a Gun) (1954)
«Կիլկենին»(Kilkenny) (1954)
«Յուտա Բլայն»(Utah Blaine) (1954)
«Անտառային զենք»(Guns of the Timberlands) (1955)
«Հրացան»(To Tame a Land) (1955)
«Այրվող բլուրներ»(The Burning Hills) (1956)
«Արծաթե ձորը»(Silver Canyon) (1956)
«Պապագոյի աղբյուրների վերջին կանգառը»(Last Stand at Papago Wells) (1957)
«Սիտկա»(Sitka) (1957)
«Բարձրահասակ անծանոթը»(The Tall Stranger) (1957)
«Ռադիգան»(Radigan) (1958)
«Լուսաբաց բերողը»(The Daybreakers) (1960)
«Փայլատակում»(Flint) (1960)
«Սակետ»(Sackett) (1961)
High Lonesome (1962)
«Կիլո»(Killoe) (1962)
«Լանդո»(Lando) (1962)
«Շալակո»(Shalako) (1962)
«Կետլոու»(Catlow) (1963)
«Մութ ձոր»(Dark Canyon) (1963)
«Ֆալոն»(Fallon) (1963)
«Ինչպես է նվաճվել Արևմուտքը»(How the West Was Won) (1963)
«Կախված կնոջ գետը»(Hanging Woman Creek) (1964)
«Անապատի միջով»(Mojave Crossing) (1964)
The High Graders (1965)
«Կի Լոկ անունով մարդը»(The Key-Lock Man) (1965)
«Կայովայի հետքը»(Kiowa Trail) (1965)
«Կոտրված հրացան»(The Broken Gun) (1966)
Kid Rodelo (1966)
«Կիլրոուն»(Kilrone) (1966)
Mustang Man (1966)
«Մատագորդա»(Matagorda) (1967)
The Sky-Liners (1967)
«Չենսի»(Chancy) (1968)
«Կոլագեր»(Conagher) (1968)
«Բլուրների լանջերով ներքև»(Down the Long Hills) (1968)
«Դատարկ հողը»(The Empty Land) (1969)
The Lonely Men (1969)
«Գելոուեյ»(Galloway) (1970)
«Ռաբլ Նուն անունով մարդը»(The Man Called Noon) (1970)
«Ռեյլիի երջանկությունը»(Reilly’s Luck) (1970)
«Բրիոն»(Brionne) (1971)
«Ֆերգյուսոնի հրացանը»(The Ferguson Rifle) (1971)
«Հյուսիսից դեպի ռելսերը»(North to the Rails) (1971)
«Տակեռ»(Tucker) (1971)
Under the Sweetwater Rim (1971)
«Կալագեն»Callaghen (1972)
«Ձիավարություն մութ արահետով»(Ride the Dark Trail) (1972)
«Մարդը Սկիբերինից»(The Man from Skibbereen) (1973)
«Արագաշարժ և մահացած»(The Quick and the Dead) (1973)
«Գանձերի լեռը»(Treasure Mountain) (1973)
«Կալիֆորնիացները»(The Californios) (1974)
«Սակետների հողը»(Sackett’s Land) (1974)
«Քանդված բլուրներից մարդը»(Man From the Broken Hills) (1975)
Over on the Dry Side (1975)
Rivers West (1975)
The Rider of Lost Creek (1976)
To the Far Blue Mountains (1976)
«Ահնտեղ, որտեղ բարձր խոտ կա»(Where the Long Grass Blows) (1976)
«Բորդեն Չենտրի»(Borden Chantry) (1977)
«Բենդիգո Շաֆտեր»(Bendigo Shafter) (1978)
Fair Blows the Wind (1978)
The Mountain Valley War (1978)
«Երկաթե մարշալը»(The Iron Marshal) (1979)
«Փորձությունների ուղի»(The Proving Trail) (1979)
«Միայնակ լեռներում»(Lonely on the Mountain) (1980)