Լաս Կրուսես (Las Cruses), քաղաք ԱՄՆ-ի հարավ-արևմուտքում, Նյու Մեքսիկո նահանգի Դոնյա Անա շրջանի վարչական կենտրոն։ Նահանգի՝ բնակչության թվաքանակով երկրորդ մեծ քաղաքն է։
Քաղաք | |||
---|---|---|---|
| |||
![]() | |||
Երկիր | ![]() | ||
Համայնք | Դոնյա Անա շրջան | ||
Հիմնադրված է | 1849 թ. | ||
Մակերես | 199,506948 կմ² | ||
ԲԾՄ | 1191±1 մետր | ||
Բնակչություն | ▲111 385 մարդ (ապրիլի 1, 2020)[1][2] | ||
Ժամային գոտի | UTC-7 և MDT? | ||
Հեռախոսային կոդ | 575 | ||
Փոստային դասիչ | 88001, 88005, 88007, 88011, 88012 | ||
Պաշտոնական կայք | lascruces.gov | ||
| |||
Լաս Կրուսեսը Մեսիլլայի բերքառատ հովտի աշխարհագրական և տնտեսական կենտրոնն է։ Հովիտը գտնվում է Ռիո Գրանդե գետի ողողադաշտում, որը ձգվում է Նյու Մեքսիկոյի Հաթչից մինչև Տեխասի Էլ Պասոն։
Լաս Կրուսեսում է գտնվում Նյու Մեքսիկոյի Համալսարանը։
Քաղաքում հիմնական գործատուն համարվում է դաշնային կառավարությունը, մասնավորապես՝ ԱՄՆ բանակի Ուայթ Սենդս հրթիռային հրաձգարանը և Ուայթ Սենդս փորձարարական կայանը։ Քաղաքից 70 կմ դեպի հյուսիս տեղակայված է Ամերիկա մասնավոր տիեզերակայանը, որից իրականացրել է մի քանի մերձուղեծրային թռիչքներ։ Լաս Կրուսեսում է տեղակայված նաև Virgin Galactic մասնավոր ընկերության կենտրոնական գրասենյակը.վերջինս նախատեսում է իրականացնել ուղեծրային տուրիստական թռիչքներ[3].:
Մինչ եվրոպացիների հայտնվելը քաղաքի տարածքը բնակեցված էր մանսո ցեղախմբի հնդկացիներով։ 1598 թվականին Խուան Օնյատեն Ռիո Գրանդեից հյուսիս գտնվող տարածքները հայտարարեց Նոր Իսպանիայի սեփականությունը և սկսվեց այդ տարածքների զավթումը իսպանացիների կողմից։ 1821 թվականի սեպտեմբերի 15-ին ստորագրվեց Մեքսիկայի անկախության հռչակագիրը և 1821 թվականի սեպտեմբերի 28-ին Նոր Իսպանիայի տարածքների սեփականությունն անցավ Առաջին Մեքսիկական կայսրությանը։ Այնուհետ տվյալ տարածքների իրավունքները անցան 1836 թվականին ինքորոշված Տեխասի Հանրապետությանը։ 1845 թվականին այն բռնակցվեց ԱՄՆ-ին, իսկ ամերիկա-մեքսիկական պատերազմի ավարտին Գվադելուպա-Իդալգո համաձայնագրի շրջանակներում այն վերջնականապես ճանաչվեց ԱՄՆ-ի սեփականությունը։ 1849 թվականին հիմնվեց Լաս Կրուսես բնակավայրը, որը քաղաքի կարգավիճակ ստացավ 1907 թվականին։
![Thumb](http://upload.wikimedia.org/wikipedia/commons/thumb/0/0a/LasCruces_NewMexico_ISS011-E-8410.jpg/640px-LasCruces_NewMexico_ISS011-E-8410.jpg)
Լաս Կրուսեսի միջին բարձրությունը ծովի մակարդակից կազմում է 1191 մ։ Համաձայն ԱՄՆ Չափագրումների բյուրոյի տվյալների՝ Լաս Կրուսեսն ունի 198, 5 կմ2 տարածք, որից ցամաքը զբաղեցնում է 198, 1 կմ2, իսկ ջրային տարածությունները՝ 0, 4 կմ2[4]։
Քաղաքի կլիման մերձարևադարձային անապատային տիպ է՝ մեղմ ձմեռներով և չոր ու շոգ ամառներով։ Հունվարի միջին ջերմաստիճանը +7 °C է, հուլիսինը՝ +27 °C.
Համաձայն 2010 թվականի մարդահամարի տվյալների՝ Լաս Կրուսեսի բնակչությունը կազմում է 97 618 մարդ[5]։ Էթնիկ և ռասսայական պատկանելիությունն ունի հետևյալ կառուցվածքը.
- 34.3% Ոչ իսպանական ծագումով սպիտակամորթներ
- 2.4% Աֆրոամերիկացիներ կամ սևամորթներ
- 1.7% Բնիկ ամերիկացիներ
- 1.6% Ասիացիներ
- 0.1% Բնիկ հավայացիներ և այլ կղզիաբնակներ
- 3.5% Երկու և ավելի ռասսայի խառնածիններ
- 56.8% Իսպանա- և Լատինոամերիակցիներ
Մեքսիկա Լերդո, Դուրանգո, Մեքսիկա
Գերմանիա Նինբուրգ, Ստորին Սաքսոնիա, Գերմանիա
- Լաս Կրուսես
- Քաղաքի արևելյան հատվածի նորակառույցներ
- Համալսարանի գրադարան
- Թոմաս Բրենինգի անվան գրադարան
- Դատարանի շենք
- Վելս Ֆարգո Թաուեր
- Օրգան մաունթինս
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.