From Wikipedia, the free encyclopedia
Էստոնիայի բնակչության վերջին՝ 2011 թվականին կայացած մարդահամարի տվյալներով իրենց մուսուլման կոչող մարդկանց թիվը կազմում է 1 508 մարդ։ Սակայն տարբեր հետազոտությունների և աղբյուրների տվյալների համաձայն՝ Էստոնիայում մուսուլմանների թիվը զգալիորեն ավելի շատ է, 10 000-ից[1] մինչև 20 000 մարդ[2]։
Առաջին մուսուլմանները՝ հիմնականում սուննի թաթարներ և շիա ադրբեջանցիներ, արտագաղթել են Էստոնիա բավականին վաղուց, երբ Լիվոնիան և Էստոնիան 1721 թվականին մտել էին Ռուսական կայսրության կազմի մեջ։ 1860 թվականին այն ժամանակվա գլխավոր Նարվա քաղաքում գտնվող թաթարական համայնքի անդամները սկսել են ցուցաբերել ակտիվ գործունեություն։
Այժմյան մուսուլմանների և նրանց նախնիների մեծամասնությունը մեծամասնորեն կազմում են այն մարդիկ, որոնք Էստոնիա են տեղափոխվել խորհրդային շրջանում (1940—1991)։ Առաջին մուսուլմանական կազմակերպությունը՝ «Narva Muhamedi Kogudus», գրանցվել է 1928 թվականին անկախ Էստոնիայի Հանրապետության օրենքներին համապատասխան, իսկ երկրորդը՝ «Tallinna Muhamedi Usuühing»՝ 1939 թվականին։ Նարվայում համայնքի կողմից նվիրատվություններով կառուցված տունը վերափոխվել է մզկիթի։ Սակայն 1940 թվականին խորհրդային իշխանության գալով հավաքներն արգելվել են, իսկ շինությունն ամբողջությամբ ոչնչացվել է 1944 թվականին Երկրորդ համաշխարհային պատերազմի ընթացքում քաղաքի ռմբակոծության ժամանակ[3]։
Ներկայումս Էստոնիայում կա մեկ գործող մզկիթ[4]։
2008 թվականի աշնանը Արաբական Էմիրայությունների արաբ ղեկավարներից մեկը՝ Մուհամեդ Ալ Քասիմը, դիմել է Տալլինի քաղաքային իշխանություններին խնդրանքով, որ հողատարածություն տրամադրեն տեղի մուսուլմանների համար մզկիթ և մշակութային կենտրոն կառուցելու համար[5]։ Սակայն Տալլինում մզկիթ կառուցելու որոշում դեռևս չկա[6]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.